الخميس، 19 يونيو، 2008

الجو الذي يعيش فيه أطفال السلفيين

Image hosted by servimg.com
كلمتين في الجون

سمعت مرة الشيخ المقدم السلفي السكندري بيقول إن أحد أطفال السلفيين كان لما يشوف راجل من غير لحية يخاف ويعيط (!). ثم أردف في فخر: وده لإنه اتعوّد يشوف علطول رجالة بلحى (!!).
أطفال السلفيين بيعيشوا ف جو كبتيّ رهيب. حيث المرغوب ممنوع كمشاهدة التلفاز وسماع الأغاني والرقص عليها والنهي عن رسم ذوات الأرواح. وعقيدة الولاء والبراء المتشددة. والبعد عن الجنس الآخر زي ما واحدة كانت مذيعة واتنقبت سمعتها بتقول إنها لما جات تدخل أحد أولادها حضانة (إسلامية) سألت الأول: هل فيها اختلاط أو لا!؟.
العبد لله لما كان بيحفظ الأطفال القرآن ف أحد مساجد السلفيين زمان. كنت بقعد الولاد مع البنات ف دايرة حواليا. أدهم الطفل الشقي كان بيبقى ف وجود البنات مكسوف وخصوصا ف وجود سوزان البنت الفاتنة. كنت أياميها بحاول أخفف من وطأة الفجوة إللي ما بين الولاد والبنات ف المجموعة. ففمرة شيخ جالي وقاللي: إنت مينفعش تحفظ البنات (!!).
أساسا السلفي لما (بيلتزم) بالدين على كبر يعني ف سن عشرين سنة كده. بيبقى غالبا إنسان خجول ومعقد ومبيعرفش بنات وانطوائي. فطبعا حيرتاح جدا مع السلفيين. لكن إيه ذنب الأطفال إنهم يطلعوا خجولين ومعقدين ومبيعرفوش إزاي يتعاملوا مع الجنس الآخر ويحتقروه ويبقوا ف عزلة اجتماعية؟. سؤال يجب أن يشغل بال كل أب وأم بيفكروا يبقوا سلفيين...

أحمد منتصر
في
ربيع الثاني 1429

هناك 3 تعليقات:

نونو يقول...

لا لسة فيه تكملة
كمل
حاجة تخنق فعلا
حياتهم كدة غريبة
تصدق يا اخي بيخلوهم يحفظوا قران
وما يخلهومش يلعبوا بلاي استيشن
خااااااااااااالص اصله بدعة
بيودوهم الجوامع بس يتحبسوا فيها
لكن ما بيودهومش دريم بارك اصله ملهى
ما بياكلوهم بلح عشان سنة لكن ما بياكلوهمش شيبسي عشان المقاطعة
بيربوهم على الحلال بين والحرام بين ويتاسوا برسولنا الكريم ويقولولهم اوعوا تشربوا السجاير
اصلها حرام
وما بيخلهمش يرفضوا ارتفاع اسعارها بس
لا يسيبوها امتثالا لاوامر الله تعالى
حاجة تخنق بجد
طب عندك حل نولع فيهم بجاز مثلا
ولا نعمل ايه علشان الجيل القادم الواعد اللي هيطلعوه مخنوق وما بيروحش الديسكو دة
ربنا يكرمك وتقدم لنا حل
ادامك الله زخرا للاسلام واولاد المسلمين

وما بيخلوهمش ي

أحمد منتصر يقول...

حتى كمان ف الحزب يا نونو مش راضيين يجيبولنا بلاي ستيشن

عامل متشددة هع هع

نونو يقول...

ربنا يهديلك نفسك
انت كنت لسة فاكر يا راجل دة انا نسيت
يلا قولنا بقى ايه اخر اخبار اولاد السلفيين الوحشين
وكمان ياريت تعرفنا اخبار ولاد العلمانيين الحلوين
ربنا ما يحرمنا من اضافاتك المبهرة يا اخي