الأربعاء، 27 فبراير، 2008

التحرشات الجنسية بالإناث

Image hosted by servimg.com
Image hosted by servimg.com
كلمتين في الجون

عودة لمواضيعنا الظريفة اللطيفة!. يعتقد كتير من الشباب إن معاكستهم للبنات بالكلام ليس من باب التحرش الجنسي بالإناث. وده اعتقاد غلط. لإن التحرش هو التعدي والتدخل ف شئون الغير. لكن طبعا القانون فرّق ف العقوبة إن كانت معاكسة بالكلام بس ولا امتدت إلى تحرش باليد.
وكتير من الشباب برضه عندهم اعتقاد خاطىء ألا وهو إن مدام البنت لابسة من غير هدوم يبقى حلال يا بني حلال إللي حتعمله فيها!. يا سلام أمال فين حرية البنت الشخصية؟. طيب إنت يا شاب يا إللي ماشي ف الشارع ترضى إن واحد مثليّ يتحرش بيك وإنت ماشي؟.
ومن الاعتقادات الخاطئة أيضا وهيا إللي بيروّج ليها الإسلاميين بنزق إن الفصل ما بين الجنسين حيمنع التحرشات الجنسية ف وسائل المواصلات والأعياد والأسانسيرات!. وده ف رأيي حيؤدي صحيح إلى منع التحرشات الجنسية ولكن حيؤدي إلى زيادة حالات الاغتصاب الوحشي وزنا المحارم بشكل جنوني مسعور!.
عشان كده الحل الصحيح هو فتح باب الحرية الجنسية برضا الطرفين قبل الزواج. وراجع مقالة (الحرية الجنسية: الحل الأمثل لجرائم الاغتصاب). وكذلك التوعية المستمرة بحقوق الإنسان واحترام الحريات الفردية. وتثقيف الشباب من الجنسين جنسيا. ما عندك أهيه المدن الساحلية المصرية زي شرم الشيخ. ما الناس هناك لابسين من غير هدوم لكن عمرنا سمعنا عن مصري اغتصب أنثى هناك؟. ده لإن الشباب إللي هناك مثقف من الناحية ديا..ومتعوّد!.

أحمد منتصر
في
ذي الحجة 1428

هناك 18 تعليقًا:

Ahmed Al-Sabbagh يقول...

صديقى واخى العزيز احمد منتصر

احيك على المقال الجميل

وانا اتفق معك

كنت فى الاول اعتقد ان الفصل بين الجنسين فى التعليم هو السبيل لبناء شباب محترم والقضاء على التحرش

لكن الكلام ده مش صح اوى

اظن انه بيعمل كبت مش اكتر وانا لاحظت ده فى اصدقائى وصديقاتى اللى درسو فى بعض اماكن اللى بتفصل بين الجنسين

لكن بردو

ما ننساش اننا فى مجتمع شرقى المفروض محافظ

فلما ممثلة او مغنية او فتاة عادية تلبس لبس اباحى وتمشى

يعنى ده تشجيع واضح للتحرش

ولا ايه ؟

تحياتى

أحمد الصباغ

أحمد منتصر يقول...

أحمد الصباغ باشا:

شكرا على مدحك للمقالة :)

وأنا مكنتش برمي لحادثة تحرش السفلة بمروى الرقاصة :)

ده من أسبوع ف نادي طنطا عندنا واحدة جميلة لابسة ميني جيب وجزمة بوت وشراب شبه سميك الشباب صوروها واتحرشوا بيها :)

لأ وإيه؟ الأمن طلب منها المغادرة!! العب :)

وهيا من وجهة نظري لابسة محترم جدا :)

المشكلة إن البنات إللي بتغطي نفسها بتخلي دايرة اهتمام الشباب متركزة على مجموعة محددة من البنات إللي هما مش محجبات. والمجموعة دي عددها بيقل يوما بعد يوم :)

تحياتي :)

kareem azmy يقول...

ههههههههههههه
يا واد بقى المثليين بيتحروشوا بالشباب ؟ ماشي يا عم

عموما انا متفق معاك ان الحرية الجنسية هي الحل الامثل للقضاء على الاغتصاب و التحرشات و كده

المهم ربنا يكرم الجميع

أحمد منتصر يقول...

كيمووووووووووو:

والله بتكلم عامة. هع هع :)

ربنا يكرم الجميع فعلا وشكرا ع التعليق :)

تحياتي :)

إيهاب رضوان يقول...

