الأحد، 6 يوليو، 2008

التطور الطبيعي للإخوان المسلمين

Image hosted by servimg.com
كلمتين في الجون

الإخوان كانوا زمان بيدعوا للخلافة الإسلامية. آه والله أستاذية العالم. وكانوا بيطالبوا بتطبيق الشريعة الإسلامية كاملة. ده كان لحد نهاية الألفية التانية تقريبا.
لكن مع بداية الألفية التالتة تقريبا الخطاب الفكري للإخوان اتغير بطريقة ملفتة. بدؤوا يطالبوا بدولة مدنية علمانية يعني. وبدؤوا يطالبوا بالديمقراطية للجميع لأنهم كانوا بيطالبوا الأول بالديمقراطية ليهم وبس. لكن لما جم يعملوا حزب سياسي الناس خبطت فيهم ف موضوعين: الأقباط والمرأة. قالك مينفعش قبطي أو امرأة يمسك الحكم رئاسة الدولة يعني. وبعدين قالك ده مستبعد واقعيا عشان أغلبية المصريين مسلمين. طب منين بتدعوا لدولة علمانية وتقول مينفعش المختلف عنك يوصل للحكم وتمنع ترشيحه بالمنطق ده وكده؟.
ده غير إنهم عايزين يطبقوا الشريعة بما فيها من مصادمات للواقع. زي حدود القصاص والحرابة والسرقة وشرب الخمر والزنا. إزاي وعقوبة الإعدام بدأت تتلاشى من العالم المتقدم خلاص؟. ولو حد من دعاة الأقباط أو غيرهم قال إنه لا يعترف بالإسلام حيطبق عليه حد الحرابة؟. ولو حد شرب الخمر حيجلده؟. ولو حد مارس الجنس وده حق طبيعي للإنسان حيجلده؟. ويقولك دولة مدنية قال.
أنا طلعت من التطور الطبيعي ف رأيي للإخوان ده بحاجتين: الأولانية إن أهوه أكتر ناس مش متشددين دينيا عندهم عقد وكلاليع عند تطبيق مفهوم الدولة العلمانية. التانية إن التطور الطبيعي لأي فكر ديني إنه يقلب بفكر علماني حبة حبة.

أحمد منتصر
في
رجب 1429

هناك 6 تعليقات:

سبهللة يقول...

احمد
معاش يعنى لو فيها غلاسة منى
انا مش فاهمة ايه الحرابة وايه هو حد الحرابة
ممكن توضح لى؟؟
شكرا

أحمد منتصر يقول...

الحِرابة هي محاربة الله ورسوله صلى الله عليه وسلم. الأغلب إنها بحمل السلاح وقطع الطريق وترويع المسلمين. لكن البعض بيطالب بتطبيقه على من ينتقدون أي شيء ف الدين يعني لو واحد غير مسلم انتقد الدين أقيم عليه. وهو الطبيعي إنه ينتقد الدين وإلا كان آمن به.

برضه للاستزادة انظري فتوى ف إسلام أونلاين:

http://www.islamonline.net/servlet/Satellite?pagename=IslamOnline-Arabic-Ask_Scholar/FatwaA/FatwaA&cid=1122528607170

نونو يقول...

hhhhhhhhhhhhhhhhhhhhh
salamaaa

عصفور المدينة يقول...

ولو حد مارس الجنس وده حق طبيعي للإنسان حيجلده

ممكن أفهم العبارة دي يعني بالراحة أصلي مش باحب أفسر كلام حد على مزاجي

وفهمني برضه عشان أنا قلقان عليك شوية هو انت مؤمن بالآيات دي ولا لأ

ولا تقربوا الفواحش ما ظهر منها وما بطن

ولا تقربوا الزنى إنه كان فاحشة وساء سبيلا


========
قف مع نفسك يا أحمد وقفة تعقل وكفاية كدة .... سيبك من السلفيين والإخوان والكون كله وسيبك مني ما تردش علي حتى
اسأل نفسك أنا مسلم ولا لأ
سيبك من الدولة والكون والقوانين والعالم المتقدم والمتخلف والمتحضر حدد موقفك الأول تجاه نفسك ووجودك في الكون

أخوك المشفق عليك
محمد

أحمد منتصر يقول...

حبيبي عصفور المدينة :)

ما أنت عارف أنا مؤمن بالحرية الجنسية

هو أنا مؤمن بالآيات إللي بدعو لمخالفتها إنها كلام ربنا

أنا موقفي من الحياة كلها إني أستمتع على قد ما أقدر من غير ما أضر حد ولا أضايق حد بس كده :)

ADAM يقول...

مونتي

ربنا يهديك متلعبش في عدادك بدري

الحرية الجنسية معاك فيها

بس منقولك إنها حلال

يعني لو هنطبق الشرع يبقى لازم

اللي يمارس الجنس خارج بوتقة الزوجية

فعليه يقام الحد

وده لا يتعارض مع إنه حر يعمل

اللي هو عايزه

بس لو اتقفش وشهد عليه أربعة

يبقى عليه العوض

احنا اتعلمنا ايه يا مونتي .؟

نعتقد اللي نعتقده براحتنا

بس منتصادمش مع كلام ربنا

عشان ميدخلناش الفرن الموحوح

ونرجع نعيط

ونقول يا عمو مالك

ونبي شوية جريب فروت

فاهم يا بابي ؟

فصحح المعلومة دي

وشد حيلك واتق ِ الله في نفسك

عشان بحبك وهزعل لو روحت النار

عاوز معايا في الجنة بإذن الله


مع السلامة يا قمر


آدم