الثلاثاء، 22 أبريل، 2008

فن التزبيط في مصر 1

Image hosted by servimg.com
كلمتين في الجون

مقدمة


التزبيط اجتماعيا عندنا هو إنك يا واد تتعرف على بنت. بغرض الصحوبية أو الحب أو الزواج. ومش معنى كده إن التزبيط فعل ذكوري بس. بل ممكن البنات كمان تزبط نفسها ولو بطريقة غير مباشرة. بعض البنات تقدر توقع الواد من نظرة عين مدروسة..ربنا يستر!.
أهمية الفِعلة دية للجنسين كبرى. وده عشان (لازم) الإنسان يكمّل نفسه بمعرفة الجنس الآخر. عاطفيا وجنسيا الموضوع ده لو الإنسان ملوش فيه بيبقى مريض. معقد ومحروم. وخطر على المجتمع.
وطبعا كلامنا ف السلسلة المباركة دية مش لعب عيال. لإن التزبيط أغلب الناس مش بيعرفوا يزبطوه!. ولذلك أغلب الناس مش مزبطة. ما عِن حتى البنت الوحشة تقدر تزبط ولو واد وحش. والواد الوحش عينيه دايما ع البنات الحلوة ما عِنه يقدر بسهولة يزبط بنت مش وحشة..عادية حتى. والتزبيط ف مصر وراه تابوهات وخلفيات دينية لسوف نتطرق ليها بغرض عرض وجهة نظرنا منها. قضايا كالعُذرية. وصعوبة التعرّف إلى البنات من الطبقة المتوسطة والفقيرة. والرهبة ما بين الجنسين. والصداقة ما بينهما. والتابو الغبي إللي بيقول للبنت إوعي تروحي تتعرفي بنفسك على ولد مهما كان!.
حاجات كتيرة حنبدأ من الحلْقة المقبلة نتكلم عنها ورأيكم مهم فاتكلموا...

أحمد منتصر
في
ربيع الأول 1429

هناك 12 تعليقًا:

Ahmed يقول...

يا مضبط إنت يا مضبط !!

يا عم فن التضبيط ده محتاجاه مصر علشان العيال اللي لسه عايشة في دور الحياة الورعة والحاجات الضايعة وخايفين من المجتمع ..
لما يكون عندك قلب ميت مع الحاجات دي وتكبر دماغك وتحاول تعيش سعيد .. هتلاقي إنك مش محتاج فن تضبيط .. ألو واحدة أو كلمتين هتعرف تتعامل :)

break يقول...

ايه دا
انا همنع الستة بتوع صيدلة من الدخول هنا
انت عايز تبوظ البنات ولا ايه
هبئا اجى انا لوحدى اتعلم وهما لأ

جيفارا المصري يقول...

قول يا معلم قول

وفقنا الله واياكم لما فيه خير الشباب المصري

جيفارا المصري يقول...

قول يا معلم قول

وفقنا الله واياكم لما فيه خير الشباب المصري

صحفية روشة يقول...

سورى تعليقى ملهوش علاقة بالموضوع
بما انك مصحح لغوى رفال تنطق(روفال ولا ريفال ولا رافال) ياريت تفيدنى
انا بدور على بلوجك من اسبوع
__________________________________

اول مرة هطلب زيارة محتاجه جدا جدا اجابات على البوست الاخير بمدونتى
شكرا

أحمد منتصر يقول...

صحفية روشة:

لو قصدك إللي بيوسّع الثياب فتنطق (رَفَّال) بفتح المهملة (الراء) وفتح الموحّدة (الفاء) وتشديدها.

صحفية روشة يقول...
أزال المؤلف هذا التعليق.
أحمد منتصر يقول...

ف المعجم الوسيط صفحة 362:

رَفَال. بفتح الراء والفاء بدون تشديد الأخيرة :)

صحفية روشة يقول...
أزال المؤلف هذا التعليق.
أبومعاذ يقول...

الأخ /أحمد منتصر
السلام عليكم ورحمة الله وبركاته
مادمت موجود وبترد على الناس لماذا لا ترد على رسائلى خوف أم ضعف ؟والله لا أحب مهاجمتك وإنما أحب لك الخير لعلك تنفع نفسك يوماً ما والمسلمين وتدعوا لى وأنت تصلى لرب العالمين اللهم اغفر له اللهم ارحمه !
أما بالنسبة لوضوع التزبيط؟!
فأقول:أحسن تزبيط هو أن يصلح الإنسان من نفسه فى دينه وأن يهتم بآخرته وبقبره وبيوم الحساب والوقوف بين يدي الرب العظيم يوم القيامة حافياً عارياً غرلاً يسأله ربه وليس بينه وبينه حجاب عبدى أنت فعلت ذنب كذا ساعة كذا ؟ والله يعلم بما سيجيب ولكنه الحياء من الله ساعتها!فكلنا موقوف بين يدي الله تعالى ومسئول .
يقول النبي صلى الله عليه وسلم :(لا تزول قدما عبدٍ يوم القيامة حتى يُسأل عن أربع عن عمره فيما أبلاه وعن شبابه فيما فعل فيه وعن ماله من أين اكتسبه وفيما أنفقه وعن علمه ماذا فعل فيه )
فلك أخى الحبيب ولكل المتابعين لمدونتك والمشاركين أقول فين تزبيط مثل هذه الأمور في حياتكم ؟
بالله عليك عُد إلى الله تعالى فإن بابه مفتوح لا يرده عن أحدٍ من خلقه مهما بعُد ومهما أذنب والله يحب التوابين ويحب المتطهرين
أسأل الله تعالى أن يشرح صدرك لكلامى وصدور المتابعين وأنتظر الرد وجزاكم الله خيراً وجعلكم من أهل الجنة آمين !

ســـــــمــــكة يقول...

فن التزبيط .....=إيجاد الشخص المناسب أو محاولة إيجاد شخص مناسب النتائج يأما نجاح بزواج واو علاقة مستمرة للغير مؤيدين للزواج او فشل وشوية انهيارات ومحاولة التزبيط من جديد..
مين يبدأ..هي او هو مش مهم بالنسبالي هي انسان وهو انسان والي تحركه مشاعره الاول يبدأ...
ولو فكيما عمرنا من "الخنقات" الاجتماعية الي حوالينا هنتصرف بإتزان وبحكمة لان الموضوع مش دايما وقت نقضيه وخلاص...كتير بيتحول لخطوات كبيرة فحياتنا وارتباطات طويلة الامد وقرارات مهمة.
وانا كدة رغيت كتيييييييير
سلام بقى

asmaa يقول...

لا تعليق ....بس اصلا مبدا الصحوبيه دى ماليش فيه ...انا مقتنعه انه من حقك تحب بس اننا نكون اصحاب ده بيولد مشاعر ممكن تتعب اى حد من الطرفين وده بيحصل كتير لان ده طبيعى وربنا خلق الانجذاب ده فينا بس لما يكون من خلال حب وارتباط شرعى بس