تحياتى أحمد
أرجو أن توضح ماذا تقصد بفتح باب الحرية الجنسية بموافقة الطرفين ؟
اقرأ لى : التوت المحروق .

جميز يقول...

ايه المقصود بـ فتح باب الحرية الجنسية ؟ جنس بدون زواج يعنى ؟

تحياتى

أحمد منتصر يقول...

إيهاب رضوان:

قرأت التوت المحروق بالفعل عدة مرات وهي قصة لا تنسى بسهولة :).

أقصد بفتح باب الحرية الجنسية للجنسين قبل الزواج: حرية ممارسة الجنس وعدم كبت الجنسين وراجع للأهمية مقالة:
الحرية الجنسية: الحل الأسهل لجرائم الاغتصاب

أحمد منتصر يقول...

جميز:

راجع مقالة: الحرية الجنسية: الحل الأسهل لجرائم الاغتصاب

http://ahmedmontaser.blogspot.com/2007/12/blog-post_8541.html

أحمد منتصر يقول...

طيب التعليق ده المفروض يبقى ف مدونة أستاذ إيهاب رضوان :):

هذه الخاطرة شجية جدا قرأتها زمان في شبكة روايات :)

بالفعل كنت أكتب أنا أيضا وأنا صغير ثم انقطعت عدة سنوات بسبب التفكير السلفي عن الأدب

ثم عدت منذ فترة بحزم شديد لتعويض كل ما فاتني للأسف :)

بالفعل أخاف أن أصل إلى مرحلة الاكتمال المرعب هذه فأرى كا ما أكتبه وكتبته تافها

الله يستر :)

هنيئا لك ولنا عودتك إلى عالم الأدب يا أستاذ إيهاب. هنيئا :)

تحياتي :)

ملحوظة: غير خيار التعليقات من قائمة إعدادات إلى الفتح في نافذة مستقلة لأن خيار النافذة المنبثقة متعب جدا ويقلل من عدد التعليقات :)

مشتاق لله يقول...

الاستاذ احمد منتصر مقال جيد اعتقد انه لايمكن ان تصل الي اي نتيجة طيبة الا بالوصول الي قلوب الناس لازم تفهم الناس القناعات مش تقتنع وبس ولك التحية

أحمد منتصر يقول...

مشتاق لله:

أخي العزيز وجهة نظري ومبرراتها ومميزاتها معروضة في مقالين كاملين :)

مشتاق لله يقول...

اخي احمد حاول دراسة الموضوع بمسؤلية اكبر انت تعرض حل قام الغرب بتجربته دون فايده وعندك النمسا والنرووج اكثر دول اوربا حرية جنسية حتي انهم يباركوا علاقة الاب وابنته اوالعلاقات الشاذه وللاسف هما اكبر دول في تسجيل حالات الاغتصاب والقتل والدعاره الغير مقننة -احترم رايك بس اعتقد انك مش قادر تفرق بين حكم الله الواجب ان يطاع وبين فتوي الاسلاميين -الحل في هذه المشاكل الحدود الاسلاميه-اضافة الي تسهيل الزواج علي الشباب -شكرا لانك سمحتلي بالدخول

أحمد منتصر يقول...

مشتاق لله:

أخي العزيز مقالاتي نابعة عن تفكير عميق وليست خبط لزق :)

قناعتي الشخصية أن الشخص سواء كان ذكرا أو أنثى لا يستطيع العيش بدون ممارسة الجنس فترة طويلة :)

تسهيل الجواز في مصر مشروع فاشل وراجع مقالة:
الحرية الجنسية: الحل الأسهل لجرائم الاغتصاب

وبالنسبة لتطبيق الحدود الإسلامية فهي تنتفي بالشبهات. والحاجة الماسة. والشباب مكبوت في مصر أشد ما يكون الكبت :)

كما تحترم رأيي أحترم رأيك بالتأكيد :)

أهلا بالجميع :)

تحياتي :)

غير معرف يقول...

واضح يا احمد ان انا هتخانق فى المقالة دى

انت بتقول حرية ممارسة الجنس قبل الزواج هى الحل الامثل للقضاء على التحرش
انا مش هدخل فى نقطة انها حل بس هدخل فى نقطة تانية وهى ان معنى ممارسة الجنس بدون زواج معناه انةزنا ودة من المحرمات ولا انت اية رائيك ولا غلطانة ؟

جوجو

أحمد منتصر يقول...

