الاثنين، 24 مارس، 2008

اضحك على السلفيين

Image hosted by servimg.com
ههههههههههههه مجموعة من السلفيين المتطرفين منهم واحدة فرحانة بنقابها أوي عملوا مدونة سمّوها (إلى الهدى إئتنا) قال إيه عشان مناقشة ومحاورة العلمانيين وغيرهم من متبعي الشبهات على حدّ قولهم. بسذاجتي اسبشرت خيرا وقلت: يا سلام ده السلفيين قبلوا وبدؤوا يتقبلوا الآخر أهوه!. رحت ف أول تدويناية وكتبتلهم نصيحة صغيرة:
قبل ما تدافعوا عن الدين:
عنوان المدونة فيه غلط لغوي أصلا (إلى الهدى إئتنا).
(ائتنا): من غير همزة.
فما كان منهم إلا أن صححوا الخطأ وحذفوا التعليق. وعجبي!!.

هناك 24 تعليقًا:

norahaty يقول...

السلام عليكم ورحمة الله ياأستاذ احمد

(باكتب وانا بترعش ما المصحح اللغوى حيلاقى مية غلطة فيها وحتبقى حالى حال بس معلش نستحمل قصاد زيارتك لنا اليوم.
المهم الصورة حلوة اوى (منزلها بقالك كتير؟)انا عارفة هى نفس الصورة بس بالليل.
ثانيا:انت مش حافظ السورة ولا ده الخوف "فى مواجهة الكاميرا"
وثالثا انت عرفتنى على مكان جديد كده ...فشكرا
واخيرا انت على اى جهه يا استاذ احمد
حتقولى من اى ناحية حاقولك انت فاهم؟؟حيرتنى اصنفك ايه مسلم عادى وخلاص؟؟ قولى انت.
وتقبل تحياتى
norahaty
NBاوعى تقول الاخطاء اللغوية بتاعتى على الهواء هنا خليه فى جواب وابعثه على المدونة بتاعتى (ربنا امر بالستر)و(يستر على ولايا المسلمين اجمعييين)

Ahmad Badawy يقول...

هههههههه يا باشا ما هما المهم يطلعوا صح و خلاص و أى حاجة تانية غلط

سيادتك نورت مدونتى و مدونتك جامدة جدا

يا ريت لو ليك بروفايل على الفيس بوك تضيفنى عليه

Ahmad Badawy يقول...

اذا كان الاخوان لما بقول لهم لو مسكتوا الحكم المعارضة حيبقى مصيرها ايه ؟
قالوا الهدف من المعارضة أنها تساعد الحاكم من غير قلة أدب

يعنى كويس أنها جت على قد حذف التعليق بتاعك أحسن ما كانوا يحذفوك أنت شخصيا

سارورة يقول...

بص يا احمد ، اعتقد ان دول اللى بيمثلوا انهم سلفيين ، وهى دى مشكلة كل اللى بيمثلوا .. بيخافوا من اقل نقد لأنه ي=هيبين ضعفهم ربنا يهديهم يارب

أحمد منتصر يقول...

norahaty :

إزاي حضرتك؟

هههههههه كسفتيني والله اكتبي زي ما حضرتك عاوزه أنا بصحح بس للأدباء أعمالهم الأدبية. بس السلفيين بتوع المدونة دولا عاملين نفسهم علماء وهما بيكتبوا غلط أساسا فوجب قرصهم :)

الله يخلي حضرتك الصورة دي بالنهار ف تجارة طنطا

الخوف فعلا من الكاميرا شيء سيء وعايز تدريب

مش فاهم عرّفت حضرتك على أنهو مكان جديد؟

هع هع أنا والله حافظ القرآن كله فكل شوية كده حنزل بتلاوة أرجو إن ده ميضايقش حد :)

أنا موقفي: العلمانية
عقيدتي وديني: الإسلام

هع هع حضرتك اتكلمتي عامي أساسا أخطاء إيه بس هع هع؟

تحياتي وشكرا على ردود حضرتك إللي ف الجون أنا دايما بدخل عندكم وبكتب كلمتين وبطلع :)

أحمد منتصر يقول...

