الثلاثاء، 29 أبريل، 2008

حمل أغنية أيام الفرح بتاعة هيثم شاكر

بمناسبة عيد تحرير سينا وكل سنة وإنتوا طيبين
عقبال ما نعمرها بقى مش سايبينها فاضية زي العبط كده...

بدعة تصحيح التدوينات لغويا

العبد لله ابتدع بدعة جديدة وهيا تصحيح البوستات بتاعة أي حد بيكتب بالفصحى وعايز تصحيح لغوي لكتاباته إللي بينشرها على فترات وبتكون وليدة اللحظة غالبا. الخدمة دي جديدة جدا وحصرية وموسعة لأي كاتب مش شرط للمدونين بحيث تُرسل الأعمال المراد تصحيحها لغويا إلى بريدي على أن أردها لمرسلها في أسرع وقت ممكن. الخدمة طبعا مفيدة للغتنا العربية للحفاظ عليها من الخلل وللرقي بمستوى المتلقي. وكل ده بأجر رمزي على المقالة أو القصة أو التدوينة عموما القصيرة خمسة جنيهات مصرية. وعلى الحاجات الطويلة عشرة جنيهات مصرية.
ونتحاسب كل شهرين أو كل عشر مقالات مثلا.
التعامل حيكون مع إللي خارج مصر عن طريق ويسترن يونيون. ومع إللي داخلها عن طريق البريد المسجل.
أحمد منتصر
Ammymsi2007@hotmail.com

الاثنين، 28 أبريل، 2008

فقير على باب الجنة

Image hosted by servimg.com
فقير على باب الجنة

لم يمض على قبضي المصروف من أبي غير أيام معدودات. أفلستُ. أبحثُ عن عمل هنا أو هنالك راجيا فضلا من ربي. الحياة صارتْ فاحشة قوي في مصر. وأنا الذي أحلم بشقة لي. وحدي. بمفردي!. هأو!...
بالبارحة كنت أحاول أقنع صديقا بأن من لم يَسرقْ. يُسرقُ. وبأن من لم تمتد يدُه. تبترُ!. للحظاتٍ أخال حياتي جحيما وأنا ضميري يؤنبني على ما أسلفت قائلا. ثم أعنفه: أيا عبيط!. فمن العبط الأمانة في هذا الزمان المجنون.
أدخنُ مارلبورو أبيض بجلسة الساق على الساق. وفي اليد الأخرى أقبض على ميريندا باردة. صرت أألفُ هذا المكان من فرط جلوسي فيه ومجيئي إليه. أعرف بسملة الفتاة الصغيرة البضة. أعرف أحلى بنت في شارع سعيد عندما تعبر من أمامي بثدييها المكوّرين وبنطالها الجينز الضيق وشعرها الكاريه. وأعرف تلك الابتسامة الصغرى التي تحاول تخفيها عني في رهفٍ جرّاء متابعتي لها في صمتٍ وشرود. أعرف أي فتى يأتي بسيارته يركنها أمامي مشغلا الموسيقى ثم يخرج منها ويركن بدوره إليها. على اختلاف أسمائهم الغضة ومَركباتهم الفضة أعرفهم. كل فقير يعرفهم فحينا ينظر وحينيْن لا يبالي حفاظا على صحته.
أيا رب الانعتاق!. أشياء عدّة تدعو للبضان: صديقتي العزيزة التي تتكلم بصيغة المذكر. أنا أتوجس خيفة عليها. القميص الغامق الشمواه الذي دخلت أقيسه عند هوجو ظانا أنه بثمانية وعشرين فأفاجأ بأنه بمئةٍ وعشرة هع هع!. علبة سجائري المارلبورو الأبيض التي نفدت. إفلاسي. شبقي. خزانة عاطفتي الخاوية. يوم شم النسيم الذي لم أفعل فيه شيئا للآن ومرده للسبب الخامس للبضان. عنوان الخاطرة المفرط في التفاؤل للتفاؤل. قرب الامتحانات و(ذاكر يا أحمد) قولة أمي. بس أنا مش حكمل. فمن الغباءِ أنْ تكملَ طريقا أنتَ تعلمُ مسدودٌ. قدمٌ تضعُها على ضَفةٍ. وأسفلك هُوّةٌ. وقدمٌ تضعُها على الأخرى. تستثيرك حماساتٌ مَجنونة. والويلُ كلُّ الويلِ لمنْ ينظرُ خلفه أو ينصرفُ..فلا تفعلْ. ولكنكَ تفعلُ. وتقولُ لنفسِكَ: يا ليتني ما فعلتُ. وعندَ تدارُكِكَ للأمر تجرفكَ تياراتٌ لغوية وأدبية. ويثني عليكَ آخرونَ وإنْ لمْ تعوّلْ دومًا على ثناءِ الناس.
وقالَ حَمَّودٌ: ارْم الكوبَ الفارغ بطوبةٍ. فهو منذ بُرهةٍ فشلَ وثالثكما في رَميتهما وتشتتا. تلتقط حجرًا. تفكرُ فلربما كان حجرَ عَثرة. يراودك جنونُ المغامرةِ. أفلمْ تكنْ تخشى المغامراتِ بالأمس؟. أنتَ. نعمْ أنتَ!. ترميها بعدَ تصويبٍ ليسَ بتصويبٍ فترتفعُ الطوبة قليلا إلى الأعلى ثمّ تنحدرُ. تسقط في الكوبِ وتنهدرُ..به!. تبتسمُ بعدَ فواتِ الأوان وتقول: أنا مش حكمّل!.

