الاثنين، 25 فبراير، 2008

كيف نربي أبناءنا: 10) الهوية المصرية

Image hosted by servimg.com
كلمتين في الجون

ف المقالة الثانية عشرة الدكتور اتكلم عن الهوية المصرية إللي لازم نزرعها ف نفوس أطفالنا المصريين. ومظاهرها: زي لبس الجلابية للذكور. والحرص على أداء صلاة الجمعة. والحرص على الأكلات الشعبية الجميلة زي الفول والطعمية والكشري. والمشروبات التحفة زي قصب السكر والسوبيا والعرقسوس والكركديه.
وعشان نخلي أطفالنا يقبلوا على الأكلات الشعبية لازم أصحاب المطاعم يعملوا مطاعمهم الشعبية على مستوى عالٍ من النضافة والتنسيق واللمسات الجمالية ويعملوا زي موحد للعمال وموسيقى هادية ف أرجاء المطعم.
كما يجب تنفير الأطفال من الملابس إللي بتحمل شعارات أجنبية مناقضة لهويتنا زي النازية والكلمات الصينية. ومنعهم من لبس ملابس عليها أعلام دول تانية.
وعموما إن عودة الهوية المصرية لا تكون بمثل هذه الأعمال السطحية ولكن بالنهل من نبع الحضارة المصرية العريقة بأطيافها المختلفة: القديمة والقبطية والإسلامية في شتى مجالات الحياة، وتطويرها.
وف المقالة الأخيرة من الكتاب الدكتور اتكلم عن الالتزام بالمواعيد. وقال إن عدم الالتزام بها ف مصر بقى مرض قومي متوطن!. وإن الالتزام بالمواعيد جزء من المثالية. والالتزام بالمواعيد هو سمة المجتمعات الصناعية المتقدمة بعكس المجتمعات الزراعية المتأخرة وإللي بتحدد مواقيتها بالمواسم.
وف نهاية هذه السلسلة التربوية أرجو إني أكون قد وُفقت ف تقديم معلومات مفيدة للآباء وبالتأكيد سنظل نعيد ونزيد ف موضوع التربية لأنه مسألة أمن قومي بالغة الأهمية. تمت.

أحمد منتصر
في
ذي الحجة 1428

هناك 7 تعليقات:

عصفور المدينة يقول...

جزاك الله خيرا وأنا متابعها كلها أولا بأول لعلمك

أحمد منتصر يقول...

وجزاكم

وأنا على فكرة متابع لمدونتك بس تعليقاتي ع المدونات الإسلامية مش كتيرة عموما

:)

kareem azmy يقول...

ههههههههههههه
عجبني قوي المقال الأخير ده
زرع الهوية المصرية

مش عارف ليه عندي احساس انه كلام ابن عم حديت
بالضبط زي الكلام اللى الولاد بياخدوه ف المدارس

يا عم سيبك
و النبي انا نفسي حد يعمل استفتاء كده للشعب المصري
و نسأله لو لم تكن مصريا لوددت ان تكون ايه
و نحطله كام اختيار كده
يعنى مصريا / كوريا / صينيا / يابانيا / امريكيا / او حتي ليبيا

و لو سألتك انت مصري ، قولي مصري ابن مصري ابن نصر الله عليه
قولها بأعلى صوتك

انا بحب مصر طبعا

تحياتي
كريم عزمي

أحمد منتصر يقول...

كيموووووووو :)

نورتني

ما هو لازم نحافظ على هويتنا المصرية دينيا واجتماعيا وشكليا عشان دي مسألة أمن قومي لو غضينا الطرف عنها حنلاقي ولادنا انقلبوا علينا ف يوم من الأيام

:)

جميز يقول...

حفاظنا على هويتنا المصرية شىء مهم جدا طبعا , و خصوصا امام الظروف العجيبة لتغريبه , سواء كانت الظروف دى مقصودة أو لأ , لكن فى حالة تربية أو زراعة الهوية دى , لازم يكون مصاحبها كتير أوى من الافعال

تحياتى

أحمد منتصر يقول...

جميز

صحيح عندك حق

وربنا يقدم ما فيه الخير :)

غير معرف يقول...

بلدياتي

أحمد منتصر

شرفت بك وبوجودك بمدونتي

شكرا لك

خالص ودي

رباب كساب