أحمد بدوي:

مدونتك على فكرة حلوة ومقالاتك أحلى :)

وفعلا السلفيين شايفين إنهم صائبين على الدوام

للأسف مليش بروفيل ع الفيس بوك

تحياتي لسيادتك :)

أحمد منتصر يقول...

أحمد بدوي:

معلّم والله :)

والله أنا خايف يعملوا هاك ع المدونة

تحياتي :)

أحمد منتصر يقول...

سارورة:

صحيح :)

ســـــــمــــكة يقول...

أهم حاجة إنو اتحذف..
هههههههههه
والله كويس انهم اكتفوا بحذف التعليق مقفلوش المدونة ومحذفكش من الدنيا....

على فكرة انا مش بلحق على البوستس بتوعك خد نفس بين كل بوست و بوست طيب
تحياتي

مشتاق لله يقول...

احمد تسجيل جيد بس ارجو ان تاخذ الاخطاء التي اخبرتك عنها في الحساب -علي فكره انا اعرف السيدة الفرحانه بنقابها صدقا اتمني فقط ان يكون في مصر زي اخلاقها -عموما كل انسان ليه نظرة وفي انتظار تسجيلاتك ياشيخ القراء

عصفور المدينة يقول...

أحمد السلام عليكم
بما أنك تؤمن بالإسلام فمن المؤكد أنك تؤمن بميزان الحسنات والسيئات ليتك تقيم كلامك في هذه التدوينة بميزان الحسنات والسيئات وأيضا أحب أن أنبهك إلى أنني قرأت أسماء المشاركين وليسوا كلهم من السلفيين -كمسمى-
بل أغلبهم ليسوا مندرجين تحت هذا المسمى العرفي

وأغلبهم أشخاص أعرفهم وهم أشخاص رائعون نافعون للمجتمع نحسبهم مخلصين لدينهم

عفا الله عنك

شاهدت قراءتك صباحا قبل سفري

mado80 يقول...

ازيك يا أبو حميد يا غالي

طيب أنت ايه اللي مزعلك أوي كده يعني هو حلال للعلمانين وحرام للسلفيين هههههههههه

ما تخلي اللي يتكلم يتكلم يا عم

وكمان كويس انهم مسحوا تعليقك بس يعني ما اهدروش دمك وده تقدم كبير يابني
ههههههههههه

تحياتي ليك يا أبو حميد وألف تقدير لشخصك الكريم

أحمد منتصر يقول...

سمكةةةةةةةةة:

هع هع ربنا يستر حصل خير :)

والله على عيني والله يا سمكة منشرش يوميا بس والله عندي حاجات كتيرة عايزه تتنشر عموما ححاول أمسك نفسي وأكتفي ببوست ف اليوم الواحد مش بوستين :)

تحياتي وطبعا رأيك مهم جدا :)

أحمد منتصر يقول...

مشتاق لله:

الحمد لله إن أخطاء التلاوة معدودة

تحياتي يا عمنا الحارة :)

أحمد منتصر يقول...

عصفوووووورنا:

شيخنا وتاج راسنا هع هع :)

وعليكم السلام

أرى أن التدويناية حيادية جدا فلم أشتم أحدا وإنما أشتكي ظلما وقع عليّ بلا مبرر مقنع

هممممممممم ليسوا كلهم سلفيين. طيب ولكنهم من وجهة نظري سلفيين :). وسواء أكانوا سلفيين أم لا يندرجون تحت تصنيف معين فإنهم متطرفون لأنهم حذفوا تعليقي. ولا إيه يا شيخنا؟ :)

