السبت، 1 مارس 2008

ثبت بكل ما كتبته في نقد السلفية

هنا أورد روابط كل ما كتبته في نقد السلفية لأهميته لسببين: الأول أني كنت سلفيا يعني هذه شهادة من العمق. والثاني أني أرى أني أفضل من نقد السلفية على الإنترنت بأسلوب سهل موجز.
يحدث باستمرار
السلفيون الجدد
عودة الخريف
مريم بتعرف تلعب
تطبيق الدين
تدين سلبي
الخطورة السياسية للدعوة السلفية
زوايا خربة في الشخصية السلفية
شيطان اسمه حماس
ثلاثون عاما على المد السلفي في مصر
.... تنتقب
منقبة سايقة
خلي بالك من زوزو
لوهاس: البديل الصحي للسلفية
متخليش تفكيرك ديني
أيها المفتي اخرس
هل الملتزم دينيا هو خير الناس؟
أنقذوا أميرة
الإرهابي
السلفيون والجنس
الخجل عند بناتنا
السلفية غير صالحة لمصر
عليّ وعلى أعدائي
راديكالي قديم
العب العب العب العب
إسدال النقاب على العقل
أهمية الفن
دعوة مشبوهة
تنويه مهم
تعدد أنماط التفكير
اضحك على السلفيين
صوري أيام السلفية
موقف السلفيين من إضراب 6 أبريل
احترم غيرك يحترمك
الجو الذي يعيش فيه أطفال السلفيين
مسلم في الفضاء
اضحك على السلفيين ج2
دولة للسلفيين في مصر

هناك 14 تعليقًا:

Ahmed يقول...

قضيت الساعة السابقة اقرأ المقالات المختلفة ووصلت إلى نتيجة هي التالي :

أنت تفكيرك سليم ومتميز .. وبتحاول تعمل إعتدال ما بين المسلمين وما بين التفكير العلماني اللي بينادي بالحرية .. المشكلة إنك مهما حاولت أعتقد إنك مش هتقدر تنجح إلا يا دوبك مع نفسك .. لأن التحريفات اللي وصلت ليها تفسيرات القرآن والسنة والحديث (وأقول تحريفات تفسيرات هذه الكتب وليس الكتب نفسها) قد وصلت إلى حد من التشدد غير معقول على الإطلاق :)

بس شغل كويس وممتع :)

s@gi l'ombre يقول...

ربنا يهديك
انت كنت سلفى ..متأكد بجد
تعليقاتك حسستنى انك انسان متلزم
وعاقل
انما لما قريتلك 4 مواضيع بس
بصراحه ماقدرتش اكمل
علشان ما أخسرشى صداقتك
بس بجد حاول تعيد بلوره الفكره ف دماغط تانى
انت ما عملتهمشى صح
مش كلهم زى ما بتقول
مش ينفع نقول على اتباع نهج النبى صلى الله عليه وسلم ..تشدد
مش قادر تعمله ..يبقى اسمك مقصر
انما تعمل دين جديد
صدقنى صعبه يا أبو حميد
استغفر وبلاش تهاجم نمط .. انت مش فاهمه صح
او مش قادر تنفذه
بلاش تقول بصوت عالى وف ميدان عام
انك ضعيف مش قادر تتحكم ف شهواتك
الدين كامل
اتباع النبى واجب
مش محتاج لوهاس ولا غيره
فكر تانى واقعد مع نفسك
انت فطرتك حلوه
تحياتى كتير
سلام يا اللى اتمنى نبقى اصحاب
انا من بركه السبع جنبك على فكره

أحمد منتصر يقول...

أحمد رمضان:

الله يخليك يا بو حميد :)

لكن برضه مش السلفيين بس إللي متطرفين ف تفسير النصوص الدينية. في برضه علمانيين متطرفين بدرجة مذهلة ومن أعلامهم المستشار العشماوي وسيد القمني ودولا مخدوش بالإجماع وقعدوا يلعبوا ف النصوص لحد ما توصلوا بعبقرية مذهلة إلى إن الإسلام مفهوش حجاب وإن الخمر إذا لم تصل إلى حد الإسكار جازت!!.

وأنا متفائل إن كلامي ينفع مع السلفيين الجدد. والناس البسيطة إللي على قدها إللي تبغي المعرفة :)

شكرا لاهتمامك وتحياتي :)

أحمد منتصر يقول...

