الثلاثاء، 19 فبراير، 2008

كيف نربي أبناءنا: 6) عالم سحري

Image hosted by servimg.com
كلمتين في الجون

الدكتور اتكلم ف المقالة السادسة عن عالم الأطفال السحري إللي هو مجلات الأطفال. وقال إن قراءة صفحة واحدة من مجلة للأطفال تؤثر على الطفل زي قراءة صفحة من كتاب مدرسي بمقدار عشرة أضعاف!. لإن المعلومة ف مجلة الأطفال بتدخل عقله باختياره بينما ف الكتاب المدرسي بتدخل عقله بالإكراه!.
ولفت نظرنا إلى قلة المجلات المصرية لكن عموما المجلات العربية أفضل زي ماجد والعربي الصغير. ومن الجميل أوي إننا ندي أطفالنا مصروف إضافي لشراء مجلاتهم المفضلة. لكن يعيب الدكتور على بعض المجلات المخصصة للأطفال حاجات منها: تقليد بعض المجلات الغربية ف التسميات والمحتويات. وقلة المعلومات الدينية زي الشخصيات الدينية التاريخية كالأنبياء والكلام عن الأخلاق المجيدة زي الإحسان واحترام الآخرين. ولازم نهتم ف مجلات الأطفال بتاعتنا باللغة العربية الفصحى ف المقالات والقصص النثرية. عشان أطفالنا يكونوا فاهمين لغتهم الجميلة وميجليش واحد يقوللي (بغتة) ولا (أحجى) ولا (سليل) ولا (بتؤدة) يعني إيه.
وأخيرا لازم المجلات تهتم بإشراك الطفل ف تحرير صفحاتها عن طريق نشر رسائلهم -وأنا زمان كنت بجيب مجلة علاء الدين خصيصا عشان كانت بتنشرلي كتير- ورسومهم. وصورهم وتصاويرهم. ومقابلاتهم مع بعض الشخصيات. والمعلومات إللي بيبعتوها. وللحديث بقية.

أحمد منتصر
في
ذي الحجة 1428

هناك 6 تعليقات:

Dr. Kafy يقول...

هيه
أخيرا عرفت أكتب تعليق عندك

ممتاز قوى الموضوع اللى بتتكلم فيه تربية الأبناء تساوى مستقبل البلد

علشان كده قرأت عن كاتب أطفال يهودى كان يشرح أهمية الكتابة للأطفال حتى يقوموا بواجبهم نحو دولة إسرائيل و أن كتابة القصص خاوية المعنى التى بلا هدف خطر فى حق الدولة

أحمد منتصر يقول...

هع هع المشكلة دية مبهدلاني ف عدد التعليقات :)

شكرا ع التعليق

عصفور المدينة يقول...

السلام عليكم بخصوص التعليقات
ممكن تظبطها من قائمة
إعدادات
تعليقات
إظهار التعليقات في نافذة منبثقة؟
نعم لا
خليها لا أفضل عشان البراوزر ساعات بيعمل مشاكل

أحمد منتصر يقول...

وعليكم السلام همممممممم

خلاص نغير الإعدادت

شكرا يا عصفوري :)

ronel_elswda يقول...

موش معقول ..
أسلوبك أتقدم جدا ياأحمد والله يتكلم جد .. انته ياولد ماتتخلاش عن أسلوبك ده وأستمر وأعرف أن ليك ان شاء الله مستقبل وهاتشغل حيز فى عالم الأدباء بعون الله ..
مدونتك شيقة جداااااااااا وبتفتح مجالات كتير للنقاش ..

هااتابعك بأستمرار إن شاء الله

أحمد منتصر يقول...

رونيل:

إنتي فين يا بنتي لعل المانع خير؟

حاسس إنك بتشتغلي ف بقالة ولا حاجة :)

وحشتني لغتك الغريبة وتدويناتك غريبة الأطوار :)

الله يخليكي ما أنا بقيت كاتب خلاص امشي :)

ويا ريت تتابعيني..ده يشرفني

تحياتي :)