رائعون إزاي يا شيخنا؟ بقولك حذفوا تعليقي إللي هو مفهوش أيتها حاجة ضد الدين بل هو نصيحة نافعة والدليل أنهم عملوا بها. ثم حذفوا تعليقي بلا اعتذار أو حتى كلمة شكر. دي قلة أدب :)

هههههههههه فعلا حضرتك سريع بتشوف الجديد فورا :)

معلش يا شيخنا بس حضرتك تعليقاتك السابقة ههنا كانت من أجل ترطيب وصلات النفوس وعندنا تحدثت بطريقة جدية أعتقد أن كلامك لم يكن ف حق الطرف المهضوم حقه مريحا :)

تحياتي العطرة :)

أحمد منتصر يقول...

مادوووووووو:

عمي

وعم عيالي هع هع :)

الواد ده عسل أوي يا جدعان :)

هع هع خدت بالك إنت إني قاعد للسلفيين ع الواحدة لغويا. نكشتني :)

ههههههههه فعلا الكل بيقوللي كده كويس إنك مضررتش ماديا منهم :)

حبيبي إنت نوّرت المدونة كلها :)

تحياتي بأريحية :)

عصفور المدينة يقول...

السلام عليكم
بص يا احمد باشا الأهداف اللي باعلق عشانها في المدونة هنا أحيانا متنوعة على فكرة مش منها إني أدعوك أو اناقشك أو من هذا القبيل أنا باحب أكثر أفهم الناس

وبعيدا عن عالم التدوين انت لو قدر إن احنا نتقابل بعد ما أزمتي في القوت تتفك سوف تفهمني أكثر
قد لا يهمك هذا ولكن ...... ماعلينا

بخصوص الموضوع طبعا حذف التعليق هو ممكن يكون ظلم في حالة إن لهجته كانت في الهدف وما أراه أنا ودي حرية رأي أنها ليست في الهدف وخاصة احتاوائها كلمة قبل ما تدافعوا عن الدين
صححت أخطاء لغوية وأخطاءفي الآيات قبل ذلك لكثير من المدونين وفرحوا بذلك كثيرا لأني كنت أكون حريصا ألا أجرحهم وأيضا كنت أعلق على التدوينة ثم أضع تصحيحا في تعليق منفصل ثم أزور المدونة وأحذفه بعد ذلك وقد وجدت لهذا السلوك صدى جميلا

المهم معاملة الناس تحتاج إلى كثير من التدقيق في التصرفات ومراعاة النفوس إن كان الإنسان يهمه قبول قوله وليس شيئا آخر

طبعا كلامك عن الأخت وقولك "واحدة فرحانة بنقابها أوي" ده أساسا استهزاء ولا هو وسام شرف من حضرتك؟
وهي أصلا في مقام أختك الكبرى
ويمكنك حذف التعليق وأنا أصلا مش فاضي أتابع هل قمت بحذفه أم لا
time is money

أحمد منتصر يقول...

عصفوووووووووري:

شيخنا :)

وعليكم السلام

حنتقابل يا شيخنا هع هع حنروح من بعض فين؟

أنا موافقك إن تعليقي المحذوف كان فيه نوع من الاستفزاز بس يعني حقولهم: أيها المشايخ الكرام أرجو أن تصححوا خطأكم اللغوي؟.

وبعدين لو كل واحد حذف كل تعليق مستفز كل واحد حيحذف نص التعليقات عنده. ما دمت لم أسب أحدا يبقى لا عذر في حذف التعليق. خصوصا إن المدونة كما قالوا: هي لمناقشة أصحاب الشبهات على حدّ قولهم من العلمانيين وغيرهم. يبقى أنا المفروض لما أتواضع وأحط تعليق عندهم ياخدوني على كفوف الراحة ويهتموا بيا. ولا إيه يا شيخنا؟.

