الثلاثاء، 6 مايو، 2008

أنا مدون أرفض زيادة أسعار السجائر

Image hosted by servimg.com
معلش يا جماعة أنا منقطع عن التدوين لفترة تعتبر لحد ما طويلة لحد 22-6 كده للأسف. إنهارده حِفيت وبرضه ملقتش جريدة الدستور اليومية. دوّرت عليها ف أربع أماكن منهم مكانين رئيسيين لتوزيع الجرائد في طنطا كلها. جيبت البديل وخلاص. لكن الحاج بارك الله فيه لما رجع البيت كان مشتريه. أتاري الدستور كان منزل أسعار الحاجات إللي أسعارها زادت إمبارح بالليل الساعة عشرة مانشيت كبير كده واكل ييجي نص الصفحة الأولى!. المهم السجاير من الحاجات إللي زادت. تمن علبة المارلبورو ارتفع من 7.5 جنيه لـ 10 جنيهات (يا لهوي!). طبعا أنا كمدخن. وأكتر مدون مصري حسب علمي بيكتب عن السجايربرفض الزيادة دية وحبدأ من الشهر إللي جاي أكتفي بعلبتين مارلبورو ف الشهر. وف الدماغ أقللهم لعلبة واحدة بس ف الشهر. وحسبي الله ونعم الوكيل ف دية حكومة هبلة...
أحمد منتصر

هناك 5 تعليقات:

A.SAMIR يقول...

الى جميع السادة الخرمانين
كان الله في العون
تحياتي

A.SAMIR يقول...

الى جميع السادة الخرمانين
كان الله في العون
تحياتي

break يقول...

هههههههههههههههههههههههههههه

لا فعلا عندك حق

adam يقول...

لأول مرة بشمت في حد

شمتان فيكم اوييييييييييي

كمان فرحان لأول مرة لرفع الأسعار

واحد صاحبي بيدخن روزمان كان لسة بيقول لي أنا هبطل تدخين

قلت له اشمعنى ؟

ربنا هداك فجأة ؟

قال لي لأ السجاير غليت أوي

وبعدين أنا بشرب علبة كل يوم


وأحيانا بدخل في التانية

حرام أدفع كل ده في السجاير قلت والله كويس

انت أولى بالفلوس دي تعمل بيها حاجة مفيدة

أو تتصدق بيهم

فرحت أوي

إن مونتي كمان هيقلل علب السجاير اللي بيشربها

وعقبالك يا مونتي لما تبطل انت كمان


آدم

Ahmed يقول...

مونتي هيبطل سجاير ...
مونتي هيبطل سجاير...

لسه ما شفتش حاجة يا باشا !! بكره الريس يديكم علاوة تانية وشوف الأسعار وقتها هتبقى بكااااااااام ؟ :))))