السبت، 22 ديسمبر، 2007

الحرية الجنسية: الحل الأسهل لجرائم الاغتصاب

Image hosted by servimg.com
كلمتين في الجون

لسه من قريب سواق ميكروباص بالدلتا حاول خطف بنت عندها 17 سنة واتنين صحابه لكن البنت صرّخت فسواق أتوبيس سمعها واعترض الميكروباص وتم إنقاذها بأعجوبة!. الشباب من الجنسين عنده كبت جنسي نتيجة لازدواجية ثقافة المجتمع وإللي بتترنح بين التشدد السلفي السعودي والانفتاح والحرية الأمريكية. يعني ما بين المسجد والتليفزيون!. الإسلاميون بيطرحوا حل الزواج السريع الميسّر بقالهم سنين لكن الحل ده متمّش تقنينه على كل زيجات الطبقة المتوسطة لسببين: الأول إن مفيش جهة أو جهات كبيرة تبنت الموضوع ده. ثانيا إن مش كل المصريين توجهاتهم إسلامية بحتة وإللي عايز يجّوّز دلوقتي بيبقى مرعوب موت من الالتزامات المادية خصوصا في ظل الأزمة الاقتصادية المصرية الحالية.
يبقى الحل من وجهة نظرنا كعلمانيين هو إتاحة الحرية الجنسية عن طريق إتاحة إيجار الشقق الخالية للشباب بالساعة. وتثقيف الشباب من الجنسين وتوعيتهم وتعريفهم بطرق منع الحمل واستخدام الواقي الذكري والكلام ده.
لكن سياسة الكبت المستمر وقطع المناظر الجنسية من الأفلام كل ده بيزيد من مشكلة الشباب من الجنسين الجنسية. وحتي إللي درسوه عن الأعضاء التناسلية ف المدرسة ف إعدادي حاجات هايفة وسطحية جدا ولا تغني ولا تسمن من جوع. وف المقالة الجاية حنتكلم عن موقف السلفيين من الرغبة الجنسية.

أحمد منتصر
في
ذي القعدة 1428

هناك 6 تعليقات:

أحمد منتصر يقول...

نفس الإرهاب الفكري
ونفس الحجج الواهية
وأنا مقلتش كلنا ننط على بعض ولا مؤاخذة
أنا قلت بإجازة العلاقات الجنسية برضا الطرفين قبل الزواج
ابقى اقرا كويس وبعدين رد
وتم حذف الرد لمخالفته للآداب العامة

غير معرف يقول...

أنا الرجل المبضين
طبعا عارف أني برد ردود بيض وكدة
بس هنا مش هرد بيض خالص لأني بقولك شكرا على أني فنان وكدة
بس لعلمك أنا فنان مبضين هههههههههههه
واحد بيض وصلحه

أحمد منتصر يقول...

أهلا بيك يا معلم

غير معرف يقول...

العلمنه ليها حد والاسلام ليه فرض ونحن كمسلمون اكثر من كوننا علمانيون مكلفون بالامر بالمعروف والنهى عن المنكر اما عن الدعوه للحريه الجنسيه فده شئ بضين حضرتك ومفيش حاجه اسمها نحل غلط بغلط واما اشوف سعادتك هعلقك انت مصحح لغوى ولكن محتاج لمصحح فكرى

أنا مسلــــــــم يقول...

على فكرة .. هي برضة وجهة نظر ..

هي صحيح بالنسبة ليا وجهة نظر منحله و تنم عن عدم القدرة على التفكير ولا استيعاب الواقع

لكني من باب الديموقراطية .. و من باب عدم رفض اراء الأخرين

أدعوا الله ان يرزقك بمن يجرب هذا الحل متبنيا أفكراك على أختك او أحد أقربائك .. و هنشوف ساعتها يا بطل ...

لما هيقولك الحرية الجنسية هتقوله ايه ؟

mhsn_10 يقول...

ايه ده .. انا كنت فاكر المدونة بتناقش السلفيين و تنتقدهم بأعتبار انك انت مسلم معتدل و ناضج .. بس كلامك هنا ده صدمني .. اباحة الزنا هو الحل الامثل لجرائم الاغتصاب .. يخرب عقلك .. انت بطلت تدخل على الماسنجر .. نفسي اكلمك و الله .. و مش هضايقك و لا حاجة :)