السبت، 19 يوليو، 2008

عيوب الحجاب

Image hosted by servimg.com
كلمتين في الجون

الحجاب العادي: الإيشارب. الأنثى لما بتلبسه تبدأ متهتمش بشعرها. البعض منهم بيبالغ ف تقصيره لدرجة الكاريه أو إنها تعمله زي الرجالة. والبعض منهم من كتر ما بتغطي شعرها وبتبقى لفاه تحت الإيشارب خصلاته بتضعف وتبدأ تموت لإنه لازم يتعرض للهواء النقي مش جو المطبخ المحتقن أو جو البيت عموما إللي مفهوش تيارات هوا.
ولما بتلبسه الأنثى بتبدأ متهتمش بجسمها ورشاقته. فتبدأ تتخن وتتخن. وده مبيهمهاهش خصوصا لو كانت متجوزة!. وعموما أغلب المحجبات بتلبس واسع.
ولما بتلبس الحجاب بتبدأ تصرف على لبسها أكتر عشان لازم تجيب طقم مناسب للون الطرحة. وده لو فقيرة يعني. عشان لو الطرحة عاجباها حتجبلها طقمين تلاتة. ده غير الميكاب إللي لازم يكون مناسب مع لون الطرحة. يعني مصاريف زيادة وخلاص. بعكس غير المحجبة إللي كل لما تقلع أكتر توفر أكتر خصوصا ف اللبس النهاري.
المحجبة بتصرف على مزيلات العرق والبرفانات والكلام ده أكتر من البنت العادية غير المحجبة. ده غير إنها مبتهتمش تشيل شعر جسمها الزائد ف الساقين والدراعين والكلام ده فلما تيجي تركب تاكسي ولا حاجة تقرف أوي.

أحمد منتصر
في
رجب 1429

هناك 25 تعليقًا:

sagi يقول...

وده من واقع كونك بنت قبل كده ولا ايه
--
ماتزودش الحساب على نفسك يا أبوحميد
كفايه اللى بتعكه
حد مش يدخل امتحانات برده ؟؟
حاسس إنك بتزنلق لحافه الإنهيار بمنتهي السرعه
--
وحاسس ان احمد العلماني بيحارب أحمد السفلي
حاول تطلع م الداومه دي
وتعمل احمد معتدل من غير كبت ولا تسييب
ربنا يوفقك يا جميل
على فكره بحب أقرالك اوي

أحمد منتصر يقول...

حبيب قلبي هع هع

وراك وراك يقول...

الله يخربيتها اللي عوزة خلف من عينتك

أحمد منتصر يقول...

هههههههههههه حلوة

mirage يقول...
أزال أحد مشرفي المدونة هذا التعليق.
mirage يقول...

أه مسألة التخن كمان ؟ ايه علاقة الحجاب وتغطية الشعر بالنظام الغذائي ؟

في محجبات اجسامهم معتدلة وفي غير محجبات اجسامهم مش رشيقة ؟
ده له علاقة بالنظام الغذائي واسلوب الحياة واستعداد الجسم للحرق مش له علاقة ابدا بتغطية الشعر او اظهاره !!

نقطة كمان .. : ايه مدى ارتباط الزي الانيق بالديق ولا الوسع ؟
وبعدين يا ريت المحجبات بتلبس واسع .. حاليا كله بيلبس ديق .. ودي مش عيب او ميزة ده اسلوب ونمط لبس البعض بيفضله والبعض بيشوفه غير مريح .. يعني مالهوش اي علاقة بمدى الاناقة ولا الاناقة عندك في التلزيق ؟؟

ارجع واقول راجع الافكار الي بتتناقش فيها وعلى الفكرة انا مش بهاجمك... انت اكيد حر في فكرك زي ما انا حرة في فكري ...

:) سلام

أحمد منتصر يقول...

ميراج عدلي الرد بتاعك هو حلو وموضوعي بس فيه شتايم زي الأسلوب الفقير والفكر الضحل

لما تعدليه حبقى أرد عليكي

وإلا حضطر أحذفه عشان الشتايم

ومش حرد عليكي

emoo يقول...

