السبت، 22 ديسمبر، 2007

الغاية تبرر الوسيلة

Image hosted by servimg.com
كلمتين في الجون

كنت قاعد أنا وتيتا جدتي يعني ف البلاكونة. ولما شافت واحدة منقبة ف الشارع قالتلي: يا عيني الستات إللي بيخبوا وشهم دول أنا بخاف عليهم م الكتمة!. فأنا ضحكت. وبعدين سألتني: هو النقاب ده ف القرآن؟. لقيت نفسي بشاورلها في عصبية إنه لأ!. وف اللحظة إللي بعد كده قلت ف نفسي: يا لهوي دنا كدبت!.
بعد تفكير عميق اكتشفت إن ده هو الصح. ولازم نمنع كل الأفكار إللي بالشكل ده من إنها تسيطر على عقولنا حتى لو كانت موجودة ف القرآن. لازم دعاة العلمانية يبشروا بيها الناس ليل نهار لإن الإسلام لو طبّقت كل أحكامه حاجات كتير حلوة حتتغير: السينما. الموسيقى. الحرية الجنسية. الديمقراطية. حرية الاعتقاد.
نرجع للنقاب: مش عارف إزاي واحدة عاقلة تغطي جسمها كله من أوله لآخره بحتة قماش إسود غليظ؟. حاجة غريبة والأدهى إن كتاب كبار كتير ضد النقاب آه لكن بينادوا بترك الممرضات المنقبات يعملن على أساس إن النقاب ضمن حرية الاعتقاد والحرية الفردية!.
كلام غريب يعني لو جات جماعة راديكالية متطرفة شوّهت نفسها بوشم إسود مخيف على وجوه إناثها نسيبهم ينشروا أفكارهم ع البحري كده؟. ما إحنا لو سيبناهم الناس حتفتكر إنهم صح ويزيدوا ويزيدوا!.

أحمد منتصر
في
ذي القعدة 1428

هناك تعليق واحد:

أحمد منتصر يقول...

يا فتاح يا عليم يا رزاق يا كريم

يا جماعة قدّروا :)

حضرتك بتتكلم عن شخصي الكريم وأنا اتعلمت منذ أيام روايات نت إني متكلمش عن شخصي الكريم لإن ده بيقود إلى صراعات جانبية ملهاش أي لازمة :)

لذلك حرد ع الحاجات العامة دون الشخصية لإن الشخصية لا دخل لأحد بها إلا لو استشرت حضرتك بنفسي ف حاجة فعندئذ أنا المسئول

المدونة دية لم أنشر فيها خاطرة واحدة حتى الآن

هي مدونة أفكار وليست مدونة خواطر وإفرازات نفسية

النقاب واجب ف الإسلام واقرأ كتاب الشيخ ابن العثيمين رحمه الله المعنون برسالة الحجاب حسبما أتذكر

وهو أصح قوليّ الصحابة وعلى رأس قائليهم في هذه المسألة ابن مسعود رضي الله عنه

ما مفهوم حضرتك عن الإنسان المحترم؟ هل هو من يمشي مطأطأ قفاه ف الشارع بدعوى غض البصر؟ أو هو من يرفع سرواله حتى منتصف ساقيه بدعوى اتباع سنة النبي صلى الله عليه وسلم؟

أنا لو مش عاجبني الإسلام كنت كفرت ولا أحدثك عن جرأتي ف تلكم الأمور :)

ولكني مسلم

الحكم الأول والأصيل على الحاجات بيبقى على حسب العقل :)

وكل واحد وعقله بقى..العب هع هع :)

السؤال الأول غير مفهوم. عموما أنا مش حابب كليتي

السؤال التاني لا مبرر له إذا نظرت إلى إجابة الأول

السؤال التالت غير مفهوم!

السؤال الرابع وإن كان شخصيا إلا أني لست من هواة التعرف إلى الفتيات..واللبيب بالإشارة يفهم :)

السؤال الخامس غير منطقي لإن كل واحد ومرجعيته. وأنا قلت إن إللي شايف الأغاني والموسيقى والسينما حاجات تافهة يبقى أنا بالنسباله تافه يبقى إيه إللي دخله المدونة أساسا مدام شايفني تافه م الأول؟

السؤال الأخير غير مفهوم!

التفكير الرجعي بيقول إن إللي بيكشف جزء من جسد أنثاه يبقى رجعي!. عموما لن أتحدث عن رجولتي ونخوتي ومبادئي لأني لسه صاحي وعايز أشرب الشاي قبل ما يبرد والسيجارة :)

سامحتك على أسلوبك يا عم بس بلاش تشتم تاني :)

وعليكم السلام