السبت، 17 مايو، 2008

تنسى واحدة

Image hosted by servimg.com
تنسى واحدة
أفٍ لبرغوثٍ قضّ مضجعي بضحوةٍ. ولحلم لا أذكره أعاد إلى ذهني -وبقوّةٍ-: ميم. كنت بفعل العضّ بين سبات ويقظة. أتقلب متململا حاسرًا البطانية تارة ومكلفتا نفسي بها تارة أخرى. قمتُ. فاغتسلتُ. البرغوث الشقي كان قد عضني في ذراعيّ كقناص محترف. هنا وهنالك. انتهيت من الاستحمام. فلبست الثياب مجددًا. ولسان حالي يقول: احترس في الحمّام برغوث قاتل!.
أفاجأ بنفسي أهرش وَركي!. عموما اعمل شايًا فلا ينفك يكون مع السيجارة دماغا عالية. تمام؟. الآن أرنو إلى كرّاستي القشيبة. ممسكا بليالي الحلم أخط إياها على برديتي البيضاء. السادسة صباحًا أكتب عن ميم يا قلبي. أكتب عن تلك المرّة الوحيدة التي أحببت فيها سمراء. نحيلة لا تعدمُ التضاريس. رقيقة كندفِ الجليد. بعينين ساحرتين طفقت كلما داعبنني بابتسامة صافية: أجفل!. وإن أكد لي غير واحد أنهما عدستين. وإن سرحتا فيّ. وإن دفعتُ عمري كله لقاء بسمة أخرى..ولكن هيهات!.
ليه يا قلبي كل يوم بتحب واحدة
ولسه مش لاقي إللي عايزه ف أي واحدة
كل ده علشان بتهرب من الحقيقة
كل ده علشان يا قلبي تنسى واحدة
إنّ أول ما سأفعله إذا ما التقينا ثانية: النظرُ إلى عينيكِ الجميلتين. ومن ثمّ؛ النظرُ إلى أصبع كفك البضة. هل..؟.لا أجرؤ على التفكير في الأمر. لا أجرؤ أن أخطوَ إليكِ في جسور وأنا أكرر فشلي كل عام في حقوق وأنتِ -ههنا- تنجحين في أسنان. لا أجرؤ. لا أجرؤ أن أتصوّرنا أنا اللاهي العابث اللجلاج بحضرتكِ. سيدتي الوقور ناعمة الملمس والمأخذ حبيبتي. لا أجرؤ على التفكير في ارتباط ما ظلّ إفلاسي.
إنت عارف حتى تعشق خد غيرها
دنت وإنت ويا غيرها بتفتكرها
حاولتُ أتجاهلكِ. فشلتُ. ولكنكِ أيتها الحصيفة فهمتِ. اللهم أبعدْها؛ فغيّبها الفينة تلو الأخرى الرحيمُ. ولما كان قلبي يعتصره ألم وحزن وضيق إذ تقفُ، تضحكُ، تداعبُ غيري. أغمض عينيّ وأحاول نسيان المشهد الأكيد. أوّاهٌ حبيبتي..أحاول إبعادكِ عني.
قلت حنسى قلت عمري ف يوم ما حرجع
حتعمل إيه دلوقتي يوم ما تحب ترجع
ليه وهمت الناس يا قلبي إنك ناسيها
والحقيقة إن إنت عايش لسه ليها
كل هذا لأنك تهرب من الحقيقة. كل هذا -يا قلبي- من أجل أن تنسى مايسة...
أحمد منتصر
في
جمادى الأولى 1429

هناك 9 تعليقات:

sa'7so'7te يقول...

بجد انا مش عارفه ابطل ضحك
احم احم
قصدى قلبى معاك يا أحمد
:D

مش عارفه ليه الحكايه دى بشوفها اليومين دول فى كل كليه سواء طب او صيدلة او اسنان او حقوق"طبعا قصدى على حكايه مايسة مش حكايه البرغوووت"

بس الصراحة_و ماتزعلش منى_ انا مش قادرة امسك نفسى من الضحك

سبهللة عالآخر يقول...

ههههههههههه
الا يعنى حصيفة؟؟
كلامك جامد اوى

اهو ده عيبه يقول...

ولو انى مش قادرة اربط بين البرغوث ومعاناتك العاطفيه

بس يمكن يكون ده رمز ان قرصته اللى معلمه فى جسمك زى بالظبط اثر حبها اللى لسه فى قلبك

اعذرنى يمكن انا مفهمتش قصدك صح بس فعلا اصعب حاجه ان الانسان يبقى عايز ينسى حب ومش قادر

adam يقول...

آه ٍ

لقد مزقتني من دون قصد ٍ

أعانك الله على مايسة

و عود حميد ٌ

اشتقت لك حقا

تقبل تحياتي


آدم

مشتاق لله يقول...

ازيك يااحمد انا خلصت الامتحان وفاضيلك ياعلماني ياطيب - المقال كان هيكون رائع لولا العامية التي شوهت المقاطع الرائعة بالعربية تحيتي لك - وانت بقالك كتير ماتزرش مدونتي -سلام ياعلماني ياطيب

مدونات مصرية للجيب يقول...

لا تننسوا الخميس 22/5
الساعة السادسة والنصف مساء
حفل توقيع العدد الاول من سلسلة مدونات مصرية للجيب
بمكتبة عمرو بوك ستورز
شارع طلعت حرب
فوق مطعم فلفلة
--------------
اماكن توزيع العدد :
1- عمر بوك ستور شارع طلعت حرب
2- مكتبة البلد امام الجامعة الامريكيه
3- سندباد وسط البد خلف مكتبة مدبولى
4- سنابل شارع شريف
5- الهيئة العامه للكتاب فرع الزمالك
6- مكتبة ديوان الزمالك
7- مكتبة ديوان مصر الجديده
8- مكتبة أفاق شارع القصر العينى
9- المكتبة الدوليه مدينة نصر ش الطيران
10- كشك جرايد كوفى الامريكين - الاسعاف
11- كشك جرايد الجامعه الامريكيه
روابط الفيس بووك والمدونة :
http://www.facebook.com/group.php?gid=13820826455
http://sneen.blogspot.com

ساره البحر يقول...

ربنا معاك بجد يا احمد
اللي باين انك اتعلقت بيها وحبيتها جدا
بس لو زي ما بتقول مفيشامل للرجوع يبقى لازم لازم تنساها
عشان تقدر تعيش وماتظلمش نفسك وتظلم اي حد معاك
تقبل مروري

الستة بتوع صيدلة يقول...

ليك تاج عندنا

kareem azmy يقول...

الله الله يا ابو حميد
مزج رائع بين ما يحدث لك و بين اغنية عمرو دياب

بس ايه يا عم موضوع البرغوث ده
ههههههههههه

كل ده يا قلبي عشان تنسي واحدة ؟؟

تحياتي
كريم عزمي