الخميس، 27 مارس، 2008

قيظ

Image hosted by servimg.com
قيظ

شرب الماء لا أملك أفعل غيره. ومع سفّ وبلع ريقي أشعر بالاشمئزاز من لزوجة إبطيّ ولوْطهما بفعل التعرّق. (يع) تنط كل شوية ما بين كلماتي. عفوا محدّثي فالنار تحت كرسيي. أخلع فانلتي وأبقى بالداخلية. أدوّر المروحة وأرقبها بزفير محروق. أتململ في قعدتي. أراوح ما بين فخذيّ. الخروج إلى الشرفة في هذا الجو يا مخبولَ جنون. واللبس والانحدار نحو الشارع إلى الجامعة مجازفة.
تراودني نفسي بيد أن الكنز برذاذاته المنعشة لا يحل المشكلة. وأبقى أناجي سيجارتي حتى الظهر...

أحمد منتصر
في
ربيع الأول 1429

هناك 15 تعليقًا:

غير معرف يقول...

الله يخلف عليك

أنت مشكلة حقيقية

هههههههههه

الله يعين أهلك أكيد أنت مصدر شقاء لهم

الله يهديك بس

Ahmed يقول...

هاهاهاها

طيب يا سيدي .. لما اجي طنطا هبقى اعزمك على كانز ..

كمان ممكن أهديك تكييف بعيد ميلادك .. تكييف صغير كده حاجة عُشر حصان

أحمد منتصر يقول...

أحمد رمضان:

حبيبي الأولاني

رجعلي من تاني هع هع :)

أنا عايزك تعزمني على جمبري يا عم بس مدام إنت إللي حتجيلي طنطا مش أنا إللي حجيلك مصر يبقى موافق تعزمني على كنز :)

عندنا مكيّفين بس مفيش واحد منهم ف الصالون حيث الكمبيوتر :)

سنووايت يقول...

ممكن تنقل الكمبيوتر حيث التكييف
أو في المطبخ امام الثلاجة

أحمد منتصر يقول...

سنووايت:

الله يمسيكي بالخير اسمك بيفكرني بشخص عزيز :)

لا أنا بحب أقعد ويا الكمبيتو ف الصالون حيث البلاكونة :)

ف المطبخ أمام التلاجة؟

ماشي :)

تحياتي :)

ســـــــمــــكة يقول...

ياااه لما يكون اتوبيس المدرسة مكيف والبيت مكيف والفصل في المدرسة مكيف حتى السوبر ماركت الي شبر في شبر مكيف...
انا مش بغيظك يعني لا سمح الله انا بس بوصفلك حالتي
هههه ربنا يعينك
:)

أحمد منتصر يقول...

سمكةةةةةة:

هع هع ماشي يا مجرمة غيظيني أكتر بس برضه إنتي ف بلد حار جدا ولا عزاء للمغتربين :)

أية يقول...

اية القرف ده يا بنى دنا هرجع
اومال لما ندخل فى 8 هتعمل اية احنا المفروض لسه فى الربيع والجو بديع وبتاع الله يسامحها مطرح ما راحت قرت ع الجو
امممممممممممممممممممممم ليك وحشة والله يا احمد وحشتنى غلاستك
تحياتى

maha zein يقول...

حران...ارفان...اشرب سبرايت
عموما هو اوع فعلا ...الصيف ده
بس ارجوك بلاش توهمنا بانه حر علي الاخر
طب الي ذي حلاتي بيروح حلوان حيث الصحراء الجرداء والشمس الي عمله ابونيه مع الجامعة
اعمل ايه ...هه؟
ربنا يطريها عليك

أم أحمد المصرية يقول...

بما انك احمد و انا ام احمد فاسمح لي اقول لك هي ناقصة سجاير كمان في حر الجو و حر نقص الفلوس يا كابتن بطل السجاير و كون انسان جديد و ادخل خذ دش حتفوت في الحديد مع خالص امنياي لك بتكييف هدية بس ابقي افتكر الناس اللي مش لاقيه حتي ظل تستخبي تحته
تحياتي

أحمد منتصر يقول...

يويااااااااا:

وإنتي كمان والله وحشتيني :)

لما ندخل ف 8 بشغل المروحة ع الآخر وبقعد بالفانلة الداخلية وأفتح البلاكونة وبنام بالنهار أساسا هع هع :)

أحمد منتصر يقول...

مها زين:

إزيك يا دكتور هع هع ؟

والله موجة الحر إللي فاتت دية كانت جامدة أوي ربنا يستر ف الصيف بقى لما ييجي فلكيا حنعمل إيه؟ :)

أحمد منتصر يقول...

أم أحمد:

إزاي حضرتك؟

والله نصيحتك بترك السجاير شكلي حاخدها بنظرة جدية عشان احتمال أسافر مصر يوم 10 ومعييش إلا عشرين جنيه :)

اهو ده عيبه يقول...

ايه يا عم احمد قلبت علينا مواجع الصيف

الواحد مش عايزه ييجى علشان كل الحاجات اللى بنحس بيها دى

أحمد منتصر يقول...

أهو ده عيبه:

ولسه !

والله كل صيف الحر بيزيد بفعل الاحتباس الحراري يعني ممكن الصيف إللي جاي ناخد أجازات من الشغل كلنا هع هع :)