الأحد، 3 فبراير، 2008

راديكالي قديم

Image hosted by servimg.com
كلمتين في الجون

بينما خالتي بتدوّر على بابا نويل لحفيدها الصغير عمّورة سألتْ أحد البائعين فقالها: متعوّديش الولاد ع الحاجات ديا!. وتبيّن أنه راديكالي قديم!.
طول ما إحنا ساكتين ع الناس دولا طول ما هما حيقلقوا راحتنا ويدّخلوا ف حرّيتنا. الحرية شيء مقدس عند العلمانيين. بينما الأمر بالمعروف والنهي عن المنكر شيء مقدس برضه عند المتطرفين نابع من اعتقادهم إنهم وكلاء الصواب المطلق!. فلازم هما يعرفوا كده عنا عشان مش كل شوية الواحد يبقى ماشي ف أمان الله ويلاقي فجأة واحد لابس غترة وبدقن طويلة بيقوله: شيل السمّاعات دي من ودانك الأغاني حرام!. وده حصل معايا وقعدت بعدها أشتم ف إللي قاللي كده!.

أحمد منتصر
في
ذي الحجة 1428

هناك 8 تعليقات:

موجه يقول...

سلام عليكم

لا أدرى يا أحمد..أنا لست راديكالية، أو على الأقل لم-ولا أريد-أصنف نفسي من قبل، ولكني أتفق مع البائع..لماذا أعود أطفالى على مفردات دينية لا تنتمى لعقيدتنا؟ ألا يكفى الدور الذى تلعبه كل الأفلام الغربيةالتى غطت على ثقافتنا؟
بالنسبة للأمر بالمعروف والنهى بالمنكر فلابد أنك تتفق معى على أنه من تعاليم ديننا،ولكن لا أوافق أن يطبق بصورة فجة..أنا عن نفسي لا أعرف كيف يكون التطبيق السليم لذلك تركت هذا الأمر للأسف.

أحمد منتصر يقول...

إزيك يا موجة وعليكم السلام
والله ف رأيي لازم الواحد يصنف نفسه عشان تبقى له مرجعية ثابتة وميبقاش متناقض

بالنسبة لحكاية البائع أنا طبعا ليا تحفظ عل بابا نويل بس مش لدرجة إني أقول للناس بطريقة فجة لأ متشتريش بابا نويل

والأمر بالمعروف والنهي عن المنكر ماشي ف الدين عارف لكن إنك تفرض عليا حاجة أنا مش عايزها يبقى لأ استنى عندك

وعموما بلاش تسمية الأمر بالمعروف والنهي عن المنكر دي ف التعاملات اليومية والاسم الأريح هو النصيحة

شكرا ع الرد القيم والموضوعي :)

موجه يقول...

حسناً..أنا أصنف نفسي بأنى مسلمة سنية :)
الإسم الأريح هو النصيحة؟ لست أدرى..ربما للعلمانيين..لكن للمعتدلين.."الناس العادية"..لن يلاحظوا أصلاً فقط سيهتمون بسماع مضمون النصيحة أو أياً كان الأسم.

أحمد منتصر يقول...

وعليكم السلام يا موجة.
أصل الواحد لازم يختار مرجعية عشان يرتب تصرفاته عليها بعد كده. أنا كمان مسلم سني لكن فين التحديد. بعض الناس تدخلي مدوناتهم تلاقيهم بيلفوا ويدوروا ويكتبوا كلام كتير جدا وف الآخر يطلعوا ملحدين!. طيب ما تقول من الأول يا عم!.
سيبك من التصنيف الفكري. أنا مثلا عربي. بالتحديد مصري. بالتحديد طنطاوي. يبقى أنا كده عربي مصري طنطاوي.
نيجي للتفكير. أنا مسلم. سني. علماني. لكن مسلم سني لوحدها مش مرجعية ف رأيي إلا إذا كنتي بتقولي كده عشان منع التشتت والفرقة بين المسلمين فدي حاجة تانية.

موجه يقول...

ده فعلا نقطة مهم..منع التشتت بين المسلمين فى وقت زى اللى احنا فيه ده..بس كما انا مش علمانية..أنا أظن الدين لازم يتغلل فى حياتك كلها..الأسلام أسلوب حياة مش مجرد دين فى المسجد و بس..و ده على غير العلمانيين بيقولوه..بس عموما أنا مش قادره أفهم سر الإتجاهات الكتيره ده..إحنا ديننا واضح جداً

غير معرف يقول...

اتكلمت عن النصيحة الفوق وعاوز الناس تتقبلها واصلا انت ماتقبلتش اللى نصحك بانك ماتسمعش اغانى هتقول ان هو ماقلهاش باسلوب نصيحه برده انت اتخذها كنصيحه

أحمد منتصر يقول...

ما هيا لو نصيحة أنا مكنتش وجعت دماغي وقلت حاجة

هو قالها بطريقة تحس منها إنه بيفرض عليك طريقة تفكيره

وده مرفوض مطلقا :)

أحمد منتصر يقول...

موجة:

الدين واضح لكن كبير ومتشعب فالتفسيرات مختلفة ومتعددة :)