الثلاثاء، 18 مارس، 2008

الأعمدة اليومية بجريدة الدستور

Image hosted by servimg.com
سحر الكلمة

مرحبا. جريدتي المفضلة هي جريدة الدستور. أتابعها بشغف بصفة شبه يومية نظرا لضيق ذات اليد. ولولا الأخير كذلك لتابعت صحفا أخرى عدة: المصري اليوم. البديل. روز اليوسف. الوفد. والصحف القومية. وفي هذا المقال أحاول رصد حال الأعمدة اليومية بالدستور رصدا لينا عفيفا.
Image hosted by servimg.com
العمود الأول هو (من أول السطر) للمايسترو –كما يلقبونه- إبراهيم عيسى. وهو عمود سهل اللغة. ساخرها. أحيانا يكون دينيا في علم السيرة على وجه الخصوص. تتخلله العامية. ويضمّن من حين لآخر وجهات نظر جديرة بالمناقشة بحق.
Image hosted by servimg.com
العمود الثاني هو (عمود نور) للدكتور نبيل فاروق. وهو الكاتب البوليسيّ الأشهر صاحب سلسلة رجل المستحيل. وله تجربة احترافية في أدب الخيال العلميّ ألا وهي سلسلة ملف المستقبل. يتميز عموده اليومي بسهولة اللغة. تتخلله العامية. والسخرية الشديدة. ومازال متأثرا بأسلوبه الأدبي فيه. يحاول فيه الدكتور محاربة الفساد المتفشي في النظام المصري دون كلل.
Image hosted by servimg.com
العمود الثالث هو عمود صغير بعنوان (دنيا العجائب) لمحمد عبد القدوس. وهو عمود ساخر جدا. يمتلىء بعلامات التعجب. وهو من حين لآخر يلفت نظري إلى أشياء عجيبة متناقضة لم أنتبه إليها قبلا.
Image hosted by servimg.com
العمود الرابع هو (حلاوة زمان) للهرم اليساري الرابع أحمد نجم يحكي فيه أبو النجوم –كما ينادونه دوما- حكاو جرت له منذ عشرات السنين. يحكيها بلغة سهلة سلسة تتخللها العامية كثيرا. ومن حين لآخر يُفرد العمود كاملا لقضية ما. مثل قضة (الحجاب الإيراني) على حدّ تعبيره. وقضية الجماعات السلفية.

أما العمود الخامس فهو (أقول لكم) لرئيس التحرير التنفيذي للجريدة إبراهيم منصور. وهو عمود في رأيي جامد جاف. كنت لا أقرؤه قديما ولكني صرت أقرؤه حاليا من باب التعوّد ولرغبتي في معرفة الرأي الآخر. عموما هو عمود سياسي. يكرر كاتبه كلامه كثيرا عن قضايا حديثة بعينها. مثل (الترقيعات الدستورية) على حدّ تعبيره.
Image hosted by servimg.com
أما العمود السادس فهو (لوجه الوطن) لعضو حركة كفاية والناشط المشاغب عبد الحليم قنديل. وهو عمود سياسي دوما. لغته عالية. ويتيمز عن غيره من الأعمدة ببضعة سطور في نهايته تسبقهم كلمة (إشارة) يلفت نظرنا فيه الكاتب إلى خبر ما أو مفارقة مدهشة.
Image hosted by servimg.com
العمود السابع بحسب ترتيب الصفحات هو عمود (خلق الله) للكاتبة نجلاء بدير. وهو عمود خفيف ذو نكهة مختلفة بسبب رشاقة عبارة كاتبته وتحدثها عن هموم عموم المصريين. وهو من أفضل أعمدة الجريدة في رأيي وأعرضها شهرة.
Image hosted by servimg.com
نأتي للعمود الثامن وهو لكبيرنا الدكتور أيمن نور زعيم حزب الغد. العمود بعنوان (شباك نور) وتظهر صورة نور على رأس العمود وهو بداخل زنزانته. لن أتحدث كثيرا عن العمود كيلا أتهم بالتحيز المذهبيّ. ولكنه دائما عمود سياسيّ. ساخر لغته متوسطة. يتحدث فيه نور كثيرا عن حبسه: الأسباب والدوافع ومجلس الشعب.