انا اسفة ولكن لماذا التعميم؟؟؟
بالضبط مثلما قالت ميراج..ما علاقة طول الشعر بالحجاب..؟ هو عادة بيتلم لورا لو كان قصير او طويل ..نفس طريقة التصفيف لوضع الحجاب

ما علاقة لون المكياج بالمحجبة..؟
لم افهم

ما علاقة التخن بالحجاب..؟
لم افهم

ما علاقة النظافة الشخصية بنوع الملابس؟
هل كل غير المحجبات يهتممن بنظافتهن الشخصية من مبدأ ان ذراعيها او ساقيها ستظهر
وماذا اذا كانت غير محجبة تفضل ارتداءالبنطلونات
من هذا المبدأ ستنضم الى المحجبة التى لا تهتم بازالة الشعر الزائد من نفس المنطلق ( انو متغطي ) انا اسفة ولكن هذا يضحكني كثيرا

ما علاقة الحجاب بالسمنة والرشاقة؟
هل عندما ارتدي الحجاب اسمن
وعندما اخلعه اصبح رشيقة

طريقة تفكيرك صادمة بالنسبة لي
اعتدت ان اجد في المجتمع المصري اناسا يحكمون بالمظاهر
يظنون ان المحجبة ضيقة الافق
ويعتقدون ان الدين ضد الثقافة والفن والجمال
وكنت اتفهم هذا من واقع التربية والثقافة المصرية البحتة
ولا استغربه برغم حمقه
لكن ان يكون ارتداء ايشارب على الرأس
سببا في السمنة وزيادة المصاريف وقلة النظافة
صدمة مرعبة جديدة

mirage يقول...

حضرتك أنا مش بشتمك ده وصف لا إلا

ومين قالك اني عايزاك ترد علي؟؟؟؟
انا بعقب على فكرة مش طالبة انها تتقلب شات

وان كنت عايز تحدف انت حر ... بس خلي بالك انت كدة بتناقد نفسك ..!!
قين حرية التعبير؟ والرأي ؟؟

أحمد منتصر يقول...

يا سلام يعني تشتميني وأسكتلك؟

emoo يقول...

اردت ان اضيف شيئا اخر اذا كنت لا تمانع التعقيب
وجدت كلمة " علمانيه " مصاحبة للمقال
الا تعرف ان العلمانية تحمي حرية عقيدة كل فرد في المجتمع..؟
فلا احتقرك ولا تحتقرني ...
وهل تعرف اصلا ان الاسلام دين علماني..؟
واذا كنت تعرف هذا وقد قرأت جيدا
فكيف تصنف مقالك...؟
اتصور ان التصنيف مع الاسف سيكون
" عنصري "

هناك بعض الكتب الجيدة عن العلمانية اقرأ لعبد الوهاب المسيري
ربما قد تتغير نظرتك من حيث تصنيف البشر بحسب ملابسهم وعقائدهم
فلا تحتقر من يرتدي صليبا او حجابا او قلائد واسوار ويؤمن بالكرما
وتصبح نظرتك اكثر نضجا حيث ترى المضمون والعقل

ارجو ان تكون قد وصلتك وجهة نظري
شكرا

أحمد منتصر يقول...

آآآآآآآآآآآآآآه !

ليبرو إسلاميين هع هع

أحمد منتصر يقول...

المضحك إن الموقف ده بيحصلي كتير

ليبرو إسلاميين يقولولي إنت مش فاهم الإسلام صح وبتسيء لليبرالية
عشان علماني

علمانيين متطرفين يقولولي إنت مش فاهم العلمانية صح وإنت بتسيء لليبرالية
عشان مش بألف ف الدين

لكن بفضل الله من آن لآخر بلاقي ناس معتدلة زيي هع هع

emoo يقول...

هناك حلقة مفقودة
ربما لانني تصورت الموضوع جادا فقمت بالتعليق بجدية
فوجدت الرد على استفساراتي مزاحا
حسنا اذا كنت تتكلم بجدية
فالموضوع لا يتعلق بالاتجاهات السياسية
الموضوع يتعلق بانك لا تتقبل ثقافة الاختلاف...
ليس له علاقة بالليبرالية او العلمانية
الموضوع يتعلق بالتحضر وتقبل الاخر..
من منطلق انساني..

اما اذا كنت تمزح فعذرا على تضييع وقتي

أحمد منتصر يقول...

ولا بضيع وقتي ولا وقتك

أصل المقالة متستحقش ف رأيي كل الضجة دية

وفي مقالات أهم منها منشورة ف نفس الصفحة مجلهاش ولا تعليق أو كام تعليق وخلاص

مشكلتكم: إني كسرت تابو مفيش حد بيكسره ف المجتمع المصري إلا ورجم ف ميدان رمسيس

بدءا من فاروق حسني حتى العبد لله

الموضوع لا يستحق يا جماعة

بلاش سذاجة

دي حتة قماشة ع الراس لا بتودي ولا بتجيب !