أحمد منتصر
في
ربيع الثاني 1429

مدونة الكاتب محمد الطناحي

مدونة الكاتب محمد الطناحي:

الأحد، 27 أبريل، 2008

أفرجوا عن د. ممدوح المنير

Image hosted by servimg.com
الدكتور ممدوح المنير بلدياتنا المحلاويّ اعتقل عقب تغطيته إضراب السادس من أبريل في المحلة الكبرى. نرجوا من السادة المدونين الطنطاويين التنويه بخبر اعتقاله. والمطالبة بالإفراج عنه في أسرع وقت.
http://almonnir.blogspot.com/

السبت، 26 أبريل، 2008

افتتاح مدونة صندوق الدنيا لتحميل الأفلام تورنت

الحمد لله تم افتتاح مدونة صندوق الدنيا لتحميل الأفلام تورنت يا رب تتابعوها وتثقوا ف اختيارتها من الأفلام الأمريكية وأرحب بتعليقاتكم:

الجمعة، 25 أبريل، 2008

فن التزبيط في مصر 2

Image hosted by servimg.com
كلمتين في الجون

الصداقة ما بين الجنسين


لازم تعمل حسابك إنك ممكن لما تزبط واحدة تطلع بتحب واحد وف الحالادي حاول تكسبها كصديقة. وإن كان العبد لله عنده ملاحظة على التزبيط من أجل الصداقة. فبما إننا بنقول بالمساواة ما بين الجنسين فالمفروض نشوف الواحد بيصادق واحد إزاي وتبقى العملية مماثلة لما ولد ييجي يصادق بنت. يعني مثلا إنت دخلت الكلية فقعدت ف البنج جات بنت قعدت جنبك قعدتوا تدردشوا لحد الدكتور لما يدخل. ده تزبيط طبيعي ومش مفتعل. يعني إنت جاي قبل البنت أصلا ومش عامل حسابك. الصداقة بتيجي بظروفها يعني.
الصداقة ما بين الجنسين عندنا ف مصر فيها كلاكيع كتيرة. تلاقي الولاد عايزين يصاحبوا البنات الحلوين وبس. ما عِن مش من لوازم الصداقة الحقة ما بين الولاد وبعضهم إن صاحبك يبقى قمور مثلا. أو بيلبس محزق!. أقصد هو مينفعش تصاحب واحدة وحشة مثلا؟. آه في ولاد بيصاحبوا بنات وحشة عشان يعرّفوهم ع البنات الحلوة!. وده استغلال للبنت الوحشة مقرف جدا.
أساسا الاختلاط عندنا ف مصر تابو مش مقبول من الآباء بتوع الطبقة المتوسطة. يقعدوا يقولولك دينيا مينفعش. وهما أساسا مش ملتزمين دينيا!. وده بيرجع إلى إن العوام يعني الناس العادية إللي ملهاش لا ف الطور ولا الطحين بتطبق الدين ف الحاجات إللي على مزاجها بس. راجع مقالتيّ: (التفكير المعاكس: التفكير باتجاهين) و(تطبيق الدين). والإناث هما الضحايا ولا بد بما إننا ف مصر عندنا الذكور بيمشوا الإناث على مزاجهم. يعني الأب ميحبش بنته تكلم ولاد. يبقى هو حيعتنق وجهة النظر الدينية دية عشان كده. وهو أصلا لو حتى الدين محلل الاختلاط مش حيوافق عليه. زي ما كتير من الصعايدة مش بيّورثوا الإناث.
اكتشاف الجنس الآخر حاجة مهمة جدا قبل الزواج لضمان استمراريته. ولاد كتير معندهمش خبرة مع البنات. بيفكروا إزاي. بيحبوا إيه. بيكرهوا إيه. ولما يتجوزوا بتظهر مشاكل كتيرة أوي خصوصا لو كانت الفترة ما بين التعارف والزواج قصيرة. وأغلب حالات الطلاق بتحدث ف أول سنة جواز. يعني لو مكانش فيه توافق كبير ما بين الزوجين قبل الزواج يبقى الزواج غالبا حيفشل. وشباب كتير يقولك أنا عايز واحدة قِفل يعني معرفتش حد قبله. ولما يتجوزها ممكن يلاقيها معقدة أوي من الجنس الآخر. أو عندها شبق طاغي للجنس الآخر ومش مكتفية بجوزها بس. أو تربي ولاده أو بناته على تنحية الجنس الآخر من حياتهم!.
بما إن مجتمعنا المصري حاليا فيه أزمة زواج. أزمة تشدد ديني عملتلنا حالات تحرّش جماعي بالإناث واغتصابهم. يبقى الحل إننا نفتح الباب للتزبيط ع البحري. مع التوعية اللازمة لكلا الجنسين بطرق منع الحمل وكده. وطبعا ده مش معناه إننا بنفتح الحرية الجنسية بين الناس بحيث ينطوا على بعض كما فهم كلامي الناس الهبلة إللي بتشتمني. لأ. إنت لما حتتعرف على بنت حتقعد فترة تدرسها. وممكن تسيبوا بعض. وممكن تتجوزا قبل ممارسة الجنس. وممكن هيا تكون مش متقبلة فكرة الحرية الجنسية. فالتفكير الانفتاحي ده عايز موافقة الطرفين. وإنهم ميكونوش متجوزين.
الواحد أو الواحدة ف ظل ثقافة الكبت ومنع الاختلاط والتخويف من الجنس الآخر بيجيله اكتئاب. اكتئاب عشان مأشبعش عاطفته ورغبته الجنسية من الجنس الآخر. وبكده يبقى عندنا شخص مريض يهدد المجتمع بفقدانه طريقة إشباع حاجة أساسية من حاجاته. فكر كده معايا تلاقي الشباب إللي بيطلعوا ف الزحمة والأعياد يتحرّشوا بالبنات دولا لو كانوا مزبطين كانوا شغلوا بالهم بلمس دية أو النط على دية؟.
وللحديث بقية...

