الجمعة، 29 أغسطس، 2008

ثلاث رسائل في الجنس 1

Image hosted by servimg.com
كلمتين في الجون
مقدمة

العبد لله وهو بيدعبس ف المكتبة بتاعة الوالد لقى كتاب (ثلاث رسائل في الجنس) بتاع فرويد ترجمة الدكتور محمد عثمان نجاتي. وتكمن شهرة هذا الكتاب في إنه أكبر مرجع لآراء فرويد الجنسية الشهيرة وإللي أثارت ضجة ف العالم كله منذ صدور الكتاب عام 1905 بفيينا. حيث قام فرويد بتفسير الجنس في حياة الإنسان بعد الملاحظة المباشرة عن طريق فن التحليل النفسي لكذا حالة دون الوضع ف الاعتبار الآراء البيولوجية عن الجنس المعروفة. فمثلا اعتبر فرويد إن بعض تصرّفات الطفل قبل البلوغ -بل والطفل حديث الولادة- تدخل تحت بند الجنس. والمعروف بيولوجيا إن الجنس بيبدأ ف حياة الإنسان عن طريق النشاط الجنسي بدءًا من فترة المراهقة.
الكتاب كما هو واضح من عنوانه بيتضمن ثلاثة كتيبات. الأولاني عن الانحرافات الجنسية زي المثلية واتخاذ الأطفال والحيوانات كموضوعات جنسية. والتاني عن الجنس عند الأطفال وإللي خلص فيه فرويد إلى إن النشاط الجنسي متوافر برضه عند الأطفال. واتكلم عن العوامل الداخلية والخارجية إللي بتؤثر ف استعداد الأطفال للانحراف. وف التالت اتكلم عن تغيرات المراهقة الجنسية.
وف نهاية المقدمة دية أحب أقول كما قال فرويد إن الكتاب ده مش نظرية كاملة في الجنس. وإن مشكلات جنسية مهمة كتيرة لم يتطرق إليها هذا الكتاب. وإن الكتاب اعتمد على الملاحظة المباشرة إللي لو اعتمدت البشرية عليها مكانش الكتاب ده اتكتب أساسا. وإن أهمية الجنس إللي بيتطرق إليها الكتاب ليس المقصود منها تفسير كل شيء بالجنس. وحتى لو كان الكتاب بيوحي بكده فإن الجنس مثله مثل أي حاجة إنسانية أخرى يجب دراستها بحيادية وعدم الخشية منها.

أحمد منتصر
في
جمادى الأولى 1429

هناك 8 تعليقات:

أحمد جمال يقول...

يا بني بطل اللي انت فيه دا .. فرويد دلوقتي مهمل تماماً في النظريات النفسية الحديثة .. انت كأنك بتكلم واحد في بيته بوتاجاز عن كيفية إشعال البدائي للنار .. كلام خلص وقته خلاص

فرويد كان مهم وعمل مدرسة كاملة ,بس خلاص .. دوره خلص .. وجم ناس بعديه كتبوا حاجات أهم بكتير

أحمد منتصر يقول...

ههههههههه فاقسني م الأول إنت يا كبير

عموما نظرية فرويد تعضد دعوتي للحرية الجنسية مش أكتر

أحمد جمال يقول...

يعني انت عارف ان كلام فرويد ملهوش أي معنى دلوقتي , وبتستخدم كلامه اللي ملهوش أي معنى في إثبات حاجة إنت عايز تقولها

يا بني والله انا مش معترض إنك تحاول تثبت إن البطيخ في الحضارة الفينيقية كان إسمه كلبوظة .. بس إثبت دا بأسلوب علمي

أحمد منتصر يقول...

حبيبي والله

إللي يقدر يرد عليا بأسلوب علمي يرد

إللي ميقدرش وهو ده المتوقع لإما حيقتنع لإما حعمله بلبلة ف دماغه

وهو ده المطلوب...

أحمد جمال يقول...

سؤال آخير بس عشان أعرف وجهة نظرك , يعني انت عارف كويس أن كلام فرويد دا علمياً دلوقتي غير معترف بيه ؟

أحمد منتصر يقول...

هو أنا مش عارف كويس

الخلاصة إن كلام فرويد منطقي عشان بيقوم على الملاحظة المباشرة

وأنا حسب إللي خدته ف المدرسة عارف إن فرويد متطرف حبتين

لكن مقرتش للأسف لسه حاجة ضده

.:.-=- ELGaZaLy-=-.:. يقول...

السلام عليكم ورحمة الله وبركاته...

عزيزى احمد جمال..كيف حالك وكيفما اصبحت..كل عام وانت بخي ر..رمضان كريم ..

دعنى اقف معك للحظة ها هنا بعيدا عن موقفك من صاحب المدونة او من المدونة ..فكر معى قليلا عن اى فرويد تتحدث..عن سيجموند فرويد ..مؤسس طريقة التداعى الحر ..والا شعور ..واكبر معالج للهيستيريا,,,,بكتبة التى كانت ولا تزال نقطة فاصلة فى التفريق بين المرض النفسى والعقلى..ثم ان اساسا التحليل النفسى الذى لا يزال يدرس حتى الان هو من صنع عبقرية فرويد...ربما كنت تقصد نظرتة عن الجنس فلهذا مقام اخر...
ولكن بالنسبة لعلمة ونظرياتة ..فهو مؤسس علم النفس الحديث بلا منازع ..ولا تزال مدرستة التحليل النفسى تحتل رقم واحد على العالم..ان اردت ان استذيد.فللحديث بقية..

شكرا لك

أحمد جمال يقول...

وانت بخير يا رب ..

المشكلة يا عزيزي أنني أدرس هذا الكلام حالياً , انا طالب طب , و مهتم بعلم النفس تحديداً .. مجلة mind المنتمية لمجلة scientific american
خصصت عدداً للحديث عن إسهامات فرويد .. كان من ضمن الكلام : أن نظريات فرويد قد إنتهيت تماماً حالياً

كل ما تتحدث عنه , من مدرسة التداعي اللا شعوري , وإسهامات فرويد , توقف الطب النفسي عن إستخدامها منذ عام 1950 .. تخيل ! .. يبدو أن الوضع مختلف عندنا بضع الشيء لإن فرويد يتحدث عن الجنس , وهو الموضوع المحبب عند البشر كلهم ..

موقفي من صاحب المدونة صدقني لا علاقة له بكلامي .. أنا أتحدث هنا من منطلق علمي بحت ..