العمود التاسع هو (أرابيسك) لأيمن شرف. وهو عمود يشبه عمود (أقول لكم) في النمطية المملة ولكنه أكثر من شبيهه إثارة بيد أنه ليس سياسيا دوما.
Image hosted by servimg.com
العمود العاشر والأخير وهو الأفضل في رأيي هو عمود الكاتب والمفكر الإسلامي العلماني الكبير فهمي هويدي وهو عمود بلا عنوان. قلت إنه الأفضل لأنه متنوّع الموضوعات. لغته سامقة. تتضمن كل مقالة منه عدة أفكار. كما أن أسلوب كاتبه تحفة فنية بكل المقاييس.
ما رأيكم أنتم أيضا بهذه الأعمدة؟.
أحمد منتصر
في
محرم 1429


هناك 18 تعليقًا:

غير معرف يقول...

فهمي هويدي من الاخوان المسليمن ولايحمل اي صبغة علمانية هذا مايقوله عن نفسه وشكرا
مشتاق لله

أحمد منتصر يقول...

مشتاق لله:

أنا بقول رأيي فيه من وجهة نظر محايدة فهمي هويدي عنده مسحة علمانية وهو قال قبل كده إن مرجعيتيه هما القرضاوي والغزالي ودولا مشايخ عندهم مسحة علمانية ظاهرة زي إنكارهم لكثير من الأحاديث الصحيحة ودية حركة علمانية شهيرة

تحياتي :)

أحمد سعيد بسيوني يقول...

بسم الله
مش هنشوف لك عمود بقى ولا اية في الدسنورر هههه
البوست جميل وانا عادة ما اشتري الدستور
نقطة اخيرة لا القرضاوي ولا الغزالي يقدرون ان ينكروا حديث في البخاري الا بادلة قوية ودامغة والموضوع مش بمزاجهم يعني مش عشان الحديث مش عاجبهم او ان الحديث لا يناسب روح العصر لا بل بحجج قوية لان البخاري هو اصح كتاب بعد القران الكريم
اعتقد ان الفكرة وصلت
وعلى ما اعتقد واجزم ان الدين الاسلامي دين شامل فهو فيه الحرية بكل ما تحمله الكلمة وليس الحرية المزعومة الضيقة الحدود التي يتشدق بها العالمانييون
تحياتي

Ahmed يقول...

كنت أقرأ الدستور بشكل تقديسي منذ حوالي العامين قبل أن أقرر الإنقطاع لسببين :

1 ـ تحولت الدستور إلى جريدة أخرى من نوعية (فلانة ترقص عارية) وعندما نقرأ نجد بأن واحدة ست تشبه الفنانة فلانة رقصت رقصة خليعة بمكان يرفضون ذكر اسمه .. عندها أحس بأنني خدعت أكثر مما أحس بأنني تثقفت وأنا اشتريت الجريدة من أجل الثقافة.

2 ـ قررت إن لدي مشاكل أكبر بكثير أستطيع أن أحلها بدون أن أفكر بنظرية المؤامرة .. بل أفكر بنظرية : فليبدأ كل شخص بنفسه :)

أحمد منتصر يقول...

أحمد سعيد بسيوني:

بلدياتي

كتابة العواميد مسألة صعبة جدا وعايزه واحد خبرة عشان ع الأقل يلاقي حاجة يتكلم عنها كل يوم :)

وطبعا القرضاوي والغزالي مأنكروش أحاديث على حسب مزاجهم هما عاملين قواعد عقلية للقبول

الحرية معروف إنها عند العلمانيين أوسع منها عند الإسلاميين

نورتني يا أحمد بك

تحياتي :)

أحمد منتصر يقول...