أحمد منتصر
في
ربيع الأول 1429

الخميس، 24 أبريل، 2008

دابل فيس

Image hosted by servimg.com
كلمتين في الجون

والله أنا ف كلية زبالة-مهزلة دابل فيس!. من كام شهر واحد صاحبي ف أولى حقوق طنطا هو من إسكندرية أصلا كلمني الساعة عشرة يوم امتحان أول مادة عنده ف الترم الأول. وبما إن الامتحان الساعة تسعة افتكرته خلص وطلع فقلتله: هه عملت إيه؟. قاللي أنا جيت تربية ملقتش امتحان!. وده ف الترم الأول أيام ما كانت أولى حقوق ف تربية بتاخد محاضراتها. قلتله يخرب بيتك الامتحان ف سبرباي!. قاللي مش إحنا كنا ف تربية؟. قلتله يا عم بقولك ف سبرباي!.
طبعا بسبب تقسيم محاضرات الفرق هنا وهنا وهنا الطلاب اتلخموا. خدوا بقى الخبر ده: الامتحانات الترم ده ف كلية آداب القديمة إن شاء الله!. كلية الآداب القديمة دية ف شارع عثمان محمد جنب محطة القطر. تمام كده؟. كله يبلغ بقى إللي معرفش لسه عشان محدش يكلمني يوم الامتحان ويقوللي فين آداب القديمة!؟...

