الخميس، 28 فبراير، 2008

دعوة مشبوهة

Image hosted by servimg.com
كلمتين في الجون

شاهدت منذ قليل على واحدة من قنواتنا المصرية الفضائية الخاصة شابا ملتحيا يمسك ببطانية في فقرة دعائية مطولة يتحدث فيها الشاب عن جودة البطانية وسعرها ومدى ما توفره من تدفئة في أواخر الشتاء!.
بالطبع أنا لست ضد ذلك الشاب. ولا شركته. ولا منتجاتها من البطاطين والملاءات والأسرّة. ولكني أدعو إلى التساؤل عن السبب الذي يدعونا ونحن في زمن العولمة وعلمنة الدولة إلى أن نستعين بشخص ذي لحية طويلة جدا في عرض منتج أيا كان؟. أليست هذه دعوة إلى التدين الكاذب. والسلبي. والظاهري؟.

أحمد منتصر
في
ذي الحجة 1428

هناك 6 تعليقات:

غير معرف يقول...

يا احمد دع الخلق للخالق

لية بتحكم على اللحية على انها بقت علامة على التدين
ومش نعتبرها حرية شخصية الى عايز يربيها يربيها والى عاوز يحلقها هو حر

جوجو

Ahmed يقول...

يا عم جوجو أنا شايف إن في حاجة بالدنيه اسمها ستيريوتايب / يعني الشكل العام المتخصص بالعربي ..

يعني الواد اللي ما بيلبسش إلا أحمر بيشجع الفريق الفلاني والبنت اللي لابسة نقاب دي بنت مسلمة أكيد والست الكبيرة بالعمر اللي مش محجبة غالبًا مسيحية ..

دول اسمهم ستيريوتايب .. ولما تكون عاوز تلعب بفكر شريحة معينة من الناس (وهم بالمثال اللي حطه أحمد منتصر الناس المتدينة /نص الشعب العربي على الأقل) تحطلهم شكل معين يلمح للستيريوتايب بتاعهم .. هيقدروا يرتبطوه بيه ..

دي وسيلة إعلانية معروفة عالميًا .. بس بالعالم كله بيعملوا كده بإنهم يطلعوا بنت صغيرة بالسن لابسة هدوم باليه لما يكونوا عاوزين يعلنوا عن نوعية معينة من الملابس مثلاً .. أو راجل رياضي زي زيدان مثلاً لما يكونوا عاوزين يعلنوا عن الجزمة الجديدة بتاعة أديداس .. عندنا بس بيستخدموا الدين كوسيلة إعلانية :)

أحمد منتصر يقول...

جوجو:

لأنها فعلا بقت علامة على التدين :)

لكن إللي أنا بنقده فعلا ظهور واحد ف إعلان عن بطانية بدقن. أكيد الدقن ليها دلالة. يعني لو واحد بدقن مينفعش؟.

وبعد كده لو ظهرت واحدة بتعلن عن بطانية من غير حجاب الناس مش حيشتروا منها!

تحياتي :)

أحمد منتصر يقول...

أحمد رمضان:

تعليقك أكبر من الموضوع يا عم!. ينفع كده؟ :)

تعليقك حلو أوي وحلوة حكاية ستيريوتايب دية :)

فعلا بعد كده لو عايزين المسلمين يشتروا حاجة نخلي واحد شيخ يعلن عنها :)

وبالمثل لو عاوزين المسيحيين يشتروا حاجة نخلي واحد قسيس يعلن عنها :)

الإعلانات حاجات اجتماعية ليها دلالات مخيفة

تحياتي :)

jehan يقول...

يا عم احمد معاك ان فى ستيريوتايب ومتأصل فى الشعوب العربية بالذات
بس فى حاجة اذا كان الفكر دة متأصل عندنا واحنا عارفين انة غلط لية مش نغيرة ونبدء احنا نغير الفكرة دى ونبدء نتعامل مع الوضع من وجهة نظر محايدة .

احمد منتصر انا معاك ان الشخص الملتزم بيبقى لية مصدقية بمجرد انك تعرف انة ملتزم دينيا بتطمنلة حتى وان كان نصاب .
بس الى اقصدة خلينا نكون محايدين او بمعنى اصح خلينا فى نفسنا ومالناش دعوة بالى يربى دقنة والى يشيلها واذا عجبنا منتج نشترية بغض النظر عن الى بيبيعة اذا كان بقى متدين او غير

أحمد منتصر يقول...

جوجووووووووووو:

ست الكل :)

أصل الناس فاكره إن الملتزمين دينيا هما خير الناس وراجعي مقالة:
هل الملتزم دينيا هو خير الناس؟
حتلاقيها في: ثبت بكل ما كتبته في نقد السلفية

عايز أقول إن ممكن الواحد يبقى بتاع بنات وسلعته تمام :)

ولا إحنا عايزين ننفع بس الملتزم دينيا؟

كده يبقى تفكيرنا ديني بقى :)

تحياتي :)