بالنسبة لكلامي عن عاشقة النقاب فأرى أني لم أتعدّ عليها أنا قلت واحدة فرحانة بنقابها أوي. وهذا حادث. مشتمتش وبعدين ما السلفيين بيشتموا فينا ليل نهار ف مدوناتهم

أحذف تعليقك؟ يا شيخنا أنا قلتلك كون إن التعليقات فيها استفزازا ليس مبررا البتة لحذف تعليق المخالف ف الرأي. خصوصا إذا كانت المدونة إللي هما عاملينها مش مدونة شخصية بل عامة. أنا رأيي بقى مادام حضرتك مشكورا بتتكلم بصراحة إنهم حذفوا التعليق لإما عشان محدش يوصل لمدونتي ويقرأ مقالاتي إللي ضد السلفية وهو احتمال ما عني شايف إن نقدي للسلفية مجهود ضعيف. أو هما حذفوا التعليق عشان أساسا تعليقي ملهوش لازمة والمدونة دي هما عاملينها عشان يكلموا بعض فيها وخلاص.

حاجة تقرف منهم لله :)

تحياتي :)

الوسواس المصرى يقول...

هو ده الاتراكشن على راى نيللى فى احد الافلام هو ده اللى بدور عليه انا سقطت عليك من حيث لا ادرى اخوك يحيى
اه بالمناسبه ممكن اعمل add على الميل وشكرا

أحمد منتصر يقول...

يحيى:

عمري إللي باقي :)

شكرا يا باشا وأنا بدخل مدونتك حالا أهوه

قال وسواس قال هع هع :)

محب الدين يقول...

السلام عليكم ورحمة الله وبركاته

طب كويس جدا إن احنا ضحكنا حضرتك بالشكل ده .. ده قليل حتى إن الواحد يضحك في الزمن ده .. لو كنت اعرف كدة كنت عملتها من زمان

طيب كله خير

طيب على العموم احنا مش منهجنا إن احنا نهجم على اي حد كدة وخلاص .. أنا بس هرد عليك عشان انت عاوز مبرر مع إنك لو طلبته مني مباشرة كنت قلتلك برضه .. المهم مبرري هو إن لو حضرتك لاحظت لما رديت كنت أول واحد ترد في المدونة كلها وحتى من قبل أن نفتحها .. طب ده معناه إيه ؟؟ معناه إن المدونة لسة يادوبك متصممة.. يعني أكيد فيها حاجات عاوزة تتظبط !!! .. على العموم ده كان خطأ من المصمم ولو حضرتك كان عندك علم إن كان فيه تصميم قبل ده ولم يكن هناك خطأ فيه .. والتصميم كان هيتغير سواء حضرتك رديت أم لم ترد


أما بالنسبة لحذفي لردك فده كان سببه أولا في مادة النصح أصلا أنها بعيده عن الموضوع الأصلي لإن لو حضرتك خدت بالك برضه كنت لاقيت إني ذكرت إلى الهدى ائتنا في الموضوع كذا مرة ومكانش فيه أخطاء فيها خالص .. ورحت حضرتك علقت على تصميم الجرفيك المحطوط على رأس الصفحة .. طب ده معناه إيه ؟؟ معناه إن حضرتك داخل تهاجم وخلاص مش داخل عشان تنصح زي ما قلت !!!

على العموم برضه خير

ولو كان حذفي لتعليقك جرح مشاعرك كدة فاقبل اعتذاري على جرح مشاعرك إلى هذا الحد ولكني اثق في قراري بحذف التعليق

حاجة كمان على فكرة إن كنت تقصد بإن مؤلفين المدونة اعتقادهم عو الإعتقاد السلفي فهذا صحيح .. أما إن كنت تقصد إن المؤلفين ينتمون إلى الإتجاه السلفي المعاصر فهذا خطأ .. فالمدونة تجمع الإتجاه السلفي وأنا منه وأفتحر بذلك .. ومنهم من ينتمي إلى الأخوان المسلمين ومنهم من لا ينتمي إلى هذا ولا هذا
طاقم المدونة هو :
الفاتح الجعفري " ابو عمر " الفاتح اليعقوبي " استاذ خالد عبد الفتاح " عاشقة النقاب " ابو معاذ " عاشقة الفردوس " ابو عمر " ابو عمير المهاجر


شرفت المدونة على كل حال .. وعلى فكرة في بوستات جديدة في المدونة .. ننتظر تصحيحك للأخطاء الإملائية

محب الدين يقول...