أحمد منتصر
في
ربيع الثاني 1429

الثلاثاء، 22 أبريل، 2008

فن التزبيط في مصر 1

Image hosted by servimg.com
كلمتين في الجون

مقدمة


التزبيط اجتماعيا عندنا هو إنك يا واد تتعرف على بنت. بغرض الصحوبية أو الحب أو الزواج. ومش معنى كده إن التزبيط فعل ذكوري بس. بل ممكن البنات كمان تزبط نفسها ولو بطريقة غير مباشرة. بعض البنات تقدر توقع الواد من نظرة عين مدروسة..ربنا يستر!.
أهمية الفِعلة دية للجنسين كبرى. وده عشان (لازم) الإنسان يكمّل نفسه بمعرفة الجنس الآخر. عاطفيا وجنسيا الموضوع ده لو الإنسان ملوش فيه بيبقى مريض. معقد ومحروم. وخطر على المجتمع.
وطبعا كلامنا ف السلسلة المباركة دية مش لعب عيال. لإن التزبيط أغلب الناس مش بيعرفوا يزبطوه!. ولذلك أغلب الناس مش مزبطة. ما عِن حتى البنت الوحشة تقدر تزبط ولو واد وحش. والواد الوحش عينيه دايما ع البنات الحلوة ما عِنه يقدر بسهولة يزبط بنت مش وحشة..عادية حتى. والتزبيط ف مصر وراه تابوهات وخلفيات دينية لسوف نتطرق ليها بغرض عرض وجهة نظرنا منها. قضايا كالعُذرية. وصعوبة التعرّف إلى البنات من الطبقة المتوسطة والفقيرة. والرهبة ما بين الجنسين. والصداقة ما بينهما. والتابو الغبي إللي بيقول للبنت إوعي تروحي تتعرفي بنفسك على ولد مهما كان!.
حاجات كتيرة حنبدأ من الحلْقة المقبلة نتكلم عنها ورأيكم مهم فاتكلموا...

أحمد منتصر
في
ربيع الأول 1429

الاثنين، 21 أبريل، 2008

ربنا يهديك يا حسام

Image hosted by servimg.com
كلمتين في الجون

حسام حبيب عامل كليب اسمه (أسيبك لأ) مطلعش وشه فيه ف كامل الشاشة إلا مرتين تلاتة. أنا مستغرب جدا ما عن حسام قمور ووسيم جدا. وده ف الوقت إللي تلاقي فيه كل مطرب عاملي لوك جديد ومش عارف إيه عشان يبان قمور.
أنا لو مكان حسام كنت اتفقت مع المخرج أطلع بوشي ف كامل الشاشة كذا مرة. وأقوله يخلي الكاميرا تركز على مناخيري مرة. وشفايفي مرة. ووداني كل واحدة مرة. ولا عيوني..بس يركز ع اليمين عشان عندي أحلى من الشمال!.
لحد دلوقتي مش متخيل إن حسام عمل كليب بالسوء ده. عموما مقدرش أقول غير: ربنا يهديك يا حسام...