هع هع

وبعدين انتبهوا للفظة (البعض) ف أول المقالة

لم أعمم

ومقولتش بالنص إن غير المحجبة أحسن ف الشكل من المحجبة

ما عن ده رأيي

وبعدين عيب نقول إن أي واحد واحد بيهاجم مجموعة ناس معينة يبقى عنصري

وإلا مكانش حد هاجم حد

أنا بقول رأيي. ف مجموعة ناس مرضى القلوب بقى هما إللي بيلووا عنق النص ويقولك ده عنصري ده متطرف

أمال تعملوا إيه بقى ف العلمانيين المتطرفين إللي بيقولوا إن الحجاب مش ف الإسلام

وإن الخمر مدامت لم تسكر تبقى حلال؟

وراجعي مقالة (ولا تسرفوا)

بلاش الاتهامات الكبيرة دية

وإن كان لابد منها فوجهوها لمن يستحقونها

عالم فاضية صحيح هع هع

نونو يقول...

ولن يرضى عنك العلمانيون
هع هع
غريبة
والله بجد بجد وقعتني من الضحك
هو لسة فيه حد بيفكر كدة
هع هع
اسلوبك ما تزعلش
الاختلاف في البتنجان بقى لا يفسد الملوخية في النملية

نونو يقول...

على فكرة اللي بتلبس حجاب دي بيبقى شعرها وحش ولا ارعة
اه اما اللي بتنتقب بتبقى وحشة وسودة وحولة
ما فيش ابدا واحدة بتلبس الحاجات دي لله ابدا
هع هع

نونو يقول...

الاسلام دين علماني؟؟؟؟؟
ليبرو اسلامييين؟؟؟؟؟
توضيح ينوبكم ثواب في العالم اللي جاية من الصحرا زيي دي
ويبقى جزيتم خير

أحمد منتصر يقول...

الليبرو إسلاميين دولا توصيف للمتأسلمين العلمانيين غير المتشددين زي الإخوان المسلمين وبتوع حزب العمل ف مصر وحزب الوسط

إللي بيقولوا الإسلام دين ليبرالي
يعني فيه حرية وديمقراطية وكلام من ده

وعلى هذا المنوال في نوعيات سياسية أخري زي

اشتراكي إسلامي ومنهم الشيخ محمد الغزالي إللي كتب كتاب الاشتراكية في الإسلام

يساري إسلامي زي إبراهيم عيسى الكاتب الصحفي

طبعا في منهم يرفض توصيفه بهذا الوصف أو ذاك

لكن برضه لما نحدد مذهب شخص نقدر نفهم بكل سهولة سبب اتخاذه لموقف ما إذا كان ملتزما بمبادئه

أنا مثلا شايف ليه إن الحجاب سذاجة؟

لأني علماني تفكيري مادي

لأني بكره الملتزمين دينيا

لأني بتاع حرية جنسية يبقى حجاب إيه إللي حوافق عليه ما تقولوا كلام معقول

وواضح إن الموضوع تحول لمهلبية كل يدلي بدلوه..وبلواه !

بالنسبة لمقولة إن الإسلام دين علماني فدي ف رأيي مقولة ساذجة لا تقل سذاجة عن فكرة الحجاب.

عموما إللي قالها يشرحها...

سبهللة يقول...

أحمد
رغم انى اختلف معاك فى ان الحجاب مش قطعة قماش وخلاص
الحجاب فرض وليه شروطه
اللى انت شايفه دلوقتى بين بعض البنات
دة مش حجاب
بس انا بتفق معاك فى نقدك للمحجبة اللى بتراعى الالوان والميك اب والبرفانات
الكلام دة مالوش اى علاقة بالحجاب
الحجاب مالوش علاقة بالموضة والالوان والبرفان
الحجاب اللى انا بشوفه حاليا بين بعض المحجبات عكس كلمة حجاب تماما فهوا اظهار للمفاتن أكثر من حجبها

هدانا الله واياكم لما يحب ويرضى
سلام عليكم

سبهللة يقول...