أبو اسم صعب إللي من بركة السبع:

إزيك يا بوب؟

معرفش ليه كل شوية واحد يقولي إنت مكنتش سلفي. واحد قرا 100 كتاب ف السلفية وكان فاهمها وبيعمل بيها يبقى كان سلفي ولا لأ؟ الله يخرب بيت الصواب المطلق بتاعكم ده يا شيخ :)

يا عم دنا بتكلم باحترام خالص تخسر صداقتي إيه بس أمال الناس إللي بتشتم فيكم ليل نهار دولا حتخسر دينها يعني ولا إيه بالضبط؟

أنا فعلا مش ملتزم دينيا الحمد لله وأنا سعيد بكده عشان لما كنت سلفي كنت تعبان أوي :)

نهج النبي صلى الله عليه وسلم على عيني وراسي بس لما بيتعمل دلوقتي بيبقى تشدد اجتماعيا :)

يا عم أنا مش علماني متطرف قاعد بيقول الحجاب غلط واللف حوالين الكعبة وثنية :)

أنا علماني باخد ببعض الدين خصوصا الأمور العقائدية اللازمة عشان تبقى مسلم. أما العبادات فمش كل واحد مجبر يبقى ملتزم دينيا (فكريا وواقعيا). والمعاملات إللي فيها سماحة ورحمة وعدل بين الناس حلو أوي إننا ندعوا الناس إليها من خلال الإسلام :)

يا أخي سلفية إيه إللي أنا مش فاهمها صح إيه بس؟ واحد قعد سلفي خمس سنين عايزه يضيع كمان كام سنة من عمره عشان تقوله تقدر بقى دلوقتي تتكلم عن السلفية؟

التنفيذ؟ منهج بيطلب منك تغض بصرك عن الجنس الآخر طول عمرك. متشفش أفلام ولا أي حاجات فنية. متسمعش موسيقى ومترسمش. لا يا عم بلاشه أحسن :)

يا عم شهوات إيه بس؟ إنتوا بتقولوا ع الحاجات البريئة شهوات!..مشاهدة التلفاز وسماع الموسيقى والنظر إلى البنات..أمال لو قلت حرية جنسية حتكفروني ولا إيه؟

اتباع النبي صلى الله عليه وسلم على عيني وراسي لكن أنا يا عمي مش بتبعه الأيام دية ف حاجات كتير :)

المهم الكلام ده كله ملوش لازمة. عايز تبقى سلفي خليك سلفي المهم تبقى مفيد لمجتمعك وناسك وأهلك و..مصر :)

تحياتي :)

Ahmad Badawy يقول...

هو احنا اخوات ولا ايه ؟؟؟ ههههههه
أنا بقى كنت سلفى شوية و اخوانى شوية
عشان بحب القراية كنت مانع نفغسى من كل حاجة الا كتب التفسير و بعد كتب كتير جدا حسيت أن فيه حاجة غلط ... حسيت ان اللى بيفسروا بيقولوا كلام متناقض و مليان تحيز

و لقيت كمان تفسيرات قديمة مش مشهورة دلوقتى لأنها لو اتعرفت الناس حتكفر لأنها حاجات العلم أثبت أنها غلط

المهم أنا الحمد لله بقيت مؤمن بالله و بحاول أعمل اللى يرضيه و بدافع عن الحرية على قد ما أقدر

و لما جيت هنا حسيت كأن الكلام ده أنا اللى كاتبه بالضبط

مش بقول لك اخوات يابنى :)

بجد أتمنى صداقتك يا أحمد

نجاة يقول...

(ادخلو في السلم كآفّة)

أحمد منتصر يقول...

أحمد بدوي:

حبيبي :)

أنا أضفتك الصبح ع المسنجر على فكرة ويشرفني نكون أصدقاء ويسعدني جدا :)

ما أنا لما دخلت عندكم عرفت إنك كنت سلفي ولما شفت أيمن نور قلت يا سلام وكمان بيحب أيمن نور

فرصة سعيدة أوي والله يا باشا

تحياتي :)

أحمد منتصر يقول...

نجاة:

يا أختي الكريمة اكتبيها صحا رجاء:

(ادخلوا في السِّلم كافة).

تحياتي :)

أبومعاذ يقول...

