الجمعة، 7 مارس، 2008

صوري بالنهار عند h2o

صديقي العزيز محمد حسن جالي من دسوق فحبيت أورّيه h2o أفضل من يصنع العصير في طنطا كلها وهو بشارع سعيد لمن يزور طنطا ويرغب في تجربته. المهم العيال صوّروني هناك كام صورة كده حمّود صديقي العزيز حيتجنن عليهم ونفسه يروح برضه h2o يتصوّر هناك بالنهار. على فكرة أنا من ساعة ما عرفت h2o وأنا بشرب من عنده بوريو أو تشوكلت كيك. وهو مشروب بأربعة جنيهات ولكنه دسم ولذيذ.
Image hosted by servimg.com
Image hosted by servimg.com
Image hosted by servimg.com

هناك 19 تعليقًا:

غير معرف يقول...

السلام عليكم اخي احمد ليه ماتعزمتي علي عصير انا كمان عشان اتصور عشان تعرف ان السلفيين مش ضد التصوير وصور جميلة عقبال صورك علي عرفات ان شاء الله -المشتاق لله

عصفور المدينة يقول...

أحمد كدة أنا حفظت شكلك بمناسبة لعبة التصحيح اللغوي استخرج من التدوينة والصور ما يثبت أنك عزمت الأخ محمد حسن على حاجة من عند إتش تو أو أو شريف فرغلي حتى
:)

Ahmed يقول...

واحد ليلي بالنهار ؟!!
ده حتى عنيك بتلعن سلسفيل النزولة دي ومفتحهم نص تفتحية ..:) :)

يلا يا سيدي عقبال ما تاكل فول من عند أبو أحمد بتاع الإسكندرية .. بموت بالفول من عند الراجل ده :)

أحمد منتصر يقول...

المشتاق لله:

وعليكم السلام يا عم فضل :)

أعزمك إيه يا عم (العزومة ع الضيف) دي من مصطلحاتي :)

تحياتي :)

أحمد منتصر يقول...

عصفووووووري:

مش لما نصححلك الأول يا جميل

(عزمت): (دعوت) :)

وبعدين (أنا مبعزمش حد) من مصطلحاتي برضه :)

تحياتي :)

أحمد منتصر يقول...

أحمد رمضان:

ههههههههه قوي الملاحظة إنت :)

أصلي مكنتش نايم كويس يوميها :)

خلاص يا عم حعتبر ده وعد بعزومة عند أبو أحمد ف إسكندرية

يلا دبست نفسك يا سيدي :)

تحياتي :)

رباب كساب يقول...

عايزة أقولك إن قصتك حلوة قوي قريتها وقريت تعليقك

وبعدين يا سيدي دعاية حلوة قوي اللي انت عاملها للمحل تكونش صاحبه سمعت عنه كتير وكل ما اعدي وافكر اشرب عنده حاجة الاقيه زحمة أقول كفاية علينا زحمة طوابير العيش

شكرا جزيلا يا أستاذي أحمد

أحمد منتصر يقول...

رباب كساب:

القصة عجبتك؟ طب كويس أوي برضه إنتي روائية ورأيك يهمني جدا :)

ولا صاحبه ولا حاجة بس فعلا h2o ظريف والوقفة عنده هناك ظريفة ومشروب بوريو ده تحفة ودسم أنا بشربه كل شهر تقريبا :)

ههههههههه هو فعلا زحمة بالليل بس الطلب بيخلص ف عشر دقايق أصله عصير مش سندوتش. عموما روحيله بالنهار ومتنسيش تتصوري هناك :)

تحياتي ليكي يا أستاذة رباب :)

أحمد منتصر يقول...

لا أصل محدش بيروح عند h2o بالنهار :)

رهف يقول...

ايه يا عم حماده صورك اللى فى كل حتو دى
بتغيظنا يعنى
ماشى وبعدين احنا مالنا ومال الموضوع ده كله هو انتا كل ما هتعمل حاجة هتيجى تقولنا
هههههههههههههههههههههههههههههه
مش عارفة اقولك ايه
بجد انتا شخصية لذيذة وانتا عارف انى بعزك
مش كده؟؟
كمان انتا بتعمل دعاية للموكان وده مخالف للقانووووووووووون
ههههههههههههههههههههههههه

norahaty يقول...

