الثلاثاء، 10 مارس، 2009

عشوائية المادة

كلمتين في الجون

الأمر بدأ كالتالي: كنت بتناقش مع الوالد ف الإسلام والإلحاد. ولما طال النقاش قلت لإنهائه: على فكرة العلم ضد الدين وأكتر العلماء ملحدين. فأنكر الوالد الحقيقة دية. فقلتله: طب هاتلي مثال على عالم مؤمن. سكت فقلتله: طب تعرف إن أحمد زويل ملحد؟.
أحمد زويل عالم حاصل على جائزة نوبل ف الفيزياء آه لكن ف علم دقيق ف الفيزياء اسمه ميكانيكا الكم (الكوانتم). العلم ده وضع أسسه آينشتاين بكتابه عن نسبية المادة وإنها مش محددة. وبعدين أثبت العلماء بعد كده إن المادة عشوائية والذرة لا تحكمها قوانين نيوتن التقليدية التي تحكم ما هو خارج الذرة كقانون الجاذبية. الذرة ملهاش مثلا اتجاه محدد متوقع ويتسم سلوكها بالعشوائية. مكمن استشهادي هنا إن المادة عشوائية نسبية وده بيتناقض مع صفة من صفات الله في الإسلام وهيا إنه منظم للكون.
رحت ع الفيس بوك قايل الكلام ده. جالي واحد إسلامي غريب الأطوار اسمه ياسر نجم (مسميينه ياسر لينكات) استشهدلي بكلمات لزويل على النت توحي بإنه مسلم وبيدافع عن الإسلام ضد دعاوى الإرهاب وكده. فقلتله: أنا ملحد لكن ف كلامي الحياتي بذكر اسم الله كثيرا أقول مثلا الحمد لله. إن شاء الله. لا حول ولا قوة إلا بالله!. وده له دوافع كتيرة منها إن الإسلام أثر بقوة ف اللغة العربية. وقلتله كمان: أنا لما بلاقي حد أجنبي بيهاجم الإسلام بدافع عن الإسلام وبقول إنه فيه سماحة. ليس حبا ولا انحيازا ف الإسلام. ولكن لأني عارف إن الهجوم سواء كان بقصد أو من غير قصد حيسيء لمصر ف الآخر.
تخيل مثلا أحمد زويل أعلن إنه ملحد. المجتمع المتخلف بتاعنا حيثور ويضرب يقلب وحتبقى إساءة كبيرة جدا لمصر وتشويه غير حضاري لصورتنا ف الخارج. الصورة ستظهر للأجانب كالتالي: عالم فذ ف ميكانيكا الكم مواطنوه بدل ما يفرحوا بيه بيشتموه عشان ارتد عن دينه هع هع!. وبعدين أحمد زويل أذكى من كده لأنه عايز يعمل نهضة علمية حضارية بمصر فمينفعش يسيء لسمعته عند الشعب المصري المتخلف بارتداده عن الإسلام.
أظرف حاجة بقى إن الإسلامي ياسر نجم أنكر كلامي وقال: إن عشوائية المادة هيا أكبر دليل على وجود إله منظم للكون! إزاي يا عم ياسر؟. قالك: الشمس مثلا ذراتها تتسم بالعشوائية لكنها ف المجمل كيان ثابت محدد يعني منتظم يبقى مفيش أي تعارض! قلتله: قشطة عليك!.

أحمد منتصر
في
ربيع الأول 1430

هناك 8 تعليقات:

عباس العبد يقول...

ملحوظتان عامتان ملهمش دعوة ببعض :
الأولى :
ان الكوانتم او ميكانيكا الكم مش بتقول ان حركة الذرة عشوائية بالمعنى الأعتباطى لكن بتقول ان الذرة بتتحرك فى مسارات و اتجاهات غير متوقعة و لكنها محكومة بالجاذبية و شكل المادة و حالتها يعنى الصاب غير السائل غير الغاز . بتتحرك فى مسارات غير معلومة مسبقاً لكن مش فى اتجاهات عشوائية و الا انهارت المادة و ما اتخذتش شكل معروف .. كمثال : كلنا عارفين ان الماء مكون من ذرتين الأوكسيجين و الهيدروجين و شكله الطبيعى " سائل " و بالتبريد كلنا عارفين ان الالمسافات البينية بين الذرات بتقل و بيتحول الى صلب " ثلج " .. مفيش عشوائية يعنى .. الفكرة اننا منعرفش المسار المسبق ده و هو ده اللى بيشتغل عليه زويل .. الفيمتو ثانية مهمتها تصوير صور بسرعات عالية و اعادة عرضها بالسرعة العادية لدراسة المسارات دى
اما الملحوظة الثانية :
ان مفيش حاجة اسمها نظام الخلق .. احنا منعرفش الكون " الله " خلقه ازاى . نظام الخلق دى اسقاط انسانى على الله , لكن احنا منعرفش ازاى الله خلق الكون , الأديان ادت فكرة عامة لأرجاع الكون الى خالق و ليس لشرح نظرية او نظام الخلق . دى ملهاش دعوة بدى
--
اسف للأطالة

أحمد منتصر يقول...

شكرا يا باشا تعليق جميل جدا أنا بتخانق معاهم أهم ع الفيس بوك

http://www.facebook.com/note.php?note_id=89187185728&id=741004815&index=0

fathys يقول...

عاجبني جدا تعليق عباس العبد خصوصا المحلوظة التانية ..علاقة الأديان بنظرية نشوء الكون

بس هنا يا أحمد انت افترضت افتراض ان احمد زويل ملحد لأنه مؤمن بنظريات علمية معينة .. مش معنى ذلك ان افتراضك غلط و لكنه يظل افتراض .. حاجة كمان اسلام أحمد زويل أو الحاده لا يقلل او يضيف لأحمد زويل كشخصية علمية .. و اكرر كشخصية علمية .. احنا مش ناويين نناسبه .. انا شايف ان حضرتك خلطت بين ايمانه العلمي و ايمانه الديني و الموضوعين ملهمش علاقة ببعض و احنا متفقين على دي ..صح؟
تحياتي سيدي الفاضل

أحمد منتصر يقول...

مرحبا
سبب كتابة المقالة هو نهاية حوار مع الوالد زعم فيه أن أغلب العلماء مؤمنين

وبالطبع لا يهم الأشخاص الموضوعيين إيمان شخص أو إلحاده

وشكرا

محمد أبو الفتوح غنيم يقول...

هل هذا يعني أنك لا يحزنك كونه مرتد إن كان كذلك


دا شيء عادي عندك؟!!
هو لن ينفع أو يضر الإسلام بذاته والإسلام في غنى عنه سواء كان مسلم أو غير مسلم

المشكلة تكمن في عقيدتك أخي لا أنكر أن الكفار منهم علماء في أمور الدنيا ولا نبخسهم حقهم أو زعم أنهم جهلاء فيما هم فيه علما وهذا لا يتعارض مع قوله تعالى "إن هم كالأنعام بل هم أضل" فمن يزعم تعارضا بالعيب في عقله وفهمه،

غير معرف يقول...

سبحان الله يعني إنت كنت سلفي حسب زعمك وقريت ميت كتاب حسب ادعائك ومش عارف ان مفيش صفة من صفات الله اسمها "منظم الكون" لا في القرآن الكريم ولا السنة المطهرة!! عجبي

madokira يقول...

عرفت منين ان زويل ملحد ايه مصدر معلومتك؟

madokira يقول...

عرفت منين ان زويل ملحد ايه مصدر معلومتك؟