الأخ الفاضل/أحمد منتصر
السلام عليكم ورحمة الله وبركاته
أولاً: جزاك الله خيراً على صراحتك فى موضوعاتك
ثانياً: لقد قال النبى صلى الله عليه وسلم إن الله لينصر هذا الدين بالرجل الفاجر
ولا تظن أنى أقصدك ولكن لى غرض فى ذكر هذا الحديث وهو أن تعرف أن هذا الدين يقدر الله عزوجل أن ينتصر له بدون أسباب وبأسباب غير متوقعة كنصرة هذا الدين بالرجل الفاجر والرجل الكافر وهذا حدث فى عهد النبى صلى الله عليه وسلم حيث نصره عمه أبو طالب حتى مات
ثالثاً: أدعوك لأن تكون أحد هؤلاء الذين ينصرون الدين مع صلاحهم فلديك من القدرة والوعى الدينى والمعرفة ما لو أحسنت استغلاله فى نصرة هذا الدين لكنت ممن يُسطر الإسلام اسمه كواحد من أنصاره وهذا ما أحبه لك
رابعاً أطلب منك أن نفتح باباً للحوار المفتوح حول السلفية بإجابياتها وسلبياتهاوأول من يبدأ هو أنا :أسأل ما هو تعريف السلفية؟ وأطلب من حضرتك أن تجيب من خلال فهمك لهذا التعريف وأنتظر إن شاء الله ردك أخوك أبومعاذ.

أحمد منتصر يقول...

يا هلا يا أخي أبا معاذ

وعليكم السلام ورحمة الله وبركاته

السلفية هي مدرسة فكرية تعتمد على الدليل النقليّ من القرآن والسنة

السلفية هي توحيد واتباع وتزكية

السلفية هي مذهب اجتماعي جيد. يصلح للتطبيق في المجتمعات الصغيرة كالعربية السعودية مثلا. ولكنه لا يصلح لمجتمع فيه تعددية مذهبية مثل المجتمع المصري ومنفتح على الثقافة الغربية

تحياتي :)

أبومعاذ يقول...

الأخ الفاضل /أحمد منتصر
والذى أسأل الله عز وجل أن ينصره يوم القيامة
السلام عليكم ورحمة الله وبركاته
جزاك الله خيراً على استجابتك لتعليقى والمناقشة
أولاً :آسف جداً فلقد عَرَّفتَ السلفية بذكر قواعد المنهج السلفى : (الاتباع والتزكيةوالتوحيد والاعتماد على القرآن والسنة )وقد يصح هذا التعريف ولكن لكى يكون سؤالى أوضح أعود بقولى على بدئى وأقول ما معنى السلف لغةًوشرعاً؟أى من هم السلف شرعاً واصطلاحاً؟
وبعد الإجابة سنعود إن شاء الله .
بارك الله فى عمرك وحفظك من كل سوء
أبومعاذ

أبومعاذ يقول...

الأخ الفاضل /أحمد منتصر
والذى أسأل الله عز وجل أن ينصره يوم القيامة
السلام عليكم ورحمة الله وبركاته
جزاك الله خيراً على استجابتك لتعليقى والمناقشة
أولاً :آسف جداً فلقد عَرَّفتَ السلفية بذكر قواعد المنهج السلفى : (الاتباع والتزكيةوالتوحيد والاعتماد على القرآن والسنة )وقد يصح هذا التعريف ولكن لكى يكون سؤالى أوضح أعود بقولى على بدئى وأقول ما معنى السلف لغةًوشرعاً؟أى من هم السلف شرعاً واصطلاحاً؟
وثانياً:بعد الإجابة سنعود إن شاء الله .
بارك الله فى عمرك وحفظك من كل سوء
أبومعاذ

أبومعاذ يقول...

الأخ الفاضل /أحمد منتصر
السلام عليكم ورحمة لله وبركاته
أتمنى مشاركتك فقد غبت عن مدونتك وهذا لا يليق بمثلك فلا أحب أن أشعر بعدم اهتمامك بمدونتك فإ ن الجاد لا يهمل عمله أو فكره وهذه المدونة هى نتاج فكرك فلا ينبغى عدم الاهتمام بها أو اهمالها واهمال الردود على المشاركين
ولقد اتفقنا ضمنياً بإجابتك على سؤالى ما معنى السلفية وإن كانت الإجابة غير صحيحة على فتح باب للحوار المفتوح حول السلفية فما زلت أنتظر ردك وتعريف السلفية .!
كما أود مشاركة كل من يحب معرفة حقيقة السلفية كمنهج وكأهداف وقواعد من خلال هذا الحوار
بارك الله فى عمرك ونفعك ونفع بك المسلمين
آمين
أخوك المحب / أبومعاذ

أبومعاذ يقول...

الأخ الفاضل /أحمد منتصر
السلام عليكم ورحمة الله وبركاته
أحييك على عدم تواجدك وعدم الرد على مشاركاتى وأطلب منك الرجوع إلى منهج السلف وترك العلمانية فإنه خيرهدي كما قال النبي صلى الله عليه وسلم وخير الهدى هدى محمد