السبت، 23 فبراير، 2008

كيف نربي أبناءنا: 9) الثواب والعقاب

Image hosted by servimg.com
كلمتين في الجون

ف المقالة التاسعة من الكتاب الدكتور دعا إلى عدم تشغيل الأطفال. وف المقالة العاشرة دعا إلى الخروج من المدينة ليعيش الأطفال ف بيئة نضيفة. وف المقالة الحادية عشرة الدكتور اتكلم عن الثواب والعقاب ف تربية الطفل وقال إنه من المبادىء الأساسية ف التربية بوجه عام.
لكن حذر من إن الثواب ممكن يوصل للإفراط فيؤدي إلى الشر والطمع. عشان كده لازم نحرص على إننا نوفر للطفل جهاز ضبط داخلي خاص بيه الضمير يعني. وإحدى وسائل خلق الجهاز ده فيه هيا الإثابة عن الفعل الصحيح ف اعتدال واتزان والعقاب عن العمل السيء ف عدل وإنصاف.
ولازم لمّا الطفل يعمل حاجة حلوة نشجعه. وممنوع الضرب إلا للضرورة القصوى. وممنوع الإهانة أمام الآخرين. ويُحبذ أن يكون العقاب من جهتيّ الأب والأم زي ما الثواب بيكون منهم هما الاتنين عشان الطفل ما يكرهش مثلا والده عشان هو إللي بيعاقبه لما بيعمل حاجة وحشة وأمه مبتشتركش ف عملية العقاب.
وحذاري من إن العقاب يبقى متطرف حتى يصل عند بعض الآباء المتطرفين ف التربية إلى عدم تقبيل الطفل أو احتضانه!. بل يجب كمان سماع وجهة نظر الطفل ومناقشته فيها قبل العقاب. والعقاب يكون رمزيا زي تقليل المصروف أو تقليل فترة لعبه اليومية. وللحديث بقية أخيرة.

أحمد منتصر
في
ذي الحجة 1428

هناك 4 تعليقات:

Ahmed Al-Sabbagh يقول...

صديقى العزيز أحمد منتصر

تسلم ايدك بجد على البوست الرائع

انا بعشق المقالات اللى من النوعية دى

اللى بتوجهنا لسلوكيات افتقدناها ومحتاجنها اوى

بالذات موضوع التربية ده

تسلم ايدك بجد

واشكرك بشدة

والبانر جميل تسلم ايدك

:)

تحياتى

أخوك
أحمد الصباغ

أحمد منتصر يقول...

إلى أول صديق ليا ف عالم التدوين

وإللي شجعني على التفاعل ف عالم التدوين

وإللي بأدبه ودماثة أخلاقه يخليك تحبه وتحب إللي يحبه

حبيبي أحمد الصباغ باشا

الشكر ليك إنت يا جميل :)

Mahammed Salah يقول...

يسلام ياحمد باشا انتا عت عليا ذكريات جامدة ....
انا اعتقد (فى نظرى انا)ان اساليب التربيه والتوبيخ والنصح للأطفال ثابتين عندنا فى مصر هنا...
تعالا مثلا تلاقى الواحد طول ماهوا صغير قاعد بيسمع
ماتمشيشى حافى فى السقعه
اوعى تقول لحد هاتلى حاجه
بلاش ياخويا واقفه فى الشبابيك والبلكونات
اقفل صدرك
صليت العصر
ماتتأخرشى بعد المدرسه..تعد تصيع مع اصحابك......ودى نصيحه جامده هتسعدك بعد ماتجوز عشان تبقى راجل من البيت للشغل
والله مانتا فالح وادى دقنى اهه
ادى اللى انتا فالح فيه
لوفلحت ابقى تعالى....على قبرى (ايه الخيال دا)!!!!
ماتلبسشى القميص على اللحم زى العيال الصيعه
ربنا يهديك ربنا يهديك
لازم تقعد فى اول صف قدام السبورة....ودى تعلمك انك دايما تبقى فى المقدمه
ومالها كتب الوزارة....حلوة وزى الفل
لو شفت خناقة مالكشى دعوة بيها..






وكتيييييير أوى......
تحياتى أحمد باشا وأنا هكون سعيد لو اتقبلنا

أحمد منتصر يقول...

حبيبي محمد صلاح باشا :)

شكرا على ردك إللي خلاني أنا كمان أفتكر حاجات زيها

وأنا إيميلي أهوه ضفني ونتكلم وليا الشرف إننا نتقابل بشرط تعزمني على علبة كنز عشان بقالي كام يوم مشربتش كنز :)

ammymsi2007@hotmail.com