السبت، 9 فبراير، 2008

كيف نربي أبناءنا: 1) أجمل الأسماء ومعانيها

Image hosted by servimg.com
كلمتين في الجون

كتاب (كيف نربي أبنائنا؟) للدكتور سعيد إسماعيل علي ضمن سلسلة كتاب اليوم الطبية عدد 279 في ديسمبر 2007 كتاب مهم جدا لحديثي الزواج.
ف المقالة الأولى منه الدكتور اتكلم عن أهمية اسم الطفل ووجوب التحرّي ف اختياره وارتباط اسم الطفل بيه بعد ذلك لما يكبر وتأثيره عليه. وأنا ليا بحث بعنوان (أجمل الأسماء ومعانيها) شايف إن الفرصة مواتية لإعادة نشره على الوصلة ديا:
وملحوظة: أنا كتبته لما كنت لسه سلفي فمحدش يستغرب طريقة العرض والأسلوب يعني. وأنا شايف إن إعادة نشر البحث بتاعي هيا أنسب طريقة للتعليق على المقالة الأولى ف الكتاب.

أحمد منتصر
في
ذي الحجة 1428

هناك تعليقان (2):

نورس أبيض يقول...

المدونة حلوة
بس كنت عايزة أقول لحضرتك حاجة,
الجو العام للمدونة ينحصر في مجال واحد أوحد و هو ندم حضرتك علي مرحلة من حياتك ...
كل المواضيع في فلك واحد بس,
يمكن الفترة دي ضايقتك و كرهتها جدا بس
اذا كانت مالية فكرك سابقا حبا,فدلوقتي هي مالياه كرها , لو ندمان عليها بجد اطردها بقي , بعدين متخليش كرهك ليها يكرهك في الحاجات الصح اللي بيعملوها , مهما كانت أخطاؤهم فهم بيصلوا الصلاة علي وقتها و بيغضوا بصرهم ..و معظمهم ناس علي نياتهم قوي
عارفة اني طولت قوي بس عشان من خلال مدونتك (أحمد منتصر ) نتعرف علي أفكار (أحمد منتصر) و الا كنت تسميها (مدونة ضد السلفية)
شكرا و أتمني أشوف لك مواضيع أكتر

أحمد منتصر يقول...

شكرا أيتها النورس الأبيض على الحضور والإطراء والقراءة.

لكن أحب أقولك إني اتكلمت ف حاجات كتير تانية غير السلفية. زائد إنه معروف إن أغلب كلام الكاتب بيبقى لإما الترغيب ف حاجة لإما الترهيب منها.وبعدين السلفيين بيتكلموا كتير أوي لو متابعاهم ف المذاهب الأخرى: كتير أوي. فلما الواحد كل شوية كده يضرب مج كابتشينو مع مقالة ضد السلفية فمش حكاية يعني. المسألة وما فيها إنه تصادف إني قريت مقالة لواحد سلفي بيشتم ف العلمانيين فوجب الرد وكانت منشورة مقالتين قبل الرد سالف الذكر ضد السلفية فإللي داخل المدونة جديد حيقول: إيه ده؟ هو موراهوش غير السلفيين.

وبالنسبة لمزايا السلفيين فهيا معروفة!..وهما مش محتاجين واحد علماني يشكر فيهم ويقول دول بيصلوا. دول ناس طيبين. دول فلة شمعة منورة!.
طب ما إحنا بنصلي. وناس طيبين. وفلة برضه شمعة منورة. وبعدين أكرر أنا مش ضد السلفية بالمنع أنا برصد أخطاءهم وهما عليهم يصلحوا من نفسهم أو ييجوا يناقشوني. وأنا مقولتش متبقوش سلفيين. لكن ف نفس الوقت بقول إن السلفي ده واحد متخلف ورجعي. وكل واحد حر ف تفكيره ورأيه.

أشكرك :).