اه .. نسيت حاجة مهمة جدا

استاذ عصفور المدينة

جزاكم الله خيرا

ويارب يجعله في ميزان حسناتك

nonoymm يقول...

السلام عليكم
والله جزاك الله خير يا استاذ احمد
واشكر وصفك باني فرحانة بنقابي

واضيف عليه اني فرحانة اوي بالتزامي بزي زوجات النبي والحمد لله
سواء كنت بتستهزأ او بتمدح او اي حاجة تانية
فدة زي ما تفضل الاخ العزيز جدا اخي عصفور المدينة ما قال فيه يوم اسمه رد المظالم فساحتسب اذا كنت تسيء
والرد على حذف التعليق رد عليه اخي محب كفاية على حضرتك وعاوزة اقولك ان اغلبنا اصلا لم يشعر بانك وضعت تعليق من الاصل ببساطة لان كان مصمم الجرافيك لا يزال بيوضب فيها

واعتقد كمان ان الموضوع اللي حضرتك دخلت تعلق عليه بعيد عن تعليقك
وباعتذر لحضرتك انا كمان لو زعلت بس والحمد لله كلنا مؤدبين
وما حدش فينا شتم زي حضرتك ما شتمت
ومش هنقيم عليك حد ولا نهدر دمك ما تقلقش احنا مش اولي الامر
وعاوزة اقول لك حاجة مهمة جدا انا لا احبذ تصنيفي ابدا
لكني احترم واطيع واجل كل من قال ربي الله ونبيي محمد صلى الله عليه وسلم ويخاف الله ورسوله ويتبعه ويشرفني ان اكون سلفية واخوانية واي شيء فيه الله ورسوله
بس اطمنك اني ست بيت عادية جدا
جزاك الله خيرا كثيرا على هذا البوست الذي لم اكن احلم به دعاية للمدونة الجديدة وننتظرك في الهدى ائتنا تتناقش بالحجة والدليل والاهم باحترام وادب
تحية واجبة وشكر وتقدير لاخي عصفور المدينةجزاك الله كل الخير
واشكر كل من دخل مهاجما ومتهما دون سبب وجيه
عذرا للاطالة

غير معرف يقول...

تضحك على السلفيين !!

شوف ...انا ماعرفكش ولا انتى تعرفنى صح ؟..اكيد صح

ومافيش استفاده ماديه ملموسه بينى وبينك ...صح ؟!!..أكيد صح

..انت مسلم وربنا سبحانه وتعالى أنعم عليك بأن تولد فى بلاد المسلمين ...كان ممكن تتولد نصرانى ويبقى أسمك جرجس بدل احمد ..لكن رب العزه أنعم عليك بنعمة الأنتساب للإسلام ..فكر وحافظ على النعمه أحسن تزول لأن عقوبة عدم شكر النعم هو أن تزول ...لا تضحك على أحد إنشغل بنفسك ..أقرأ القرآن صلى الخمس فروض فى المسجد ..أقرأ فى السنه وحاول ان تطبق سنة نبيك المصطفى الذى تتسمى بأسمه ..حاول ان يكون تتبعك له اكثر من مجرد أسم ..وربنا يهدينى ويهديك

بافكرك تانى مش هايدخل جيبى فلوس ولا هاستفيد منك لا من قريب ولا من بعيد ..وانا لا اعرفك ولا تعرفنى ..

راجع نفسك ..حياتك هاتعيشها مره واحده ...مافيش ملحق ..وما تعرفش انت هاتموت امتى ....ربنا يهدينى ويهديك ويهدى المسلمين

أخوك فى الأسلام ...شريف