الأحد، 11 نوفمبر، 2007

مطلوب مؤهل عالي


كلمتين في الجون
من أكتر الحاجات إللي بتضايقني أثناء بحثي عن وظيفة إني ألاقي مكتوب: مطلوب ناس مؤهلات عليا للعمل كمندوبين مبيعات!. أو للعمل في أي شغلانة تافهة مش محتاجة التخصص إللي بيوفره بكالوريوس التجارة أو ليسانس الحقوق أو غيرهما.
وده غلط. لإن بكده إنت كرب عمل ممكن تخسر موظف كفء بس معاه مؤهل متوسط مثلا. وإنت كان كل هدفك من طلب موظف بمؤهل عالي إنه يكون مؤدب وابن ناس. كإن إللي معاه مؤهل متوسط ابن ستين كلب. مش ده تفكيرك برضه؟.
لازم أرباب العمل يراعوا الحالة التعليمية إللي بتمر بيها مصر حاليا. الحالة إللي تخلي صاحب المؤهل العالي حمار مش فاهم حاجة. وابن الناس الفقير مش قادر على مصاريف المؤهل العالي فيكتفي بمؤهل متوسط. ومتقولش تاني مطلوب مؤهل عالي!.
أحمد منتصر
في
شوال 1428

هناك تعليقان (2):

Ahmed Al-Sabbagh يقول...

السلام عليكم ورحمة الله

والله مقالاتك يا اخى كلها اكثر من رائعة
بجد انا سعيد باكتشاف مدونتك اللى تعتبر جديدة نسبيا
مبروك عالمدونة

وياريت نبقى اصدقاء

تحياتى
أحمد

أحمد منتصر يقول...

الله يخليك يا باشا كلك ذوق
وأنا قبلت إضافتك ع المسنجر
أهلا بيك