أحمد رمضان:

حبيبي :)

الدستور مرة برضه ذكرت اسم إيمي المغنية وهيا معرفش إيه وبعدين ف اليوم التاني اعتذرت :)

الدستور عندها حكاية النظرة السوداء القاتمة وأنا اتعودت على كده ومعنديش مشاكل ف تقبل وجهة نظرها :)

تحياتي يا بوب :)

أحمد منتصر يقول...

كتاب فهمي هويدي في الميزان:

http://www.2shared.com/file/3008446/55b2c5b8/___.html

norahaty يقول...

السلام عليكم ورحمة الله وبركاته يا استاذ احمد:
الجولة حلوة وشاملة وتحمل راى صاحبها الخاص ...ليه؟لان دى اول مره اسمع ان فهمى هويدى يمكن ان يطلق عليه لقب الاسلامى العلمانى ..ازاى؟والقرضاوى والغزالى بينكروا الكثير من الاحاديث الصحيحه....منهم لنفسهم كده!!!!اشك فى هذاكثيرا.اما عن بقية ارائك فى كاتبى الصحيفة فانت ادرى بهم لانك المتابع لهم0
مرة تانية شكرا على الجوله لانى صراحه اعز الحاجات اللى ببلاش (ولو جولة على الورق)واديك عزمتنا واديتنا فكرة عن كاتبى الدستور جملة واحدة
وتقبل عظيم تحياتى.
norahaty

أحمد منتصر يقول...

norahaty :

حضرتك منوراني والله :)

وعليكم السلام ورحمة الله وبركاته

هما السلفيين إللي عملوا التسمية دية عشان حضرتك عارفة إنهم بيحبوا يحكموا على الناس

ههههههه حضرتك تتفضلي ف أي وقت أساسا المدونة بتاعة سيادتكم :)

تحياتي الحارة :)

مشتاق لله يقول...

اخي احمد للاسف لاتملك قاعدة علمية قوية وتدخل الكلام في بعضو اولا الغزالي لم ينكر حديثا واحدا انما قال بتفسير بعض الاحاديث بشكل يتوازن مع الحضارة وانا اتحداك ان تقدم مقالا واحد يقول فيه الغزالي رحمة الله عليه ماذكرت ومن اهم الاحاديث التي ذكرها حديث القط الاسود وغيرها طالبا تفسيرا لها ورد عليه الشيخ القرضاوي في كتابه الغزالي كما عرفته ردا علميا لاانكار للاحاديث فيه ثم ان علم الاحاديث مازال تحت التنقيح والرد والاخذ والعلماء لهم ظوابط في هذا المجال ومنهم القرضاوي والغزالي فلا تلبس الرجلين تهمة هما منها براء وراجع معلوماتك وعلي فكره ياريتك تروح للدستور تسئل وتقابل الاستاذ فهمي وتفهم منو وتحياتي

أحمد منتصر يقول...

مشتاق لله:

يا جماعة عيب الكلام ده أنا عندي تقولولي مبفهمش ف العلمانية أرحم ما تقولولي مبفهمش ف الدين

دول خمس سنين يا ناس سلفية خمس سنين :)

حمّل كتاب: القرضاوي في الميزان

http://www.kabah.info/uploaders/karadaoy.rar

سارورة يقول...

انا كمان من مدمنى الدستور .. بس بتعجبنى اكتر منها المصرى اليوم علشان بحسها حيادية شوية وموضوعية ..

اما عن رايي فى العموايد (( حلوة العماويد دى ))

فهتكلم عن اللى بقرالهم :

1 - ابراهيم عيسى : بعترف انى من عشاق كلمات ابراهيم عيسى واسلوبه ولكن .. احيانا بحس ان فى تار بايت بينه وبين الرئيس .. بحسه بيكتب عموده علشان بس يشتم الرئيس ودى لاحظتها اكتر من مرة .. ما انكرش انه بيقول حاجات صح لكن فى حاجات تانية بردو تتكلم عنها علشان ماحدش يحس ان الموضوع شخصى ..

