الأربعاء، 11 يونيو، 2008

التدوين اليومي

Image hosted by servimg.com
كلمتين في الجون
التدوين اليومي ده حاجة بيعملها كبار المدونين في العالم. هيا صحيح بتزعج بعض القراء وبعض المدونين برضه. بس أصل فوايدها أكتر من أضرارها. يعني المدون عن طريقها يقدر يكتب ف كذا مجال: خواطر. مواقف سياسية. مقالات. وبيقدر عن طريقها يعمل وجود له على الإنترنت. بحيث ناس كتير لما تعمل بحث عن مواضيع مختلفة تلاقيه كاتب عنها. وعلى مستوى التدوين بحيث يتعرف عن طريق تنوّع تدويناته على مدونين كتار.
يبقى بالجملة التدوين اليومي شيء مش وحش زي ما ناس فاكرة. ولا بيقلل عدد الزوار ولا حاجة. لا بالعكس بيزيدهم بس بتبقى الردود قليلة نسبيا بعكس لو كان بيدون كل فين وفين.
أحمد منتصر
في
جمادى الأولى 1429

هناك 3 تعليقات:

ADAM يقول...

السلام عليكم

استفتاح طبعا

أول معلق يا جميييييل

التدوين اليومي فيه تنوع زي ما قلت

موافقك

وفوائد كتيرة كمان

بس مين اللي يقدر ؟

أولا

هيحتاج وقت كبير في الكتابة والمتابعة

ثانيا

القدر اللي عنده من المعارف والمعلومات

هيخلص بسرعة

فيبقى استعجل في إخراج المخزون الاستراتيجي

ثالثا

هيحتاج لمعرفةالجديد يوميا في كل المجالات

يعني هيتمزق ويتوزع على المجالات دي

فيكون إنتاجه غزير بس مش مركز

يعني أي حد غيره يركز في أحد المجالات

اللي هو بيكتب فيها

هيتميز عليه فيه

وبالتالي ستكون المحصلة

إنه هيفقد قدرته على الاستمرار

هيفقد قوته وتركيزه وتميزه

هيفقد كتير من المدونين المتابعين له

لأنهم زي ما انت قلت هيتعبوا ويتضايقوا

حتى ممكن كل أسبوعين يرجع للمجال اللي

بحب أقرأ فيه

وطبعا مش هيتعمد تحديد أيام للمجالات

فهتوه في مدونته

مش هتابعها لأني لو كل مرة دخلت لقيته

بيتكلم في حاجات مبحبش أتابعها وأعلق عليها

يبقى في خلاص أسبوعين

هزهق من المرور عليه

طالما برجع فاضي

زي ما روحت زي ما جيت

كل ذلك يضر بالمدون

فوقته سيضيع بأكمله

وجهده

وحياته الأسرية والاجتماعية

والعملية

كل ذلك سيلحق به

فهل ترى أن التدوين اليوميّ مفيد ؟


تحياتي


حبيبك

آدم

عصفور المدينة يقول...

متهيألي ممكن الواحد يكتب يوميا بس ساعتها مش حيكون عشان القراء حيكون لمجرد التوثيق لأحداث حياته
لأني أعلم أن الناس لا تقرأ كثيرا وربنا لا يتابعون فيه فترة كنت باكتب كل يومين الناس قالوا لا مش حنقدر

أية الشقية الشعنونة يقول...

انتا مدون يومى يا احمد
لأنك رغاى
هههههههههههههههههههههههه
دون يا سيدى انتا وراك حاجة
محنا اللى بتطلع عيننا فى القراية
عشان خاطر حضرتك مش بتسيب سطر
ابوس ايدك يا احمد عينى باظت
ههههههههههههههههههههههه
ترجع لنا بالسلامة
تحياتى