الأربعاء، 30 يناير، 2008

السلفية غير صالحة لمصر

Image hosted by servimg.com
كلمتين في الجون

السلفية منهج غير قابل للتطبيق في مصر. تخيل معايا شاب جامعي حاول يبقى سلفي: حياته حتتغير رأسا على عقب. يعني مش حيروح الكلية عشان يعرف يغض بصره. يعني مش حيعرف بنات. يعني مش حيعرف مسيحيين. يعني الدين بالنسباله حيبقى دراسة مش تطبيق. يعني حيتنكر لأبويه والناس الكبار عشان جهلة ومش فاهمين حاجة ف الدين على الطريقة السلفية.
السلفية منهج فكري زيه زي أي منهج فكري آخر ينفع يطبق ف حتت معينة ومينفعش يطبق ف حتت تانية كتير. ينفع يطبق ف أزمنة غابرة ومينفعش يطبق ف الأزمنة الحديثة. ينفع يطبق على ناس بدويين ومينفعش يطبق على الناس العقلانيين. السلفية غير صالحة لمصر!.

أحمد منتصر
في
ذي الحجة 1428

هناك 6 تعليقات:

maii bahaa يقول...

السلام عليكم

إذا انت مع الوسطية..وعدم التشدد
وبالبلدي كده طالما الواحد ماشي صح ومراعي ربنا في الخفاء والعلن وبيطبق حسن الخلق فعلا..يبقى يعيش ويتعايش مع مجتمعه..مش كده..
البوست بتاع أزمة منتصف العمر لفت انتباهي..انت سنك صغير على التفكير في هذه الفترة..ولا بتحب تعمل حساب للزمن؟
:)
تحياتي

أحمد منتصر يقول...

وعليكم السلام إزيك يا مي؟

أنا اجتماعيا آه وسطي الحمد لله

وبالنسبة للبوست بتاع أزمة منتصف العمر فأنا دايما بحب أبص لقدام :)

أهلا بيكي

mo'men mohamed يقول...

السلام عليكم و رحمة الله وبركاته

موضوع جميل وانا ملاحظ ان معظم المدونات اليومين دول بيتكلموا عنه
بس فى الاول كده أحب أعترض معاك فى جزئية صغيرة ( وده من حقى )
انت قلت ان السلفية مجرد فكر يصلح للتطبيق فى مكان و أخر لا
وهنا وجه الإعتراض
ونأتى أولا ونقول ما هى السلفية ، أو بمعنى أصح ما هو المنهج السلفى
انا سلفى ، وانت سلفى ، وكل مسلم يتبع سنة النبى صلى الله عليه و سلم سلفى
والسلفية ليس مجرد فكر بل هى منهج و دعوة
ذاك هو مجمل التعريف بالسلفية
نأتى بعد ذلك الى الجماعة التى تطلق على نفسها أهل السنة والجماعة (( السلفية ))
تلك الجماعة للأسف هى أول من وضع فى أذهان الناس أن من ليس منهم فهو ليس بسلفى وهذا خطأ وقع فيه الكثيرون
وزى ما حضرتك قلت (( مش حروح الجامعة و أصبح إنطاوئى ووووووو.....))

ومش ده الإسلام
الإسلام كما هو دين فهو دنيا (( وابتغ فيما آتاك الله الدار الآخرة ولا تنسى نصيبك من الدنيا))
أما ما تراه الآن من بعض ولنقل أغلبية الشباب الملتحى الذين يطلقون على أنفسهم جماعة السلفية فليس سوى جهل بأمور الدين و عدم إستيعابهم لشمولية الإسلام ولنقل بمعنى أصح أنهم لم يتربوا ( تربية إسلامية صحيحة) على الرغم من كم المادة العلمية التى يملكونها ولكنهم للأسف لا يعملون بها ورحم الله الشيخ الغزالى و كان صادقا عند وصفهم بفقهاء المراحيض
جزاكم الله كل خير أخى
السلام عليكم

أحمد منتصر يقول...

وعليكم السلام فعلا يا مؤمن

تصحيح الآية بس: (وابتغ فيما آتاك الله الدار الآخرة ولا تنس نصيبك من الدنيا)

وشكرا على ردك القيم والموضوعي

وعليكم السلام

AMRMAX يقول...

بالرغم من انى يسارى اجد نفسى بالضرورة اتفق مع احمد منتصر فى ان نظام الحكم بمعنى اعم لابد وان يكون بعيدا كل البعد عن الدين

لاسيلسة فى الدين ولا دين فى السياسة

أحمد منتصر يقول...

والله يا عمورة أنا كنت بتكلم اجتماعيا مش سياسيا

وحتى لو سياسيا فالاقتصاد الإسلامي هو في رأيي أنجح الطرق في إدارة اقتصاد الدولة

عشان كده مقولة لا سياسية ف الدين ولا دين ف السياسة مش منضبطة تماما بالنسبالي

تحياتي