أحمد منتصر
في
ربيع الثاني 1429

الجمعة، 18 أبريل، 2008

Ted Bundy تيد باندي

Image hosted by servimg.com
سحر الكلمة
Ted Bundy
على الرغم من إعدامه منذ عشرين عاما تقريبا لم تنس الولايات المتحدة الأمريكية -بجلالة قدرها- تيد باندي. ذلك أنه حفر اسمه في التاريخ الأمريكي -والعالمي بصورة مماثلة- بطريقة لا تدع مجالا لنسيانه خصوصا للمهتمين بعالم الرعب بكل صوره.
ولد عام 1946 وقضى طفولته في واشنطن بصحبة أخته وزوجها. كان خجولا في صغره ولم يعرف عنه إلا التصدّر في مراحل التعليم المختلفة. درس في شبابه القانون وعلم النفس حيث برع فيهما بروعا مدهشا حتى وصف بالعبقري. بدأت شخصيته المندفعة الثورية تظهر بنزق في المرحلة الجامعية وما بعدها بعدما عرف أن أخته خدعته بينما هي أمه كي تتزوج من زوجها بلا أية مشاكل.
يقول عنها: لم نكن نتحدّث كثيرا عن الأمور الشخصية، وبالطبع لم نكن نتحدّث قط عن الجنس، فقد كانت أمي رهيبة للغاية عندما نتحدث عن مثل هذه الأمور.
وفي الكلية تعرّف إلى فتاة عملت معه خمس سنوات كسكرتيرة (!) وكتبت عنه بعد ذلك كتابا بعنوان (حياتي مع تيد باندي)!.. ستستغرب بالتأكيد عندما تعلم أن تيد كان واحدا من أشرس قتلة العالم المتسلسلين وأكثرهم إثارة للذعر في قلوب النساء.
Image hosted by servimg.com
كان يختطف الفتيات الهيفاوات البيضاوات ويغتصبهن ثم يقتلهن وأحيانا يقطع أجزاءَ منهن مثل المناطق الحساسة وغيرها. وأشرس وأفظع جرائمه على الإطلاق لمّا قتل فتاة لم تتعد الثانية عشرة بعد اغتصابها وتعذيبها وقطع جزء من وركها نهش فيه بأسنانه
التي بالصورة.
Image hosted by servimg.com
اعترف بقتل 30 أنثى بينما يقدّر الخبراء ضحاياه بأربعين أو زهاء ذلك.
كان مدمنا للاستمناء والمواد الإباحية. وفي سياتل كان يتبع الإناث كثيرا في الظلام مراقبا لهن متلصصا عليهن وهن يخلعن ثيابهن في البيت أو أي مكان طاله بنظره.
هناك دراسة منشورة في كذا مكان في منتدياتنا العربية تنقل على لسانه كلاما من قبيل: أنتم سوف تقتلونني، وهذا سوف يحمي المجتمع من شري، ولكن هنالك الكثير الكثير أمثالي ممن قد أدمنوا الصور الإباحية، وأنتم لا تفعلون شيئا لحل تلك المشكلة (!). وهذا الإدمان -وإن كنت أعترف به- إلا أني لا أعزي سبب جرائمه الوحيد إلى مشاهدته للأفلام الإباحية والاستمناء. ذلك أن أغلب المهووسين جنسيا عندما يتزوجون يرجعون أناسا عاديين وهذا مشاهَد.
الهدف من كلامي أن تيد باندي لم يرتكب ما ارتكب بسبب الأفلام الإباحية الرخيصة فقط. بل كان مريضا نفسيا بالرغم من ذكائه وواجه ظروفا اجتماعية حالكة السواد مع انعزاله الذي منعه من الاندماج في علاقة عاطفية مريحة له وللمجتمع.
إنّ الزواج المبكر والتحلي بالآداب العامة من أكثر الأمور التي يجب أن نرسيها في مجتمعاتنا العربية ما دمنا لن نجيز العلاقات الجنسية مضيقين على الشاب منذ بلوغه في سن الثالثة عشرة حتى زواجه المتأخر وهو في الخامسة والثلاثين من عمره!.
كما يجب محاربة الفكر السلفي الذي بتطبيقه صارت المرأة ممنوعة من الخروج من المنزل إلا منتقبة -هذا إن خرجت منه أصلا- وتنفير الشاب من المرأة المتبرجة وتحقيرها حتى يبدأ في كبت نفسه وبُغض الأنثى ثم ينفتح على العلاقات الجنسية بلا حساب نتيجة للكبت الذي عشش بداخله طويلا، أو تعاني امرأته من هذا التفكير الرجعي المتخلف.
إنّ التفكير السلفي بالأنثى أخطر ألف مرة من الهوس الجنسي بها لأنه يولد أشخاصا غير قادرين على التعامل مع المرأة إلا على الفراش.
نعم التطبيق السلفي ينجح وهو المختار في المجتمعات البدوية التي من الصعب إطلاق العِنان للأنثى فيها حفاظا عليها. لكنه غير مُجدٍ إطلاقا في المجتمعات المدنية الحديثة التي تتطلب الاطلاع على وجه المرأة عند دخولها إلى الأمكنة الأمنية أو الحساسة. وعند مخالطة الأنثى للذكور في العمل.
Image hosted by servimg.com
في عام 1975 قبض على تيد باندي للاشتباه في السطو!. وحكم عليه بخمسة عشر عاما بتهمة اختطاف فتاة استطاعت الهرب منه. ولأنه كان يدافع عن نفسه أمام المحكمة فقد أباحت له المحكمة الذهاب إلى المكتبة العامة للبحث عن معلومات عن قضيته. وهناك قفز باندي من نافذة المكتبة وفر هاربا.
Image hosted by servimg.com
ولكن بعد أيام قبض عليه حيث عاد إلى السجن. ولكنه هذه المرة فر ببراعة تدل على ذكاء شديد. حيث زحف إلى خزانات المساجين ومكث فيها قليلا ثم خرج من بوابة السجن دون أن يشعر به أحد!!.
وفي فلوريدا كان بمقدوره أن يعيش حياة جديدة خصوصا بعدما تنكر هربا من الشرطة ولكنه عاد إلى جرائمه مما يؤكد أنه كان عنده كبت تجاه النساء.
Image hosted by servimg.com
Image hosted by servimg.com
Image hosted by servimg.com
Image hosted by servimg.com
في عام 1980 تم القبض عليه بعد أن ترك أدلة بالجملة بنزق. حاول الدفاع عن نفسه كالعادة ولكنه فشل فشلا ذريعا. وكل محامين فشلوا في إثبات جنونه كيلا يحكم عليه بالإعدام.
Image hosted by servimg.com
Image hosted by servimg.com
Image hosted by servimg.com
Image hosted by servimg.com
تم الحكم عليه بالإعدام. وأخيرا، وبعدما علم تيد أن نهايته وشيكة اعترف بجرائمه بعدما تعاطف معه الكثيرون. وسجل قبل إعدامه بيوم مقابلة تليفزيونية مع دكتور نفسي شهير.
Image hosted by servimg.com
أعدم تيد باندي عام 1989 بعدما كان حديث الشارع في العالم كله.
Image hosted by servimg.com
وفي عام 2002 أنتج عنه فيلم مقزز بعنوان مقالتنا هذه لقطات منه:
Image hosted by servimg.com
Image hosted by servimg.com
Image hosted by servimg.com
Image hosted by servimg.com
Image hosted by servimg.com
Image hosted by servimg.com
وستجدونه مقسّما على عشرة أجزاء على موقع youtube ههنا:
http://youtube.com/watch?v=i3e2CMLw1gM
هنالك شيء غريب في هذا الرجل..أنك تتعاطف معه!!.