جوجو:

أصل الكلام ده بيقود إلى تحليل الحرام وتحريم الحلال :)

وده وقع فيه العلمانيون المتطرفون دون أن يدروا وده موضوع كبير عشان العلمانيين بيقعدوا يفسروا ف النص الديني لحد ما ييجي على مزاجهم :)

طبعا الزنا لا يجوز دينيا :)

تحياتي :)

ali el king يقول...

انت ياللى اسمك منتصر قولتلك حل الخطأ بالخطأ ده مسموش حل زى اللى جه يكحلها يعميها هتستفيد ايه اما تشيع الرزيله فى المجتمع والتشجيع على حاجه حرام اصلا كده انت دخلت فى دائرة الحظر الدينى فين الامر بالمعروف انت بتنصح او بتأمر بالمتلوف دلوقتى اما تبقى زى هولندا مثلا دوله فى قانونها لا يحرم ممارسة الجنس مع الاطفال ولا فى لاس فيجاس مسموح بممارسة الجنس فى الشوارع وفى الاخر تحقق برضه اكبر معدلات جريمه اوغتصاب ده كله ناهيك عن تجارة الرقيق والدعاره المنظمه ومافيا الجنس والى اخره ليبراليتى تمنعنى منالمهاجمه الواضحه والصريحه والشرسه ولكن تجبرنى ان اوضح مزايا ومساوئ ما تقول وللاسف لا مزايا سؤال عشان تقضى على البانجو لولبيا كده زى ما انت عايز تقضى على الاغتصاب هتعمل ايه الوحل بالنسبالك يعنى ممكن يبقى عامل ازاى ؟ نوفر للمدمنين سندوشتات حلاوه بالقشطه ؟

egypt google يقول...

لا حول والا قوة الا بالله ياخى اتقى اللة وماتقولش عليا اخوان وعامل فيها شيخ والكام كلمة دول انا واحد عادى خالص والا ليا فى السياسة وللاسف ضعيف ف الدين واحد وخلاص ومتعلم مش جاهل معايا ماجيستير وكمان فى نظم المعلومات وبقولك كدا عشان مش لاقى مبرر ان تحاول انك تنشر الفساد وتحرض على الزنا بل كمان تحاول انك تنادى بتعميمة بس انا بقى هسالك سوال واحد ولو فعلا انت مؤمن بكلامك ترد علية
انت ترضى ان اختك تمارس الجنس مع واحد صاحبى وطبعا هيبقى قدامك لانو هيبقى عادى (زى الغرب يعنى)
طيب بلاش دى احسن تقول ماليش اخوات بنات تفتكر انك ممكن تقبل فكرة ان امك نامت مع 20 واحد قبل ما تتجوز ابوك؟
طيب بلاش دى كمان احسن تقول وانا مالى
ترضى بقى انك تتجوز واحدة تكون مارست الجنس مع واحد قبلك ممكن يكون اوخوك او صاحبك او حتى ابوك ياريت لما تب تبقى مثقف وتنصح الناس تشوف حاجة تنفعهم بيها وتحاول تبنى مش تهد لان صدقنى اكيد يعنى اللى بيحاول انو يشيع لفاحشة كدا حسابة كبير ووقعتة سودا قدام ربنا

غير معرف يقول...

comment12, [url=http://h2o.law.harvard.edu/user/profile.do?userID=14012]order valium 10mg[/url], %[[, http://h2o.law.harvard.edu/user/profile.do?userID=14012 order valium 10mg, ;-), [url=http://www.ziggs.com/apps/profile/Interests.aspx?uid=139855]order zolpidem no prescription[/url], %[[, http://www.ziggs.com/apps/profile/Interests.aspx?uid=139855 buy zolpidem, :-), [url=http://www.ziggs.com/apps/profile/Interests.aspx?uid=139998]order vicodin[/url], =-], http://www.ziggs.com/apps/profile/Interests.aspx?uid=139998 order vicodin, :-), [url=http://h2o.law.harvard.edu/user/profile.do?userID=14011]buy cheap alprazolam[/url], izc, http://h2o.law.harvard.edu/user/profile.do?userID=14011 order cheap alprazolam, %[[, [url=http://www.chop.edu/forum/user/profile/12410.page]buy zolpidem no prescription[/url], ;), http://www.chop.edu/forum/user/profile/12410.page zolpidem without prescription, :-)