الجمعة، 14 مارس، 2008

مراتب الناس

Image hosted by servimg.com
كلمتين في الجون

كل واحد كده تلاقيه مقسم الناس عنده لكذا نوع. واحد يقولك الناس لإما جدعان. لإما أندال. لإما ناس طيبة وعلى نياتها. واحد تاني يقولك الناس لإما ملتزمين دينيا. لإما مش. لإما ناس جاهلة مش فاهمة حاجة.
عندي: الناس تلات أقسام. الأول: اليمينيين بكافة أطيافهم. إللي بيفكروا من وجهة نظر دينية بحتة. إللي متناقضين مع مجتمعاتهم سواء الشرقية أو الغربية. إللي شايفين الناس لإما أبيض يا إما إسود. وحري بهم السكنى في مغارة في العصور الوسطى أو ف خيمة. وشخصيا لم أعد أثق في أي تفكير ديني روحاني.
التاني: الناس العادية إللي ملهاش منهج محدد. تفكيرهم يميل لليمينيين وأفعالهم تميل للعلمانيين. وده بيرجع إلى إنهم سذج معندهمش لا ثقافة ولا مرجعية فكلامهم يناقض أفعالهم. وأفعالهم تناقض كلامهم. واتكلمنا عليهم ف مقالة (التفكير المعاكس: التفكير باتجاهين). أنا صحيح بحسدهم على راحة البال لكن التناقض شيء يضايق صاحب المرجعية للدرجة القصوى.
التالت: هو العلماني إللي تفكيره مادي مناسب للعصر ومش روحاني. والعلماني غالبا مش ملتزم دينيا بمعنى إنه مش بيواظب على الصلاة ولا حتى صلاة الجمعة. وغلط كتير من الناس إللي قالوا إن العلمانية مش ضد الدين. وغالبا هما خايفين من غضبة القسمين الأول والتاني عليهم. لكن ببساطة وريني العلمانيين إللي مواظبين على الصلاة كام واحد؟ ندرة. وده مش عيب بقدر ما هو توضيح لموقف ومسح للغبار إللي عليه.
بتوع القسم الأول مبيروحوش سينما ويقولولك حرام ويقعد ف بيته
أو المسجد. بتوع القسم التاني يقولك حرام لكن بيروح سينما أو ميروحش ويشوف الفيلم لما يتعرض ف التليفزيون. بتوع القسم التالت يقولك السينما فن هادف وجميل ويروح السينما وهو فخور بانفتاحه ومرواحه. لكن عموما إللي بيعمل حاجة وهو مقتنع بيها ومش بيجبر التاني إنه يعمل زيه هو حر لكن أهم حاجة ميكونش ندمان عللي بيعمله...

أحمد منتصر
في
ربيع الأول 1429

هناك 18 تعليقًا:

مشتاق لله يقول...

حسنا ايها العلماني الطيب لماذا شغلت نفسك بتقسيم الناس او تقييمهم -هل شغلت نفسك ولو مرة واحدة بتقييم نفسك كانسان وماانت عليه -هل انت راضي عن نفسك - الي اين تريد الوصول -اسئله مهمه لو كتبت مقال لنفسك عنها تكون مبدع فعلا

ابو مفراح يقول...

السلام عليكم
تلك هى مرتب الناس من وجهه نظرك انت و بصراحه من الممكن ان تفتح وجهه النظر تلك نقاشات كتيره هذا ليس وقتها
على العموم فرصه سعيده انى تعرفت بمدونتك
تحياتى ابو مفراح

monaliza يقول...

خير الامور الوسط

أحمد منتصر يقول...

مشتاق لله:

فعلا المفروض الواحد ينشغل بنفسه أولا

وأنا فعلا بقيم نفسي كل شوية متحافش

أنا راض عن نفسي جدا

أريد الوصول إلى السعادة

ممممممممم سأفكر في الأمر

تحياتي :)

أحمد منتصر يقول...

أبو مفراح:

وعليكم السلام :)

يا عم اتكلم وقول مراتب الناس عندك إيه

عموما شرفتني ونورتني :)

تحياتي :)

أحمد منتصر يقول...

موناليزا:

عندك حق :)

تحياتي

الباحث عن الحقيقة يقول...

عجبنى جدا جدا الموضوع ده
مكتوب بشكل فيه احساس بطبيعة الناس وحالهم
ده موضوع مكتوب بايد جراح ماسك مشرط مش شخص ماسك قلم
المشكلة ان الناس العادية اللى فى النص خاضعين تحت سيطرة اليمينيين المتطرفين لكن لجهلهم هم متذبذبين
واليساريين دول رد فعل لليمينين ..لكل فعل رد فعل مساوى ومضاد
ودول بيتشددوا علشان دول بيتساهلوا ..ودول بيتساهلوا علشان دول بيخنقوا قصدى بيشددوا
تقبل تحياتى

أحمد منتصر يقول...