المصادر:
- موسوعة الظلام لد. أحمد خالد توفيق وم. سند راشد دخيل.
- مقالات على الإنترنت.

أحمد منتصر
في
شعبان 1428

الخميس، 17 أبريل، 2008

سينجل جديد: من نظرة عين لتامر حسني

صباح الخير ده سينجل جديد لعمنا تامر حسني لذيذ اسمه من نظرة عين:

الثلاثاء، 15 أبريل، 2008

سلسلة كيف نربي أبناءنا ؟

منتهى الدكتاتورية
العب العب العب العب
كيف نربي أبناءنا: 1) أجمل الأسماء ومعانيها
كيف نربي أبناءنا: 2) حقوق الطفل
كيف نربي أبناءنا؟: 3) مرحلة المدرسة
كيف نربي أبناءنا؟: 4) لعب الأطفال ضرورة
كيف نربي أبناءنا؟: 5) نبوغ الأطفال
كيف نربي أبناءنا: 6) عالم سحري
كيف نربي أبناءنا؟: 7) أهمية الفن
كيف نربي أبناءنا: 8) التربية الجنسية
كيف نربي أبناءنا: 9) الثواب والعقاب
كيف نربي أبناءنا: 10) الهوية المصرية

مقالات سحر الكلمة

إسدال النقاب على العقل
التفكير المعاكس: التفكير باتجاهين
الأعمدة اليومية بجريدة الدستور
ما اجتمع في عمرو دياب لم يجتمع عند غيره
Ted Bundy تيد باندي
يوتوبيا: حينما يلامس الخيال الحقيقة

الاثنين، 14 أبريل، 2008

موقف السلفيين من إضراب 6 أبريل

Image hosted by servimg.com
كلمتين في الجون

المقالة دية مهداة لكل شعب مصر عشان يعرف حقيقة السلفيين من القضايا المصيرية التي تهم الأمة المصرية.
من دقايق شفت واحد سلفي بدقن طويلة وزبيبة صلاة ف راسه ووجه مكفهر بيزعق ف التلفزيون. قال إن الناس إللي عاملة الإضراب دولا ناس جشعين وطماعين. كلام يعني زي كلام المفتي عن الغلابة إللي ماتوا ف عرض البحر طلبا للرزق.
وده لإن السلفيين شايفين إن على الناس (الصبر) على جَور الحاكم ونصحه بالكلمة الطيبة طالما أقام الصلاة. يعني الحاكم مدام بيصلي العيد قدام التليفزيون كل سنة مرتين يبقى الراجل تمام والبلد فلة شمعة منورة. تضرب بقى تقلب هما ليهم يا جماعة قواعد ميقدروش يخالفوها..أمال؟.
من الآخر السلفيين انتماؤهم بس للأمة الإسلامية معندهمش حاجة اسمها انتماء لمصر بتاتا. يعني مدام الناس بتصلي ف الجامع وبتحضر دروس علم شرعي وكده. يبقى كويس وملهومش دعوة الأسعار تضرب بقى تقلب هما ناس زهّاد ومش طلاب دنيا لأ هما طلاب آخرة.
أحمد منتصر
في
ربيع الأول 1429

الأربعاء، 9 أبريل، 2008

رحلة إسكندرية أبريل 2008

Image hosted by servimg.com
ياه سلام بالرغم من كل المشاكل إلا إن الرحلة كانت أسطورة بجد. ف يوم واحد عملت كووووووووول إللي بتحلم بيه. السفر للإسكندرية. البحر والهواء المنعش. تغيير الجو. التعرف إلى بنات جديدة. الرجوع للبيت بعد منتصف الليل بتعب لذيذ...
اليوم ده كان جامد :)...
رحلة إسكندرية أبريل 2008

