الأحد، 23 ديسمبر، 2007

السلفيون والجنس

Image hosted by servimg.com
كلمتين في الجون

المرأة المتبرجة عند السلفيين شيطان يجب لعنه عشان جسمها كله عورة لازم تخبيه!. قمة التخلف والرجعية إزاي ندفن جنس كامل تحت النقاب؟. ده وأد البنات أيام الجاهلية أرحم يا عم!. ناهيك عن صور وأد البنات الحديث عندهم إللي بتقوم على العنصرية الجنسية برضه زي: حبس البنت ف البيت ومنع خروجها. التحكم في تحديد مستقبلها من عمل وزواج وطريقة تفكير دينية أو اجتماعية معينة.
زائد إن السلفيين بيمنعوا كل وسائل تفريغ الرغبة الجنسية حتى البريئة منها زي العادة السرية والتنزه ف الشارع (!) وطبعا العلاقات الجنسية قبل الزواج. طيب الحل إيه عندهم؟. أقولك يا بوب الحل عندهم هو (الأمر) بالزواج السريع. طب أصلا الناس مش لاقية تاكل يا شيخ!. يقولك لأ جوّزوا الشباب ولو ف أوضة!. وطبعا أي شاب فنتزي ومزازنجي ميرضاش لنفسه إنه يتجوّز وهو عنده 19 سنة لسه ويشيل مسئولية أسرة وبيت وكده من بدري. غير إن الزوجة غالبا مش حتشتغل يعني الولد يا عيني حيشتغل ليل نهار عشان يعرف يعيش!!.
الشيخ يقولك خلاص عايز تأجل الجواز يبقى عليك وعلى الصوم يا أخي!. يا عم الشيخ أبوس إيديك إحنا عايزين نخاطب شرائح اجتماعية مختلفة مش الملتزمين دينيا وبس. أنا مثلا مبستحملش الصيام خالص.
ده غير حلولهم بقى إللي تخليك تفطس على نفسك م الضحك زي: منع الخروج من البيت عشان ف الشارع فيه مناظر عارية!. وزي تحريم اقتناء التلفاز (إوعى وشك!) عشان بيعرض مناظر مثيرة للغرائز!.

أحمد منتصر
في
ذي الحجة 1428

هناك 5 تعليقات:

غير معرف يقول...

السلام عليكم ورحمة الله
أخى أحمد هل انت تهاجم الإسلام ؟
أنا أرى ذلك وفى كل مقالاتك تقول السلفيين السلفيين حتى لا يظهر أنك تهاجم الإسلام ونهاجم فقط الفكر السلفي

أحمد منتصر يقول...

أهاجم الخطاب المتشدد أيا كان مصدره وشكرا على الرد

غير معرف يقول...

يعني المطلوب يا سي أحمد؟!

أنت تطلب إشاعة الفاحشة بين الناس !؟!؟!

أعتقد أنك كنت متشدد لدرجة أنك أنفجرت بهذا القدر من الرغبة بالتحرر

و أنت عندما تحارب السلفيين إنما تحارب نفسك عندما كنت سلفي

و الأنسان سهل ينجر وراء رغباته لكن الصعب أنه يتحكم في نفسه عشان كذا ليش ما نرفض التحكم هذا و ندعي بأنه تشدد و خنقة عشان نرتاح و نعمل اللي عاوزينه بحجة أننا بنحارب التشدد

أعتقد أنك بعد ما مللت الإلتزام أوجدت لك ( بيئة عقلية ) تساعدك على تقبل تغير للأسوء و تريحك من تأنيب الضمير

عموما ً انت حر

لكن ربما تتذكر من أيامك السلفية أن الله يحاسبك على ما تكتب فا حذر

و في الأخير أتنى أن لا يغضبك تعليقي لكني أشفقت عليك

أنا آسفه

أنا مسلــــــــم يقول...

السلام عليكم و رحمة الله
او بالأحرى أقول ( السلام علي من اتبع الهدي )

يا احمد .. اتق الله .

هل الكلام الذي تقول به في المقال هو كلام الشيخ فلان او فلان .

انه كلام الرسول صلى الله عليه و سلم

فانه الذي امر بالصوم و خاطب به كل شرائح المجتمع ... فهل انت افضل من الرسول ؟؟ لكي تعرف اكثر منه ؟؟ ام انك تنتقد حديثه صلى الله عليه و سلم .

و اما بخصوص الحل العبقري الذي تقول به و هو الحرية الجنسية .

فهذا لا يحل المشكلة .. بابسط التفكير .. و مثال على ذلك ما نراه في الدول التي تسميها انت متقدمة .. حيث الجنس مباح و هو اسهل من شراء البيتزا.

فهل يا تري حل ذلك مشكلتهم ؟؟
ان حالات الاغتصاب عندهم اضعاف اضعاف الحالات عندنا .فهل هذا هو المجتمع الذي تريدنا ان نكون مثله . هل هذا هو الحل ؟؟

لا اقول لك إلا اتق الله .

ولا تنس يوم يقول لك ربك ( اقرأ كتابك كفى بنفسك اليوم عليك حسيبا ) و تفكر فيما ستقول ساعاتها .

محمود سعد يقول...

إيه دا؟ هوا انتا كنت سلفي يا أحمد؟