الباحث عن الحقيقة:

هع هع الله يخليك يا ذوق كويس إن حاجة من إللي بكتبها عجبتك :)

شكرا على الإطراء وإن كنت لا أستحقه وتنياتي لك بالصحة والسعادة. آمين

تحياتي :)

ســـــــمــــكة يقول...

انا عندي الناس نوعين ناس بتفكر عشان تعيش وناس عايشة بلا مخ وبلا تفكير القسم الاول ممكن يتقسم زي ما انتا قولت لتلات اقسام اما القسم التاني وماشاء الله هو الاكبر فهما ناس بتعيش عشان تاكل تكبر وتموت زي اي كائن حي معندهوش مخ...عموما الواحد يتبع مخو وقلبو وربو هيلاقي نفسو تحت تصنيف انسان وكدة افضل

أحمد منتصر يقول...

سمكةةةةةةةةةةة:

يا دي الاستقلالية بتاعتك يا بنتي إنتي مستقلة كده ف كل حاجة حتى التفكير؟

مممممممم تقسيمك لذيذ والله فاتني القسم التاني بتاعك ده

تحياتي :)

norahaty يقول...

السلام عليكم ورحمة الله وبركاته ياأستاذ احمدمنتصر
الموضوع حلو الحقيقه ومكتوب بطريقةحلوة كمان" ياطنطاوى"
كونى موافقة على التقسيمة دى ام لا فهذا شىء احتفظ به لنفسى ,ولكن ما اريد ان اذكره او اعلق عليه فهو قولك
"" إللي شايفين الناس لإما أبيض يا إما إسود. وحري بهم السكنى في مغارة في العصور الوسطى أو ف خيمة""
الناس دول حاولوا هذا هنا فى مصر فى السبعيينات(جماعات التكفير والهجرة) او فى افغانستان ,ولكن السلطات لم تتركهم وطاردتهم وسجنتهم.
تقبل مرورى وتحياتى.

أحمد منتصر يقول...

norahaty :

آه صحيح حضرتك بس مسكوهم بعد فوات الأوان :)

تحياتي

mado80 يقول...

احمد منتصر

ايه يا عم الكلام الجامد ده

بس أنا مش شايف من السهل كده أن أحنا نصنف الناس بكل سهوله لتيارات ومذاهب مهما كانت صحه هذا التصنيف

الظاهره الأنسانيه أكثر تعقيدا من هذا التصنيف علي ما أعتقد

المهم ياعم أنت ما قلتش أنت تبع أني قسم صحيح

؛)

بوست حلو يا مان ... تحياتي

هناء صابر يقول...

احيى كل انسان له فكر خاص....المهم انه لايسىء لاحد أو يفرض رأيه على الآخرين ....
و زى ما اتقال قبل كدة
" خير اامور الوسط " ...
مش عايزين لا يمين قوى ..و لا شمال خالص ....محتاجين نصل الى جموع الشعب المصرى ...اللى لا هو يمين قوى و لا شمال خالص ...لام نلاقى المتحدثين الرسميين لهم ...من غير تعصب ...
تحياتى ...تدوينة مميزة

أحمد منتصر يقول...

مادوووووووووو:

حبيبي الأولاني :)

أهو إنت كده لازم أرزعلك رد ف مدونتك تقوم جايلي برد

بينج بونج يعني هع هع :)

أنا تبع القسم التالت يا عمنا إنت مش عارف ولا إيه؟

تحياتي :)

أحمد منتصر يقول...

هناء صابر:

شكرا يا هناء على الإطراء غير المستحق البتة

وفعلا خير الأمور الوسط وأنا نقدت حاجات على العلمانيين المتطرفين ف مقالة: ولا تسرفوا

نورتيني ونورتي المدونة بحضورك العطر

تحياتي :)

أية يقول...

انتا لخبطتنى ومش عارفة انا مين فيهم بس الحمد لله انا بواظب على الصلاة
انتا سياسى اوى هحاول اجاريك فى الكلام بس انا مفيش ابيض سياسيا
بس هتودك اوعدك
بس اهم حاجة فعلا اننا نكون مقتنعين باللى بنعمله
الا هو انتا انهو منهم ؟

أحمد منتصر يقول...

يويوووووووو:

إزيك يا بنتي؟

أنا تبع القسم التالت :)

وعلى فكرة الأبيض ف السياسة ده بيبان ف الضلمة خلي بالك هع هع :)

تحياتي