في البدء: الواد مصطفى عبدو قال إنه حيطلع رحلة وكده وأنا ضيّعت كالعادة وقلت: كلام!. لأني لا أثق في كلام الناس. لكن المرادي كنت حاسس إن في رحلة وكده يعني. المهم قلتله أنا مفلس مش حقدر آجي. أنا طول الشهر مفلس أساسا. المهم شندي كتر خيره قاللي: أدفعلك؟. يعني حرقة دم هع هع!. قلتله تمام ادفعلي وأرجعهوملك يوم عشرين منه. وبالفعل دفعلي ورحت لأمي بخفيّ حُنين. أنا طالع إسكندرية يا حاجة وعايز فلوس. فلوس كتير وياقوت وزمرد ومرجان لووووول. قالتلي تطلع رحلة إزاي وإنت ساقط؟.
لكن الحمد لله خدت عشرين جنيه مصروف لليوم من الوالد واعتقدت إنهم كافيين وأتاريني كنت مخطىء نياهاهاهاااااه. كمان الوالد خصمهم من مصروف الشهر السبعينيّ إللي بعد سداد فلوس شندي حيبقى عشرينيّ هع هع. المهم..حضرت الساندوتشات (وتعريبها هو شطائر بالمناسبة) ومخدتش الشنطة الـ L&M بتاعة الرحلات بتاعتي. متسألش!. ولبست السويتر البني والقميص الأبيض الكاروهات الجميل والبنطلون الكراش حركات على رأي رانيا.
وآدي صورة ليا ليلة الرحلة حيث الغم والهم في طنطا
Image hosted by servimg.com
نمت الساعة اتنين ونص بالليل. صحيت 6ونص على أوتار الحاجة الصوتية. أتاريني راحت عليا نومة بخيبتي. لكن الحمد لله صحيت وأخدت دش. وبعدين طلعت جهزت بسرعة ونزلت. لقيت حمود وأبو السيد مستنيني مع ناس من أفراد الرحلة حبيبي ومعرفش إيه وانطلقنا من شارع محب حيث الأتوبيس.
مونتي
Image hosted by servimg.com
حمود
Image hosted by servimg.com
أبو السيد
Image hosted by servimg.com
ف الأتوبيس: كانوا جايبين طبلة قعدنا نطبل ونغني. ومفيش بنات رقصت. وصلنا إسكندرية قبل الظهر واتفقنا نطلع المنتزه الأول. وقفنا ف نص السكة نسأل ع الطريق وقعدنا نتصوّر شوية.
مونتي
Image hosted by servimg.com
Image hosted by servimg.com
أبو السيد وحمود
Image hosted by servimg.com
ف المنتزه: وصلنا قبل الظهر برضه. تذكرة الدخول للمنتزه ارتفعت. وكذلك تذكرة دخول الشط جوه. المهم الليلة كانت بخمستاشر جنيه (يا حلاوة!). دفعتهم لصاصا من أسَفٍ. واستلفت من شلبي خمساية...
مية شاطىء المنتزه نضيفة جدا وصافية بعكس المية المعتادة ف شواطئنا. المية السودة يعععععع. والرملة برضه نضيفة وحلوة. شرب السيجارة المارلبورو وإنت مجعص كده ع البحر تحفة بكل المقاييس. أخدت نضارة واحدة ألبسها لأن الشمس كانت قوية جدا بعد الضهر. وقعدت أسمع (ليلي نهاري) و(وحشتيني) و(somebodys).
Image hosted by servimg.com
قعدنا هناك لحد لما شبعنا واتكلمنا ولعبنا لعبة الصراحة. ومعرفش مين فتح موضوع الارتباط ما بين الجنسين البنات قعدت تقول كلام متقيد بالقيود الاجتماعية وفي واد غبي قال كلام غبي لإنه ذكوري متعصب. أنا طبعا مشتركتش لأني مبشاركش ف المواضيع الجادة إلا لما يطلب رأيي. ده غير إني رأيي أساسا كتبته باستفاضة نوعية ف سلسلة من كلمتين ف الجون اسمها (فن التزبيط في مصر) حتشتم فيها أنا عارف. أنا أستاهل ضرب الجزمة أساسا عشان بقول رأيي ف البلد دية!.
الوالد كلمني والوالدة. قالتلي أكلت؟ قلتلها بصوت عالي وكله سمع: مجوّعني يا ماما هع هع!. وقبل ما نمشي من المنتزه اتفسحنا ع الكوبري هناك واتصوّرنا.
شلبي
Image hosted by servimg.com
أبو السيد وشلبي
Image hosted by servimg.com
المنظر إللي كان قدامي وأنا مجعص
Image hosted by servimg.com
شلبي وحمود وأبو السيد
Image hosted by servimg.com
مونتي
Image hosted by servimg.com
نفس المكان بس فاجرة مع حمود
Image hosted by servimg.com
أبو السيد وحمود
Image hosted by servimg.com
حمود هيص صور ف المكان ده
Image hosted by servimg.com
Image hosted by servimg.com
Image hosted by servimg.com
Image hosted by servimg.com
شلبي
Image hosted by servimg.com
البحر هناك تحفة
Image hosted by servimg.com
شلبي
Image hosted by servimg.com
Image hosted by servimg.com
يا مونتي يا جامد
Image hosted by servimg.com
Image hosted by servimg.com
سكسي أبو السيد
Image hosted by servimg.com
الصورة الوحيدة لمصطفى عبدو
Image hosted by servimg.com
حمود يعود
Image hosted by servimg.com
شلبي
Image hosted by servimg.com
مونتي وأبو السيد
Image hosted by servimg.com
شلبي الوحيد
Image hosted by servimg.com
العبد لله يغني بحبك كل يوم أكتر مع صوت سيد
موج هائج
ف سان ستيفانو: الموبايل يلفظ أنفاسه الأخيرة البطارية خلاص حتخلص. بعد كده حبقى أجيب بطارية احتياطية ف الرحلات. صوّرت سان ستيفانو طبعا أول ما وصلنا المغربية. أكلنا أنا وشندي وأبو السيد من مطعم اسمه (أبو عوض) جنب المول لصق. أنا جيبت ساندوتش جمبري وأبو السيد طلب شيش طاووق. وشندي طلب وجبة فول وطعمية.
وبعديها جيبت بيبس ماكس ما عني بفضل الدايت أكتر لكن مكنش فيه. مع السيجارة المارلبورو مزااااااااج. بعد كده دخلنا المول لفينا. حمود كان أكل جوه حاجة بخمسة وعشرين جنيه الله يسهلوووو. أنا وأبو السيد سيبنا حمود وشندي عشان كل ما يشوفوا موزتين جوه يمشوا وراهم. لقينا أنا وأبو السيد تلات بنات معانا ف الرحلة بيلفوا لفينا معاهم. المول كان صهد. بينما بالخارج ع الكورنيش صواريخ هوا ساقع!. المول كان لذيذ جدا وشفت ناس نضيفة من إللي أحب أبقى ف محيطهم لأن الليبرالية مذهب ترفيهي أساسه حرية الفرد بالدرجة الأولى. يا جامد يا مونتي ف أول مرة أدخل سان ستيفانو أتمشى كمان مع بنات فيه. نجم من يومك يا بني!.
سان ستيفانو يا معلمي
Image hosted by servimg.com
مونتي
Image hosted by servimg.com
أبو السيد ونظرة شاردة
Image hosted by servimg.com
ف القلعة: روحناها بالليل كانت منوّرة وهادية. إسكندرية أساسا كانت فاضية عشان مش الخميس وعشان مش الموسم. في ناس بتحبها فاضية بس اللمة حلوة برضه. قعدنا نلف شوية وبعدين ركبنا الأتوبيس بتاعنا وطلعنا على جرين بلازا.

