الأربعاء، 21 نوفمبر، 2007

هل الملتزم دينيا هو خير الناس؟

كلمتين في الجون

في فكرة غلط تماما منتشرة بين المصريين ألا وهيا إن الملتزم دينيا هو أحسن واحد وخير الخلق أجمعين وهو البوب الكبير. وده بيرجع إلى إن للدين ف قلوب المصريين هيبة بالرغم إنهم مش ملتزمين بيه. المهم تلاقي الواد لسه صغير ف السن ومربي دقنه ومش عارف إيه والناس تقوله يا شيخ وتقضيله مشاويره بترحاب مبالغ فيه وكإنهم حياخدوا ثواب أكبر لما يعملوا كده هوه.
لأ لازم نعرف إن الملتزم دينيا ملتزم لنفسه. وفيه إللي أحسن منه. وأحسن واحد ف المجمتع على التحقيق هو عامل النضافة لإنه بيشتغل لينا مش لنفسه. ونفعه متعدي. والمسئول الشريف. والقاضي العادل. والمدرس المفيد الخلوق. عشان كده متستغربش لو لقيت حد مربي دقنه عشان الناس تعامله كويس!.

أحمد منتصر
في
ذي القعدة 12428

ليست هناك تعليقات: