الخميس، 24 أبريل، 2008

دابل فيس

Image hosted by servimg.com
كلمتين في الجون

والله أنا ف كلية زبالة-مهزلة دابل فيس!. من كام شهر واحد صاحبي ف أولى حقوق طنطا هو من إسكندرية أصلا كلمني الساعة عشرة يوم امتحان أول مادة عنده ف الترم الأول. وبما إن الامتحان الساعة تسعة افتكرته خلص وطلع فقلتله: هه عملت إيه؟. قاللي أنا جيت تربية ملقتش امتحان!. وده ف الترم الأول أيام ما كانت أولى حقوق ف تربية بتاخد محاضراتها. قلتله يخرب بيتك الامتحان ف سبرباي!. قاللي مش إحنا كنا ف تربية؟. قلتله يا عم بقولك ف سبرباي!.
طبعا بسبب تقسيم محاضرات الفرق هنا وهنا وهنا الطلاب اتلخموا. خدوا بقى الخبر ده: الامتحانات الترم ده ف كلية آداب القديمة إن شاء الله!. كلية الآداب القديمة دية ف شارع عثمان محمد جنب محطة القطر. تمام كده؟. كله يبلغ بقى إللي معرفش لسه عشان محدش يكلمني يوم الامتحان ويقوللي فين آداب القديمة!؟...

أحمد منتصر
في
ربيع الثاني 1429

هناك 4 تعليقات:

adam يقول...

سلام لكم

ازيك يا مونتي

أنا انتهزت الفرصة

عشان أكون أول واحد يعلّق

على البوست الجديد

رغم إنه ميخصنيش

بس الافتتاح ليه بهجة كده

وآدينا حزناها

ولله الحمد


آدم

يوميات سمسم يقول...

مش لوحدك يا جميل
تقبل مروري ماشاءالله عليك

اجندا حمرا يقول...

صدقني ياأحمد مش لوحدك
النظام اساسا فاشل في مصر
بيعتمد علي الحفظ و اول مانخرج من الامتحان و لا تحس انك فاكر حاجه و المصيبه ان الحياه العمليه حاجه و اللي بنتعلمه حاجه تانيه خالص

سبهللة عالآخر يقول...

مش بقولكم احنا بلدنا دى سبهلله على الاخر