أحمد انت قلت

أنا مثلا شايف ليه إن الحجاب سذاجة؟
لأني علماني تفكيري مادي
لأني بكره الملتزمين دينيا
لأني بتاع حرية جنسية يبقى حجاب إيه إللي حوافق عليه ما تقولوا كلام معقول

انت بتقول انك علمانى مادى
طيب هو الحجاب دة شىء معنوى
ماهو شىء مادى ومحسوس ومتشاف
وبيصون الواحدة لو التزمت بيه كما يجب
ثم انت بتكره الملتزمين دينيا ليه؟؟
بتكره مامتك يا احمد؟؟
ثم يعنى ايه انا بتاع حرية جنسية
بجد انا ما فهمتهاش ممكن توضح لى وجهة نظرك
بعدين هل انت شايف ان الكلام المعقول اننا نرفض الحجاب
نرفض امر من اوامر ربنا
ممكن فيه ناس ما تنفذوش كسل او لسه ربنا ما هداهش لكن غير كدة ما يبقاش اسمها علمانية دة يبقى اسمه الحاد
وانا اخاف عليك من انك تنزلق الى معنى زى دة
تحياتى ليك
واسفه على الاطالة

أحمد منتصر يقول...

أستاذة رانيا

أخيرا حد جيه وقال كلمة حق

الإيشارب أصلا مش حجاب هع هع !

الحجاب الشرعي ف القول الراجح هو النقاب

وفي قول مرجوح إنه الخمار .

أنا علماني مادي

يعني بهتم بالماديات

الحجاب معمول عشان الثواب الأخروي

وده شيء مش بتفكيري كعلماني مادي مصلحجي يعني

والمفروض إنه كما يقال بيصون البنت

وده ف رأيي كعلماني مادي مؤدب

أي كلام

عشان ده اتهام لغير المحجبة بقلة الأدب

وعدم صيانة نفسها

وأصلا الحجاب بيروج للالتزام الديني إللي أنا بكرهه

عشان ف رأيي الالتزام الديني خطر على تقدم الأمم

وكمان التفكير الديني تفكير متخلف ورجعي

عموما أنا مدعتش لنبذ الحجاب إللي عايز يلبس حاجة يلبسها

مامتي مش ملتزمة دينيا والحمد لله

كون إن الواحدة لبست حجاب فده مش التزام ديني

لأن الالتزام الديني أعمق من كده

حجاب مع صلاة وصوم رمضان وتقوى الله وكده

لكن المحجبة بتروج للالتزام الديني والتفكير الديني وإن المرأة عورة والهبل ده

أنا بتاع حرية جنسية يعني بدعو للحرية الجنسية المقننة

متفهميش غلط هع هع !

بالنسبالي مش معقول تكلميني ف حجاب وأنا من دعاة الحرية الجنسية

لأني لو وافقت ع الحجاب حبقى متناقض مع الحرية الجنسية

ولو تراجعت عن الحرية الجنسية مش حوافق برضه على الحجاب

والخلاصة:

إن الحجاب يعني حجب شيء ما

الشيء ما ده بقى هو المرأة

يعني حجب جنس كامل ومنع حريته

ده بيتعارض مع التفكير الليبرالي المتقدم

إللي مبني على العقل

لأني مليش دعوة بالدين بيقول إيه وبيعمل إيه

لأني مش ملتزم دينيا وأفتخر

ولأني مش بفكر بطريقة دينية

فلو ثبت عندي عقليا أو ماديا بمعنى آخر إن الحجاب أفيد وأصح للمرأة وللمجتمع فمفيش مشاكل عندي ف قبول الحجاب

وإلا...

هع هع لا للحجاب !

غير معرف يقول...

انت اصلا واضح انك انسان معقد او عندك عقدة نفسية من ناحية الحجاب اوالالتزام بتعاليم دينك واومر ربكا ياريت بع> ا>نك تستنصر مش ناقصين ارف انت عبء على انك تكون مسلم واسمك على اسم روسلنا علية الصلاة والسلاام اسف انى طولت بس تسمحلى اقوالك روح ولع فى نفسك

killua يقول...

الموضوع لذيذ الصراحة فى كلام كتير صح و فى كلام غلط بس الصح اكتر و كل واحد حر الراجل بيقول فكرة فى دماغة
معظم موضيعك حلو يا منتصر

عاشــــــ النقاب ـقــــة"نونو" يقول...

هههههههههههههههههههههه
انت لسة عايش
انت حر ااااااااااااااااه
وكم من المش عارف ايه تغتال بسببك يا حاجة حرية
سلاماتي ودعواتي ويشهد ربي بهدايتنا جميعا لما يحبه ويرضاه