ف جرين بلازا: قاعدين إحنا نلف ع المولات ومش بنشتري حاجة. لكن أحلى وقفة مول ف رأيي كانت ف سان ستيفانو ف آخر دور إللي فيه السينما وتبص منه على تحت. أنا لازم آجي الحتت دية ف الصيف. الموبايل كانت بطاريته فضيت خلاص معرفناش نتصوّر.
بقول لواحد أنا أول مرة آجي جرين بلازا وسان ستيفانو. قاللي إنت عمرك ما طلعت رحلات؟. هع هع يا عم أنا كنت سلفي وما أدراك ما السلفية؟.
لفينا شوية وبعدين ركبنا الأتوبيس وروّحنا ع الساعة اتناشر ونص بالليل كده. علمتُ إن في رحلة تبع مصطفى عبدو برضه سافاري الفيوم بستين جنيه بالمصاريف حتبقى مية جنيه. ف شهر يونيو حبقى أستعد ليها من دلوقتي ماديا إن شاء الله. وكمان بفكر آخد كورس ف الكلية عشان أنجح ممكن آخده ف سنتر السلام إللي صاصا عبدو بيدّي فيه..ممكن.

انتهت الرحلة وهيا ف رأيي أحلى رحلة طلعتها ف حياتي لحد دلوقتي. الجروب جميل. الأماكن إللي زرناها تحفة. الجو كان جميل وهادي. اكتشفت حاجة ف نفسي عايزه شوية تزبيط بس وأنطلق بعديها..تمام.

أحمد منتصر
في
ربيع الثاني 1429