الأحد، 23 مارس، 2008

تعدد أنماط التفكير

Image hosted by servimg.com
كلمتين في الجون

إيه!. لما كنت سلفي كانوا بيزرعوا ف أدمغتنا –نحن المراهقين- إن لازم يبقى تفكيرك ديني. ده أولا. ثانيا إن لا تبقى سلفي لا تبقى غلط: كافر أو مبتدع أو فاسق يعني مش ملتزم دينيا. وكم عانى العبد لله من مغبة التفكير الجميل ده. تفكير ضيق. مفهوش حدود للإبداع. وتبقى نظرتك للآخر وحشة أوي. وباعتراف الشيخ العثيمين فأغلب الناس مش سلفيين.
واحد سلفي بيشتغل ف توزيع البيض. كنت قاعد ع الكمبيوتر منهمك ف عالم تدوين الأفكار. قاللي: أنا على فكرة جرّبت حوار النت ده زمان. أي كلام وتضييع وقت. واتعرّفنا على نسوان. وجاتلنا طنطا هنا نسوان من إيطاليا. مبتسما هو. سألته في اهتمام: وإنت بتعرف إيطالي؟. طبعا دنا خرّيج آداب إيطالي وبكمّل دراسة فيها أهوه!. قلتله في انبهار حقيقي: ياه ما أنت ابن ناس أهوه!.
تبا!. هو إنت لإما تبقى ضايع لحد لما تندم على ما فعلت. لإما تبقى سلفي وتفكيرك ضيق؟. وهنا أتذكر مقولة ألماسية لأحد أصدقائي المنتكسين باقتناع عن السلفية: المتطرف بيبقى متطرف طول عمره سواء كان سلفي أو مكانش سلفي!. الله!.
اتعقدت منهم: تعدد أنماط التفكير ده شيء بديهي ومن أساسيات التفكير السليم إللي مبني على العقل. مش على طول تفكيرك يبقى ديني. وحتى لو كده. الداهية والرزية إنك تجبر غيرك يبقى تفكيره زيك.
المقصود بتعدد أنماط التفكير إنه: حادث. يعني موجود. في ناس فعلا تفكيرها اجتماعي أو مادي أو فردي. ومقتنعين بكده. يعني موجودين غصبن عن أتخن سلفي فيكم. وإنه طريقة لحل مشاكل كتير بتقابلك ف الحياة والدين كمان. زي مسألة: إزاي النبي صلى الله عليه وسلم وهو شيخ كبير يتجوز فتاة عندها تسع سنين؟. دي لو حاولت تفكرها وتحلها بطريقة دينية ستفشل. هنا يطفو على السطح التفكير الاجتماعي لإن ده كان عادي زمان. أو حتى التفكير العلمي لإن مدام الرجل الشيخ قادر على الجماع والفتاة بلغت يبقى مفيش مانع علميا.
والخلاصة إن طريقة تفكير السلفيين الدينية البحتة تودي لداهيتين. الأولى: تحجيم دور شباب وشابات فيهم طاقة كبيرة عن النواحي العلمية والإبداعية بحجة الحلال والحرام. التانية: تعميق الهوة ما بين الملتزمين دينيا وغيرهم. لإن مهما تعمل مش كل الناس حتبقى ملتزمة دينيا. وفي ناس مش عاوزة تبقى ملتزمة دينيا. وفي ناس شايفة إن الالتزام الديني ده مش هو الكمال..والمثالية.

أحمد منتصر
في
ربيع الأول 1429

هناك 9 تعليقات:

امين سر يقول...

أنت
نعم اعنيك انت
لماذا لم تأت بعد .. ؟
هذا طريق لا يعرفه الساسة
و لا الحكام
و لا الاصدقاء و لا الاعداء
هذا طريق لا يعرفه أحد
ولا يعرف أحد
طريق لم تعرفه أقدام المارّة ،
ولم تدنّسه من قبل عجلات سيارة فارهة تملاء خزان وقودها من عرقي ، وعرق الأغبياء
الذين يقفون في طابور طويل
يريدون خبزاً قبل أن ترتفع أسعار القمح
تعال .. لماذا انت مرتبك ؟
و لماذا ارتضيت ان تتدثر في حزن مغشوش ؟
دع العالم يسمع صوتك
و إن لم يفعل .. !
فتأكد انني انتظرك لتشترك معنا في اسرار اون لاين
على الرابط ادناه
حتى اسمعك
http://asraronline.com/vb/register.php?referrerid=2

ســـــــمــــكة يقول...

انا مشكلتي اني عايشة في مجتمع (مدرسي)الحمد لله 99في المية منو منعدم الثقافة وتقريبا الكل بيتبع المذهب السلفي...
افتكر مرة من 4سنين جت مدرسة تربية اسلامية تقولي اني مينفعش البس سبورت شوز لانو تشبه بالرجال....
ومرة برضو واحدة قالتلي اني لما ارفع شعري فوق حرام(رؤسوهن كأسمنة البخت المائلة)ومش فاهمة التحليلي (التشويهي)للحديث
مواقف ومواقف اثبتتلي أن تكون سلفي تعني أن تكرّه غيرك فيك وفي الدين...
تحريم كل شيء....جمود التفكير....صعوبة النقاش....تكفير الغير باستمرار..في رأيي لم يكن ولن يكون نمط تفكير سليم للعيش.
ربنا يقدرني واطلع من البلد اصلا.
تحياتي :)

monaliza يقول...

جميل جدا توصلك لهذة الحقيقة

أحمد منتصر يقول...

أمين سر:

الله يسهلو يا عم :)

أحمد منتصر يقول...

سمكةةةةةةةةةة:

ربنا يقوّيكي ما أنا كنت ف دولة خليجية برضه وأنا صغير واتعقدت :)

أصلا السبورت شوز في سلفيات كتير ف مصر بيلبسوه

الإسلام جميل بس لما حد يجبرك على الالتزام بيه تزهق :)

هع هع هما محرموش كل حاجة. تفكيرهم جامد فعلا وضيق. النقاش معاهم بيوصلهم لحالتين إما يطلعوك مخطىء لإما يهجروك. وهو نمط تفكير سليم لبعض المجتمعات البدائية البدوية.

ربنا يطلعك منها على خير يا رب

دي مصر أرحم بقى على كده يا ولاد :)

تحياتي

أحمد منتصر يقول...

موناليزا:

ههههههه الله يخليكي :)

الوسواس المصرى يقول...

انت كمان كنت سلفى سابق مش بقول لك هو ده الاتراكشن اللى انا بدور عليه لازم اتكلم معاك على انفراد

أحمد منتصر يقول...

يحيى:

أتراكشن إيه وبتاع إيه بس يا عم؟ ما أنا كلمتك أهوه ومحصليش حاجة هع هع :)

فريد ج يقول...

انا مش سلفي انا مسلم من بلاد المسلمين درست ديني من كتاب ربي وسنة رسولي ،وسط في ديني اتبع رسولي عليه الصلاة والسلام الذي قال عن وسطيته من رغب عن سنتي فليس مني لكن اسمعو يا اخوتي دين الاسلام ليس بحاجة الى اشكال امثالكم وليس ربي ينتظر دخولكم في دينه فهو اعطاكم عقول تفكرو فيها ولكم الخيار البسو ما شئتم وتعرو كما تشاوؤن وقايمو علاقتكم كما تشاوؤن فكل انسان مسؤل عن نفسه كفى تهكمنت فكيفينى ما نحن فيه ؟؟؟؟؟؟؟؟؟؟؟؟؟؟