2 - د / نبيل فارووق : بردو ان من عشاقه ، وادهم صبرى كان فارس احلامى فى يوم من الايام (( بس بعته واخترت رفعت اسماعيل )) .. وبصراحة كنت بعدت عن كتابات د نبيل فاروق علشان ضربت فى الخيال العلمى خالص بس فوجئت باسلوب مختلف تماما فى الدستور .. واقعى وساخر وفى الجون فبجد حبيت اسلوبه جدا من تانى

3 - احمد فؤاد نجم : كنت بقراله لحد يوم قريت فى عاموده موضوع عن الحلقة اللى استضافته فيها منى الشاذلى فى العاشرة مساءا .. ماحبتش الاسلوب اللى عملها بيه وحسيت انه واخد العمود ملاكى لتصفية الحسابات بردو وانا اصلا مش بحبه علشان بيقول كلام مش محترم اوقات كتير .. بس بحب بعض اعماله

4 - فهمى هويدى : ماعرفش ليه لله فى لله كده مش بطيق اقراله حرفين فما اقدرش احكم بجد

5 - بجد اسلوبك فى النقد جميل جدا ، وموضوعى وانت اخدت الفكرة دى من على طرف مخى ههههههه كان نفسى اعملها

أحمد منتصر يقول...

سارورة:

الله يخليكي يا سارورة يا جماعة البنوتة دية مدونتها حلوة أوي شوفوها :)

وفعلا المصري اليوم حيادية أكتر بس الواحد بيحب لهجة الدستور إللي مليانة حرية وكذا فكر وكذا رأي لكذا كاتب

أنا موافقك على كلامك عن إبراهيم عيسيى ودكتور نبيل. بالنسبة لأبو النجم فهو شخصية عسل جدا وأنا المقالة إللي كانت عن منى الشاذلي دي قريتها وعجبتني جدا جدا جدا. يمكن إنتي كبنت معجبتكيش

بالنسبة لفهمي هويدي هو أسلوبه تحفة معقد كده وجميل أنا كمصحح لغوي بتمزج منه أوي حتى بخلي مقالته أقراها تاني يوم أول ما أصحى مع كوباية الشاي :)

تحياتي يا سارورة وشكرا لردك الجميل :)

أية يقول...

انا بصراحة مليش أوى فى السياسة يا أحمد بس بينى وبينك بفضل العمود السابع
كمان بطل بعزقة عشان مش كل شوية هسلفك وحوالة وبتاع
متاخدش على كده
هههههههههههههههه
والسلام ختام

أحمد منتصر يقول...

يويووووووووووووو:

ست الكل :)

محدش يصدق البنت دية أنا مخدتش منها حاجة هع هع :)

تحياتي :)

أية يقول...

انا دخلت هنا غلط انا مش كنت هنا من شوية طب ماشى عموما انا شايفة ان الصفوف اسهل من الأعمدة و....و,
وووو,,,
وعمود ال... الاسمو ايه ده
طب عن اذنك يا احمد عشان زورانة انا
هااااااااااااااا

أحمد منتصر يقول...

يويووووووووووووووو:

الله الله الله الله إنتي بتلعبي بقى؟

ماشي يا ستو المدونة بتاعتك أصلا بس وطي صوتك عشان الوقت اتأخر هع هع :)

نورا الجندي يقول...

عمودي المفضل -طبعًا- هو عمود فهمي هويدي..
هذا الرجل محترم إلى درجة تثير غيظي ! وأسلوبه كما قلت رائع الجمال..
عمودي الثاني المفضل.. الحقيقة ليس بعمود.. لكنه مقال أبي الذي ينشر كل إثنين .. :D ليس لكونه أبي والله!

مدونة لطيفة :)