يابختك مرتيت ثلاثه اربعه 00000 ليه اولا لانك راجل وممكن تنزل فى اى وقت ,هى صفاره من الواد كييمو وتكون عنده وثانيا برضه ممكن تنزل زى ما انت لا ايشاررب ولا شراب محجبات ولاديولواوالثالثه والثالثه تابته انك رفيع يابختك ولاتحمل هم كيلو ولا اتنين زيادة .
المهم انا استمتعت بزيارة طنطا من حوالى 3 سنوات وقضينا يوم حلو فيها وادينا راجنالها تانى بفضلك
ولك تحياتى.سلام.

kareem azmy يقول...

ههههههههههه
اه فعلا هو انت بتعمل دعايا للمحل و لا ايه يا جميل

على فكرة صورك تحفة بجد

تحياتي ليك يا جميل
كريم عزمي

أحمد منتصر يقول...

آية:

يا لهوي الوحيدة إللي بتلخفن الحروف ف بعضها ومقولهاش حاجة :)

وإنتي مضايقة ولا إيه الحق عليا بعرفكم بيومياتي الخطيرة؟

وكويس إنك بتعزيني مممممممم :)

أنا كل فين وفين بعمل موضوع خفيف كده عشان تلطيف الجو أصل الدنيا حر :)

وبعدين فيها إيه لما أعمل دعاية للمكان ده h2o ده بتاع طنطا كلها :)

تحياتي :)

أحمد منتصر يقول...

norahaty :

إيه التعليقات دي كلها أنا مش ملاحق يا ناس :)!

يا ستي أنا نازل الصبح بالنهاااااااار عادي يعني

عموما أهم حاجة إن طنطا عجبتك :)

تحياتي :)

أحمد منتصر يقول...

كيمووووووووووو:

مش قلتلك أوسم واد ف طنطا هع هع :)

تحياتي :)

ضى القمر يقول...

احمد انا شوفت تعليقات منك كثيير جداا فى مدونات ناس اعرفها .. لكن دى اول مرة ادخل مدونتك .. لانى كنت خايفه جدااا أقول كلمة لغويه غلط وتعملى عليها فيلم .. انت مصحح لغوى .. وانا اللغه العربيه معايا مدمرة .. فقولت يا بت بلاش تحرجى نفسك .. بلاش تتكلمى احسن :)

بس بجد وبعيد عن اى هزار .. مدونتك حلوة أوى .. فيها مواضيع كثير هامه .. أسمحلى اضيف رابطها .

يلا منتظرة العصير تيك أواى .. ما احنا جيران ..:)

أحمد منتصر يقول...

ضي القمر:

دنتي حتشوفي أيام سودة :)

مدام بتكتبي عامي عادي مش حقولك حاجة يعني أنا بكتب (إنهارده) كده في ناس بتكبتها (النهارده) كده هع هع :)

أنا قريتلك آخر تدويناية ف مدونة الحاجات المتبعترة دية وكانت لغتك حلوة فيها :)

بلاش تتكلمي أحسن؟ المضحك إني أنا المصحح اللغوي عندي صعوبة ف النطق العب هع هع :)

إنتي جارتي يعني ف طنطا يعني؟ لو كده نضيفك ف مدونة مدوني طنطا وتزيد مجموعتنا أكتر وأكتر :)

تعزمي نفسك؟ طب اعزميني معاكي إوعي تنسي هه؟ هع هع :)

فرصة سعيدة وأنا دلوقتي بستكشف مدونتيْكِ...

تحياتي :)

ضى القمر يقول...

لأ انا مش من طنطا يا احمد .. لكن المسافة بينا وبين طنطا نص ساعه بالكثيير .. بس عمرى ما نزلت طنطا ابداا ..

أما بالنسبه للتصحيح .. فالحمد لله أنى كتبت عامى قبل ما تدخل مدونتى :)

لكن برضه هكتب لغه عربيه فصحى .. حتى لو غلط .. ولا هيهمنى :)

بس ابقى صحح ورايا :)

اه بالحق .. شكرا على زيارتك لمدوناتى .. بجد نورتنى :)

أحمد منتصر يقول...

الله يخليكي يا ذوق :)