الأربعاء، 24 أكتوبر، 2007

مريم بتعرف تلعب

كلمتين في الجون

رهف الصغيرة رجعت البيت مع باباها قلقانة. مالك يا رهف؟. أصل يا بابي المس ف الكلاس قالتلي متقعديش كتير مع مريم. قلتلها ليه يا مس؟. قالتلي عشان مسيحية!. هو يعني إيه يا بابي مسيحية؟.
- إنتي كنتي بتعملي إيه مع مريم يا رهف؟.
- كنا بنلعب ف الحوش!.
- طيب مريم بتعرف تلعب ولا مبتعرفش؟.
في اليوم التاني لما رهف شافت المس جريت عليها وقالتلها: مريم بتعرف تلعب!.

أحمد منتصر
في
شعبان 1428

ليست هناك تعليقات: